السلام عليكم جميعا

بصراحه وبدون مقدمات انا بكتب عن مشكله اعاني منها مع زوجي تتعبني وتاثر في حياتنا

وهي منتشره جدا بين اغلب الازواج ولكن يختلف البطل هل هو الزوج او الزوجه ؟؟

بصراحه زوجي انسان كريم وطيب وحبوب ومحبوب والحمد لله وخدوم لاخر درجه بس عيبه الكبير هو عدم احساسه بقيمه الفلوس ما ادري اذا اسميه مبذر


يعني ابدا ما يفكر يجمع للمستقبل او يوفر لاي هدف

متزوجين من 4 سنوات تقريبا وما عنده ولا ريال موفره من فتره ترقى بعمله و زاد راتبه بنسبه 7% ومع زياده الدوله وصل راتبه مبلغ حلو والحمد لله بس والله ما حسيت بفرق ابد يعني تعبت وانا اقول له وفر ارفع اجمع مبلغ ما تدري وش بيصير بس لا حياه لمن تنادي

تخيلوا يصرف بدون حساب علي وعلى نفسه وعلى البيت مع العلم اننا نقدر نوفر نصف راتبه ونعيش بنصه بس تعرفون اذا المبلغ موجود بالحساب بيصرفه بدون ما يحس ...

طبعا بتقولون احمدي ربك والله اني حامدته وشاكرته وزوجي ونعم الزوج ولو الف الدنيا ما حصلت ربعه بس ما ننكر ان التفكير اتعبني مع اني دايم اشوف الرجال يجمع والحرمه تصرف بس في بيتي العكس

هو يعطيني مصروف وما اقول اني اجمعه لا والله اصرفه احيانا كله واحيانا احوش مبلغ منه بس ولو يضل مصروفي قليل مقارنه براتبه الي يطير على طلعات مطاعم و خرابيط ما هي ضروريه

حاولت معه يسوي خطه وتوزيع ميزانيه ؟؟؟ بدون فائده

قلت له عطني مصروفي ومصروف البيت وانا اتصرف فيه ؟؟؟ وللاسف ما اعطاني شي بس مصروفي يحس ان هذا دور الرجل ؟؟؟؟؟

واخر موقف صار من فتره

اتفقت معاه اننا نشتري لبعض هديه بسيطه (مناسبه خاصه ) تخيلوا انا اعطيته هديه بحول 600 ريال وهو عطاني بالفين والله زعلت وتهاوشت معه يعني ما يفيد فيه وش الحل ؟؟؟؟؟


اتمنى اسمع اراء الزوجات الي اثروا بازواجهم واراء الازواج الي قدروا يوفرون ؟؟

الدنيا غاليه ونفسي نملك بيت ملك



تحياتي
دلوعه زوجي

الحل اختي انكم تشترون بيت ملك بالتقسيط

صحيح ان الفوائد الي تحصلها الشركات من المشتري كبيره

بس احس انها تصلح للي ما يقدر يوفر

والله اعرف نماذج مثل زوجك

بس المشكله انهم ما يبون هالطريقه في الشراء لانهم يشوفون الفائده للشركه اللي تقسط كبيره وهو صحيح

ويبون يوفرون وتمر السنين

لاهم الي وفرو عشان البيت ولا هم اللي شرو بيت بالتقسيط

والله يخليكم لبعض ويسعدكم ولا يكدر عليكم

دنيا وآخره

ويرزقكم بالأبناء البارين

^
حلوة الفكرة

و عندي فكرة دام إنه ماشاء الله ما يبخل عليك

فليه ما تحاولي تجمعي كل مرة من الفلوس اللي يعطيك هي ؟

مرة تطلبي فلوس ، مرة تشتري ذهب و تخليه للزمن و لا نسي تخرجي زكاة الأموال

و الله يحفظكم إن شاء الله

ماشاء الله عليكم الله يديم المحبه

الحل فعلا انكم تشتروا بيت بالتقسيط هوا اللي حيخلي زوجك يضطر يوفر وممكن يتعلم التوفير من هذه التجربه

وياحبيبتي انتم متزوجين من اربع سنين بس يعني ماشاء الله عليه عاوز يمتعك انتم لسه صغار

