السلام عليكم يا جماعة الخير

انا لسة من شوية مخلصة محادثة مع وحدة من أعز صديقاتي

و هي بتحكيلي مشكلتها ... و الله إحزنت عليها

رح ادخل بالموضوع مباشرة بدون مقدمات ...

هي صديقتي إلها 3 شهور و نص متزوجة ...

و زوجها هو قريبها و لكن قرآبة بعيدة ..

كانت فترة الخطوبة 7 شهور ..

و بحكم إنو زوجها قريب العيلة مش حد غريب ... ما سألو عنو كتير قبل الزواج

و حتى خلال فترة الخطوبة ما كانت مرتاحة ولا سعيدة معو .. يعني ما عاشت فترة خطوبة زي المخطوبين

المهم إتزوجت .. و من تاني يوم زواج .. سار يقلها انزلي تحت اخدمي ابوية و امي .. و انتي بدك تكوني خدامة إلهم

هي بالمناسبة ساكنة بشقة فوق شقة اببوه و امو

و هي سارت تشتغل عندهم .. و كتير ايام كانت تمر عليها تعبانة و تشتغل و مش قادرة تمشي على رجليها و هو يجبرها تشتغل عندهم ... و ما يراعي إنها تعبانة

و سار ينزل عليها دم غير دم الدورة الشهرية

راحت على دكتورة مع إمها تكشف شو سبب الدم و الدكتورة ما فادتهم بإشي معين

حكتلها مجرد تعب و إرهاق .. و يمكن إلتهابات شديدة و يمكن إلتهابات بعنق الرحم ... و اخدت ادوية و علاجات

و الدم إستمر ينزل عليها ... بدون اي فايدة للعلاجات

طبعا زوجها كان كتير يمد إيدو عليها .. و يضربها .. إشي كفوف على وجها .. و إشي بالبربيش على جسمها و يغلط عليها

و هي صديقتي كانت ما تطيق زوجها ولا تحبو ولا تطيق إنو يلمسها أصلا

فيه يوم من الأيام إم البنت بتشكي لوحدة من صديقاتها عن الدم اللي بينزل عليها

حكتلها خدي بنتك على شيخ يمكن معمول إلها عمل !

و الإم راحت اخدت بنتها على شيخ و خلتو يقرأ عليها و يشوفها

الشيخ قال بنتك معمول إلها عمل للنفور من زوجها و إنها ما تحبو و كمان يجيلها إنهيار عصبي و ممكن تنزل بالشارع تجري زي الهبلة بدون وعي !!!

الشيخ فك العمل

طبعا زوجها عرف بهادة الكلام ... و مع ذلك زوجها ما راعاها ... و إستمر بضربها و بدون اي احترام لحالتها او وضعها

و عطول بتشكي إنو زوجها بخيل بخيل لدرجة كبيرة

بخيل المشاعر و بخيل بالفلوس

لدرجة إنو أجبرها وقت الدورة الشهرية ما تستخدم غير فوطة وحدة باليوم عشان التوفير ... بلا مؤاخزة بهاي الجملة

من شدة بخلو هادة كلو ...

و هي حاليا قاعدة عند بيت اهلها البنت .. لإنها مش طايقة تضل ببيت زوجها للضرب و الخدمة بدون أي إحترام او تقدير

و هي مش طايقة جوزها و بدها تطلق منو .. لإنو ما بيحترمها ولا بيقدرها .. و بيضربها
و عطول بتحكي زوجي ما إلو شخصية .. و بيسمع كلام ابوه

بتقول حماتي كويسة معي ... بس أبوه مش كويس ..

و بيقلها اشتغلي خدامة عند اهلي

يعني معاملة سيئة جدا جدا ... و هي بتقول اموت ولا ارجع اعيش معو هيك عيشة

و هي مترددة حاليا

ترجعلو و ممكن يتصلح معها .. او تطلق منو

اخوها بينصحها تطلق منو ... و إمها بتقلها لازم تصبري ... و هي يتمية الأبو

الموضوع كبير جدا و الله .. و مش دلع بنات .. هو بالفعل بيعاملها معاملة سيئة مش معاملة زوج لزوجتو اللي لسة عروسة

بستنى آرائكو و حلولكو إلها ... هي مش عضوة معنا .. بس رح تتابع الموضوع و تشوف كل كلامو

في امان الله

مسكينة الله يكون بعونها ..
خليها تستخير ، ما يكفي تخدم أهله و كمان بخييييل في كل شئ ..؟؟؟

