السلام عليكم ورحمة الله وبركاته

اخواني ... اخواتي

هاأنا أعود مجدداً بمشكلة جديدة

كما ترون

أختكم الان وحيدة في هذه الساعة تعاني لوحدها

حبيت افضفض لكم لعل وعسى الاقي جواب شافي او كلمة تطيب خاطري

ماابي اعرف من الغلطان
بس ابي حل .. لاني مستعدة اتنازل



كما ذكرت في مواضيع سابقة اني تزوجت عن قصة حب
ومدة زواجي هي سنتان و3 شهور تقريبا

زوجي الشاب الوحيد بين 4 اخوات وهو يكبرني ب5 اعوام

لما نتعرض لأي اعتراضات تمنع زواجنا لا من اهلي ولا من اهله

مع بداية فترة الخطوبة ( الملكة ) كنت الاحظ جفاء شديد من والدته
البعض اشار الى ان سبب الجفاء الغيرة .. ومنها الاحساس بفقدان الولد
بس الله يشهد على كلامي وهو رقيب على كل كلمة اقولها
ان علاقة زوجي ازدادت بها بسببي
اي وقت تتصل تبيه يوديها مكان .. عرس .. لبناتها .. علما ان اثنتين متزوجات
والثنتين الباقيين معاها بالبيت وزوجها ( عمي ) الله يحفظه موجود
احن عليه قوم ودي امك حتى لو كان معاي وهو مو راضي يروح

فكرت ان هالبرود بيروح مع الوقت والعلاقة الرسمية بتتلاشى مع الزمن
بس مافي فايدة
ماجت مناسبة الا واستغليتها
عيد .. سفرة .. زواج .. ولادة .. دايما ازورها وامطرها بالهدايا
تعترف بااصلي وترفض تعطيني رضاها
اكلمها بااستمرار وازورها
حتى ان زوجي ماكان يدخل على اهل امه انا دفعته لهالشي
قوم وديني خالاتك وحشوني .. اشتقت لبنات خالك ومن هالكلام ويروح معاي ويزورهم

تزوجت وزواجي كان مشترك معهم وفرحت وقامت ورقصت وحتى غنت
مر اليوم واليومين ولااتصل احد منهم ولا بارك لنا زواجنا
مع ان احنا سكنا لفي منطقة تبعد عنهم مسافة 40 دقيقة بالسيارة

قبل سفري لشهر العسل رحت وزرتها وقعدت معاها من الصباح الى المغرب لحد ماجى موعد طيارتنا

رجعت من السفر وخلال الشهرين كنت على اتصال دائما معاهم

والامور من بارد الى ابرد

بااختصار انا حاولت كل السبل اني اتقرب لها
وحاولت قج ماااقدر اني اقرب ابنها لها
علما انه كان بعيد جدا عن اهله لانهم هاملينه
الرجال لازم يقاسي عشان يشب رجال ( هذا كلامه عنهم )


وكان دايما يحسسني انه كان مهمل ووحيد قبلي
كنت افرح واحزن في نفس الوقت على طفولته الضايعة معاهم كنت ابكي
وعلى احساسي ان كل شي بحياته احس الدنيا مو واسعتني

قلت في خاطري يمكن هذا السبب انها تشوفه مبسوط معاي وان صادفتنا بعض المشاكل حالنا حال اي زوجين ثانيين
بس في ام تكره سعادة ولدها ؟؟ مو معقول


اخر موقف الي خلاني اتكلم هو


ان انا اجهضت 3 مرات بسبب ضعف في بنية جسمي ونقص في الهيموجلوبين وكل حمل كان مايدوم اكثر من 4-3 شهور

قبل اسبوع كنت عازمتهم على العشاء هي وعمي وبناتها الاربع عشان زوجي بيسافر
وجاوا
ولما قعدت معها اسولف
قلت لها عمتي ابي اطلب طلب منك
قالت شو
قلت لها ابي رضاك علي وعلى زوجي
قالت لي تدرين انا ايش ودي
قلت لها امري
قالت لي
تموتي


انا انصدمت من هول الصدمة ماقدرت اتكلم
بس قلت لها ليش
قالت لي بس كدا
انا اغار منك وابيك تموتي وان ماافتكيت منك جعلك ماتجبين عيال عشان ولدي يتزوج عليك واشوف الهم ياكلك
للعلم انها ماهي امرأ؟ة كبيرة في السن ماتعدت 43 سنة


الدنيا لفت في راسي
ورحت لغرفتي ابكي قعدت افكر ياربي معقول اكون غلطت بحقها في شي ؟ طول عمري اقدمها حتى على امي
بمناسبة مناسبة
حببت زوجي في اهلها وفي اهله
حاولت قد مااقدر ان اكون بنت لها مو كنة

بس للأسف مااعرف ايش ذنبي

صار لي اسبوع اعاني من هالكلمة

وزوجي صار له اسبوع مسافر في رحلة عمل
وكل مايكلمني يسئلني ايش فيك ماعرف ايش اقول له
ولا اابي اخرعه علي وهو في غربة وسفر


علموني ايش اسوي


جزاكم الله خيرا

جامليها ..وخوذيها على قد عقلها..لأنها من كلامك تبدو انسانه غير سويه..وكلامها وحركاتها خوذي وقطي بحر..ولا تهتمين وعيشي حياتك(ماعليك منها)..وانبسطي....