الله يسعدكم ويزقكم الذريه الصالحه

__________________

وعليكم السلام ورحمه الله وبركاته


مثل زوجى الاول الله يرحمه ويخلى لى ابو انس ويخلى لك زوجك يارب

انا اشوف انك مثلا اذا راتبك 1000 منه قوليله ابغى 2000 بما انه ابو الكرم وشيلى ال1000 الى فايضه انت

هذا مثل افتراضى

يعنى شوفى انت كم تقدرى تاخدى منه وتفريها وربنا يكون فى العون

او زى ماقالو لك البيوت لاى بالتقسيط والله يعينك ويسهل امرك


الله يعطيك العافيه

لك فائق احترامى

__________________
قوس قزح

مماينتشرولايصح
(لاتقولو قوس قزح,فإن قزح شيطان,ولاكن قولوا:قوس الله,فهو أمان لأهل الارض من الغرق)
ضعفه السخاوى وقال الألبانى:حديث موضوع[السلسله الضعيفه2/264]
فلايصح المنع من قول قوس قزح

من رسائل الشيخ محمدصالح المنجد من قناه المجد

شكرا حبيباتي على الردود

وما تتخيليون فرحتي بدعوتكم لي بالذريه الصالحه قد ايش فرحتني (رب لا تذرني فرد وانت خير الوارثين)

اختي انا اموت فيه

تصدقين انه هو ما عنده مانع انا الي معارضه فكره اقساط البنك حرام مبالغ كبيره تضيع يكفي الاسهم والي راح فيها (الله يعوضنا)
بالعكس زوجي يعشق شي اسمه فيزا وانا اكرهها كره احس اني اصرف فلوس مو عندي
والحين هو يقنعني يشتري ارض اقساط بس انا ما ودي ابيه يتعلم يوفر لان البنيان غالي واذا بيقسط الارض متى بنبني؟؟

وانا ابد ما ودي بيت الملك يكون جاهز ودي نفصله على مزاجنا تصدقين اذا قلت لك اننا ساكنين بدون ايجار يعني حتى ايجار ما يدفع ؟؟؟ ومع كذا الراتب طاير



--------------
غاليتي روح الطير
تسلمين على الرد وزي ما قلت فوق فكره بيت الملك جاهز مستبعده من طرفي ومن طرفه و اما اقساط للبنك ما احبها ابد مدري وش السبب ؟؟
والحمد لله زكاه المال ما ننساها
وزي ما قلت قبل ان مصروفي احاول مرات اوفر ومرات ما اقدر تعرفين طلعات و لبس و يكون الشهر مزحوم وما اقدر اوفر
وحتى ولو وفرت ولو مبلغ بسيط ما يرضى ياخذه وتصير سالفه وهوشه واخرتها يا خذها مني ويشتري فيها شي لي يعني ما استفدنا

------------------

حبيبتي زوجه احمد

مشكوره على الرد المشكله لو حبينا نسافر مثلا ما نلاقي فلوس مع ان راتبه حلو (ما شاء الله ) وكما سبق وقلت ما يدفع ايجار ساكنين مع اهله تقريبا ما غير مصروف البيت واذا بغينا نسافر كله على الفيزا ؟؟؟؟؟؟؟؟؟ ما فيه كاش ؟؟؟ والله ما استمتع بالسفر احس اني ادفع فلوس مو لي تفكير غريب بس انا كذا افكر ...

-------------

غاليتي ماء القمر

اسعدني ردك وما تتخيلين قد ايش فرحت فيه والله يخلي لك ابو انس ويحرسه من كل مكروه ويحفظ لي زوجي ويطول لي بعمره ويهديه ويصلحه
نرجع لموضوعنا
الارقام الي ذكرتيها قريبه جدا من الواقع وهو فعلا يعطيني الفين بالشهر وللاسف انا اصرفها كلها واحيانا اوفر منها وانا دايم اقول له قلل مصروفي ووفر لاني حتى لو وفرت كم بوفر 500 بالشهر بس زوجي يقدر يوفر 5000
لان عنده باقي المبلغ وما فيه شي يدفعه بشكل رسمي غير راتب الشغاله 800 ريال ومصروف السياره والجوالات ومقاضي البيت يعني نص الراتب يكفينا وبالساهل بس لما يكون كامل الراتب متوفر اكيد بنصرفه كله