قال تعالى ( إمساكٌ بمعروف أو تسريحٌ بإحسان)
والنصيحة بالصبر تكون في موقعها على أمل أن يتعدل الوضع إلى الأفضل ولا أظن أن هذا الرجل لديه أمل للأفضل حيث يضرب ويبخل في أيام زواجه الأولى حتى وصل الأمر إلى قرب هلاكها بمرض شديد وقد جربت الصبر معه فلم يزده إلا طغياناً, لذلك أنصحها بالإنفصال ويعوضها الله خيراً منه قبل أن يكون بينهم أولاد فتكبر المأساة ولله الحمد الذي جعل في الطلاق فرجاً وطلب الطلاق يكون إثماً على المرأة إذا لم يكن هناك سبب وجيه لذلك ولك لديها هنا أكثر من سبب بخل ضرب إهمال إجبار على خدمة أهله وهو ليس في العقد.
أسأل الله لها التوفيق الفرج العاجل

__________________

لتوفير الجهد والوقت للجميع :
1- كتابة الوقائع ثم المشاعر ثم المطلوب.
2- ما أقوم به هو التعامل مع عقل صاحب أو صاحبة المشكلة وشخصيتهما ونظرتهما للحياة لترقيتها للأفضل بإذن الله على ضوء ما يكتبان هنا.
3- لا بد أن تكون لدى صاحبة أو صاحبة الموضوع الرغبة في القبول بالنصح والرغبة في التغيير لا طلب الدوران معه على محور شكواه والبكاء معه.
4- لا يمكن بعد الله أن أعدل من ظروف الكاتب أو من شخصيات أطراف العلاقة في مشكلته إلا بتواصلهم معي هنا شخصياً.

الله يكتب لها الخير ياليت تستخير إذا فيه خير الله يرده لها وإذا فيه شر الله يصرفه عنها ...

تقربي إلى ربك كثيرا بالصلاة في وقتها والدعاء وقراءة القرآن والإستغفار والصدقة .....

الله يسخر لك زوجك ويكفيك شر من فيهم شر عليك ...

وإذا بترجع ياليت تشرط البيت المستقل البعيد عنهم

كذلك ياليت تأجل فكرة الحمل الله يكتب لها الخير....

ان شاء الله هي ناوية تستخير ... و الله زي محقلت حضرتك

و ياريت بخيل بالفلوس وبس و كمان بُخل بالمشاعر

والله كلامك صحيح رجل الرجال ... بتشكرك كتير

بالفعل اللي عندو طبع إستحالة يغيرو

و انا كنت بحكيلها تنفصل عنو .. و ان شا الله ربنا بيعوضها عوض خير

شكرا على الرد

هي الحمد لله البنت كتير قريبة من ربها من ناحية الصلاة و الدعاء و القرآن

الله يكفيها شره يا رب

و هي بتحمد ربها انها مش حامل منو ... لإنها بتفكر بالإنفصال بشكل كبير و بتعتبر الطلاق رحمة بحالتها

ربنا يجيب اللي فيه الخير يا رب

عزيزتي..

أولاً .. بصراحة لم أقتنع بحكاية العمل التي قال عنها ذاك الشيخ .. لأن زوج صديقتكِ أصلاً لم يقدم لها ما يدفعها لمحبته .. وبعبارة أخرى هي لم تحبه بسبب أفعاله وليس بسبب عمل ما.


ثانياً .. أتفق مع الوالد الفاضل رجل الرجال .. فالصبر هنا لا معنى له .. ومن يبدأ حياته الزوجية ومنذ الشهور الأولى كما بدأها هذا الزوج لا نرجو منه إصلاحاً أو رجوعاً عن غيه.



فرج الله همها وعوضها خيراً.

__________________


اللهم طِيبَ الأثر .. وحُسْنَ الرحيل.

الله يكون في عونها .. حقيقة حياة مؤلمه بيد إنسان قلبه من حجر ..
كيف له أن يقول هذه زوجتي ..سكني .. وهو يفعل بها كل هذه الأفاعيل ..
أليس لها مشاعر وأحاسيس أم أنه يعاملها كأنما هي جماد.. نسأل الله العافيه .

والحمد لله أولاً وأخيرا أن ليس بينهما أولاد .. وأنا أويد ما ذكره البعض من الحرص على الإنفصال
وعسى ربي أن يعوضها خيرا وأفضل منه .

__________________
كيف اقاوم الهم والألم. بالسجود راحة واطمئنان.

نهاية نوال..!