نقل لعالم المشاكل الاجتماعيه


ليجد التفاعل

__________________

	لاتقل أنا طيب فالكل طيب! ولا تقل أنا متعب فالكل متعب! ولا تقل أنا حزين فالكل حزين! بل قل فقط الحمد لله صبحاً ومساءً ، ليخف أنينك وتضمحل أوجاعك وتقل أمطار دموعك ... وعش هانئاً مؤمناً...متسامحاً عفواً متعاطفاً مع الغير..و ابتعد عن النزاعات والأحقاد والانتقام فلن يكسبوك سوا الندامه في الدنيا والآخره..

ياأختي الكريمه هذاهوحال أغلب امهات الزوج يغارون على ولدهم ومن حقهم. يشوفون ولدهم مع وحده ثانيه انالاحظت
الشئ هذا في ام زوجي لكن كنت اطنش واسوي نفسي مش مهتمه لكن ام زوجك غريبه جدا.وحرام عليهاتدعي عليك وان
زوجك يتزوج عليك وانتي مومقصره معاها والله انك سويتي اكثرمن اللازم مالك الاأنك تقللين من اهتمامك الزائدفيهايعني
يكون بينكم نوع من الرسميات يمكن يعجبهاالشئ هذا.

وحذاري ان تخبري زوجك بأن امه تقول ليت ولدي يتزوج عليك لأنه اكيدبيدورعلى رضاامه ومايعصي لهاامر.ويفعلها ويتزوج عليك.

أختك:فووووووز

هلا بالحب هلا

اختي العزيزه .. اعتقد ان عمتك غير طبيعيه .. لأنها تكره السعاده لأبنها ..

وانا لو منك .. ما اعطيها وجه .. يعني على كثر ماتسوين معاها بس مايبين شي في عينها ..


خلاص انتي سويتي اللي عليج .. وماشفتي نتيجه عدله ..

الحين طنشيها قد ماتقدرين .. ولا تسوين لها سالفه .. والنتجيه .. يمكن تكوون افضل من قبل ..

لأن اغلب العمااات جذي...

الله يعينج اختي .. وانصحج خبري زوجج بالموضووع و(اثقلي ) عليها ..

ربي يوفقج ..

تحياتي

الثقل
و التطنيش
وكأن الموضوع مو مهم مررره بالنسبة لك
والوضع جداً عايدي
يمكن يجيب نتيجة
الله يوفقك

__________________

ادعوا الله أن يحفظ لي إبني
ويمنح والدي الصحة والعافية

لا تهتمين وكل ما اسات اليك احسني اليها رغم اي كلمة تقولها لا تهتمي و كانها لم تقل شيء استمري في معاملتك لها و هي راح تلاحظ رغم اساتها لكي انتي تحسنين و ان شا الله تتغير لا تقلقي الحمد لله ان علاقتك مع زوجك بخير لا تقولي شيء لزوجك احسن

والله الحال من بعضه بالتمام والحمدلله وكل ماشفت منها زله قلت بيني وبين حالي (( هذا ابتلاء وحسبي الله ونعم الوكيل )) للعلم انا شفت من عمتي شيء ياليتها دعت علي ولا شفت الي سوته قلبتي المواجع والله ضاااق خاطري الله يفرج همي وهمك بس بيني وبينك هذا فيه اجر كبير بأذن الله واذ سويت شيء زين لا تقولي عشان زوجي قولي ان محتسبتها أجر عند الله الله لا يضيع لك تعب ان شاء الله تحيتي

والله حاله اول شي يقعدون الأمهات يدورون دواره للبنت اللي تصلح واللي يرضى بها ولدها وتطلع عيونهم وروحهم على بال ما وحده توافق تشيل الهم حق ولدها من فوق عاتقها وبعدين آخرتها يتمننون عليها ويبهذلونها عز الله ماتزوجنا عساهم لا تزوجوا ...خليهم يتحللون عند امهاتهم .. ايش هذا الظلم والأفترى ما احد يقدر يعيش بحاله ..

ما شاءالله عليك ماقصرتي معها بشي
وكل اللي عليك سويتيه
وما دام قالت هذي الكلمة فهي لن ترضى عنك ابدا
الحل
التطنيييييييييييش الى ان تزهق وتغير طبعها معك
بس لا تجهدين نفسك في سبيل رضاها
لانها فعلا غير سوية
في مجتمعنا الحمدلله ام الزوج تعامل زوجة ولدها كبنتها والعكس والحمدلله على ذلك