وانا اعترف اني اتحمل جزء من الخطا بس اعذروني اذا كنت ما اعرف كم صرفنا وكم بقى وهو الي يخليه لي ما يلمح ولا يقول لا شي طبيعي اني ما انتبه للي صرفناه



اتمنى الاقي طريقه تقنعه وتساعدني وتساعده على التوفير خصوصا في زمن الغلاء

بصراحة لا أعرف أين المشكلة , الحمد لله زوجك انسان كريم و يحبك و يحب اسعادك
زعلت جدا لما قلتي انك خانقتيه عشان جابلك هدية غالية , يا حبيبتي في الله , الزوج يحب التقدير التام و الشكر لما يحضر هدية لزوجته
نعود للموضوع الأساسي , بالنسبة للأقساط فمعاكِ حق إذا كان فيها ربا فتجنبها أفضل
و بالنسبة إنكم أحيانا مش بتلاقوا فلوس تسافروا فعندي فكرة حلوة

اشتري حصالة بس تكون شكلها حلوة ( قلب - صندوق أحمر .... الخ ) و تحطيها في مكان بارز و جنبها كرت مكتوب فيه غرض التحويش مثلا ( سفر في الصيف - رحلة رومنسية - مفاجئة ) و تطلبي من زوجك يحط فيها لما يحس إنه عايز و انتني كمان حطي فيها
زوجك ما شاء الله كريم ممكن كل شوية يرمي فيها و لو فتحتيها بعد ثلاثة شهور حتلاقي فيها مبلغ كويس
تستعملي الفلوس في الغرض اللي كتبتيه على الكرت
دي عملية بسيطة حتخلي زوجك يتعود عليها و يعملها
و كل ما التزمتي بتحقيق الهدف ( اللي كتبتيه على الكرت ) زوجك حيتفائل ان فلوسه رايحة في شيء مفيد
أما لو ما التزمتيش أو غيرتي مسار صرف الفلوس فزوجك لن يثق في الحصالة و حيطنش تماما
ربنا ييسرلك أمورك

__________________

عزيزتي نوران مشكوره على ردك وتفاعلك الرائع

وانا ما انكر ان زوجي كريم ويحبني وربي يشهد اني مقدره له هالشي ومبادلته بالمثل وسبق وقلت لو الف الدنيا ما احصل ربعه

عزيزتي المشكله انه ما يفكر بالمستقبل يعني انا لما زعلت على الهديه ما انكر اعجبتني وابهرتني بس يضل سعاده لحظيه وقطعه ذهب ما تفرح مقابل بيت العمر

يعني المشكله اني افكر ببيت العمر بالمستقبل وانه لازم نجمع من الحين تخيلي هو حسب المبلغ بالمواصفات الي نبغاها نحتاج 3 مليون تقريبا طيب من وين نجيبها اذا كان يصرف مبالغه على كماليات في الوقت الحالي انا ما تهمني

عزيزتي لا تفهمين اني ما اقدر هديته والله فرحت فيها وطرت من الفرح بس لما قالي سعرها زعلت لاننا اتفقنا على هديه بسيطه بمبلغ معين وانا اتبعت الاتفاق وهو لا ؟؟؟ طبعا هو ما سوى كذا الا علشان يفرحني ويسعدني بس ما انكر اني تضايقت

اوضح الصوره اكثر في بيتنا الوضع عكس شفتي الزوج لما تدخل عليه زوجته باكياس وفاتوره بمبلغ محترم كيف يتضايق لانه كان حاط لها لمت معين انا هذا سبب تضايقي اتمنى اكون وصلت الفكره


وفكره الحصاله حلوه ولكن هدفي مو سفره والله ما عاد يهمني شي بس ابي اجمع للبيت ما ودي اذا عجزنا نكون تونا نفكر فيه وقتها خلاص ما عاد يهم بيت الملك

يعني اجمع من ورى الحصاله 3 مليون ؟؟؟


اتمنى اسمع راي الازواج والا نفس حال زوجي وما عندكم حل ؟؟

الحصالة ممكن تكون تدريب لمرة أو مرتين على ست شهور , و على فكرة ما تستخفيش بيها أنا مرة جمعت مبلغ ضخم لدرجة إني ذعرت لما بدأت في عد الفلوس و استفدت منه جدا أنا و اسرتي , لدرجة أمي قالتلي لو كنت أعرف إن الحصالة بتعمل كده كنت حطيت حصالة من كذا سنة
و الحصالة فكرتها فعالة لأسباب منها
1- قريبة منك و أمامك دايما
2- ما تقدريش تفتحيها إذا خبيتي مفتاحها عند حد
3- إذا نويتي تصرفي فلوسك و انتي في السوق مش حتسحبي الفلوس زي الفلوس اللي في البنك
يعني عن تجربة , أنا فلوسي اللي في البنك بتطيـــــــــــر طيران , سحب بالكي نت في كل حتة
أما الفلوس في الحصالة بخليها و لو احتجتها قوي بكسل أجيب مفتاحها لأني شايلاه بعيد ( في منزل تاني )
و بالنسبة للهدية , فطالما ذهب فدي تعتبر هدية مزدوجة , ممكن تنباع وقت الحاجة و في نفس الوقت تلبسيها إلى أن تحتاجيها , يعني لو جابلك ساعة و كده ما كانش ممكن تستفيدي منها بعد كده

__________________

الله يهنيكم ان شاء الله

اختي تفكيرك سليم وفيه نوعيه من الرجال تصرف وماتجمع لذلك تقع المسؤلية على الزوجه في مساعدتهم على التوفير


طريقتي وجدت انها نافعه بشرط التقيد بالشروط وهي

توزيع المصروفات في جدول بحيث تعرفين المبلغ الذي تحتاجينه كل شهر لجميع الاحتياجات

مثلا ( الفواتير 1000- الثلاجه 1000- السياره 500- مصروفك 2000 - .............................)
المجموع مثلا 5000

يقوم زوجك بسحب مبلغ 5000 من البنك عند نزول الراتب ويضعها في مكان آمن في المنزل ومعروف بالنسبه له
وكل ماحتاج مبلغ يسحب منه ويضعه في المحفظه

الشروط
اولا-اذا احتجت الى مبلغ اكثر من مصروفك لحاجياتك الخاصه فلا تطلبي الزياده واجلي الحاجه الى الشهر القادم وتعلمي توفري من الالفين لك لو اضطررتي الى شراء فستان او مناسبه خاصه فانتي مسؤله عن احتياجاتك وممنوع الزياده من زوجك
وممنوع تخبريه ان الفلوس نقصتك عليك لانه راح يزيدك ـــــــــــــــ>>> كذا انتي تعلمتي التوفير

ثانيا- ممنوع منعا باتا استخدام بطاقة الصراف اثناء الشهر

ثالثا- تحاولوا كل غرض او حاجه ماتستهلك اكثر من المبلغ المدون في الجدول

رابعا- تحاولوا تقلصوا مصاريفكم على حدود المبلغ الذي تم سحبه اول الشهر كأنه كامل راتبكم يعني تنسوا المبلغ الموجود في البنك

وكذا كل شهر تكونوا وفرتوا من الراتب مبلغ محترم بشرط مايكون اقل من30% من الراتب

في البدايه الامر صعب والمبلغ تحصلوه اخر الشهر مايكفي واحيانا تجلسوا كم يوم تقشف الى نهاية الشهر وبعد كذا راح تتعودوا على الموضوع واذا كنتم شاطرين راح تبدؤا توفروا من المبلغ اللي سحبتوه في البدايه
وخاصة يااختي لسا مافي اطفال يعني التوفير اسهل
الله يرزقكم الذريه الصالحه
وعذرا للاطاله

__________________


اللهم اعنا على ذكرك وشكرك وحسن عبادتك

ألا كل شي ماخلا الله باطل ـ ـ ـ ـ ـ ـ ـ ـ وكل نعيم لا محالة زائل


في درب الحياة ضيَّعت نفسي ثم وجدتها في فناء الله،
وفي متاهات الطريق فقدت غايتي ثم ألفيتها في كتاب الله،
وفي زحام الموكب ضللت رحلي ثم وجدته عند رسول الله .