السلام عليكم احبتي في الله
صعب علي فراقكم كثيرا ولكني لم اجد مشكلة لمشاعري اتجاه الاخوات
وفي نفس الوقت مابي اخالف قوانين المنتدى
ولكن خواتي رغم بعدي فانتم في قلبي دائما ولايمكن انساكم
حبيت اكتب لكم اخر مشكلة ولعلها الاخيرة
طبعا مثل ماقلت لكم بعد عودتي من عند اهلي ان زوجي تغير للافضل
وانا كنت سعيدة بتغيره وشكرته على ذالك بس اليوم ومااعظم هذا اليوم
اول حاجة تصفحت فوجدت موضوع رجل منهار وهذا مازاد شكي انه زوجي لان كل الاشياء الي يقولها تنطبق علي انا وزوجي وانتم طبعا تعلمون المشكلة
الحقيقة خفت لما قريت انه كاتب له ماضي وعلاقات المهم تغير حالي وزوجي كان في بيته الثاني وتاخر لظرف عائلي وبعدها جا لقاني حزينة
قلت له اسالك بالله هل انت صاحب الموضوع رجل منهار حلف ايمان انه مو هو وصدقته رغم تشابه الاحداث وحتى زوجي شاف موضوعه قال سبحان الله في تشابه كثير
طبعا لما تجيني حاللات الشك يبغالي فترة حتى اروق واتخلص منها
شوي قامت زوجته ارسلت له رسالة غرامية عقبها دقت وانا صارلي اسبوع اقوله اذا صرت عندي لا تخليها
تدق عليك ولا تمسج لك بيومي مثل ما انا ما اكتب لك
استفزني زي العادة بسكوته طلعنا برى رحنا بر جلس يتمشى بروحه ورجع لي قال ليه ماتنزلين من السيارة
قلت لا تمارس علي برودك,,,,,,,, قالي اصلا ماني حاطك في بالي ولو احطك في بالي ترى باخذك بشربة مويا !! بالله هذا كلام ينقال
المهم زي العادة استفزني وقمت اغلط وارفع صوتي انهرت بالصراخ
قلت له ليه اسلوبك معي كذا تطنيش وبرود مو هذا سبب طلاقي منك مرتين.؟
قال خلاص وصلت لقناعة لازم نفترق
هو يقول هالكلمة وزوجته قامت ارسلت الرسالة الثانية غرامية
وحب وخراط فاضي حق مراهقين .,دقت على عمتي واشتكيت لها قالت لي ترى هي تقصد تسوي معك كذا ولا تخربين بيتك عشان مسجات
انا الحقيقة ماهمتني ولازلت اقولها اني ماغار منها لانها ماهي احسن مني بكل شي تبيه
بس الي حزن قلبي ردة فعل زوجي
يقول ليه تغارين منها ليه حارقة قلبك!!
المهم صار يستفز لين حرقني ودمرني وبالاخير خلاني بالسيارة وقال انا بروح لاني بايت عندك ولاعندها
كانت الطلقة الاخيرة بتطلع منه لولا ان الموضوع تغير
حطيت كل الاحتمالات قدامي عشت مطلقة زوجة ودارت بي الدنيا
الان انا ابغاكم تمهدون لي كيف اتاقلم لو افترقنا وهل تشوفون ان الفراق هو الحل
وفي نفس الوقت مابي اترك لها فرصة تفرقني مع زوجي بسبب مسجات
وفي تفس الوقت اسلوب زوجي معي تعبني يعني تطنيش ولاهمه شي واذا مرة ضاقت عليه الحلول يقول الطلاق
هل اطلق واحاول اعيش ماتبقى لي من حياتي في راحة وابعد عنه واتركه لها تشبع فيه
ولا انسى الموضوع ولكن والله ثم والله انه فعلا مات بداخلي انسان
انتم سبق ونصحتوه انه ولا وحدة فينا ترسل له ولا تدق عليه بيوم الثانية
ومع هذا اول مايدخل البيت تنزل عليه مسجات حب وحتى اهله قالو له ترى مو من حقها
والله لو زوجي قال ترى بوريك فيها ولا اخر مرة كنت ارتحت ليته ضحك علي بكلمة حتى ارتاح
بس ابد جلس يعاند لين فقدت سيطرتي على نفسي
فاذا كان رجل منهار هو زوجي وحاط قناع عشان ماعرفه اقوله الله لا يوفقك ويفضحك عاجلا وليس اجلا

__________________

من وصفك وكلامك عن شخصية زوجك ما أظن انه يختار معرف رجل منهار .

اذا كان هو فعلا رجل منهار خذي الزبدة من الموضوع وهو انه زوجك يحبك وما يبغى يخسرك ... ليه تنظري للجزء الفارغ من الكأس وتقولي هذا هو يعترف انه بيوم من الايام خان ؟؟؟؟ ليه ما تنظري انه الحين ما يخون وتاب من الخيانة وليه ما تنظري لأنه يحبك ويبحث عن حل للشكوك ؟؟؟

بعدين شنو ذنبنا احنا ؟؟؟ ليه تتركينا اذا لا سمح الله صار مشكلة مع زوجك


ربي ييسر لك الخير ويوفقك للي فيه راحتك ويكتب لك السعادة

__________________

عودي إلى مشاركات الأخ رجل منهار
وتابعيها وتابعي وقت تواجده في المنتدى
وأين كان زوجك وقت تواجد الأخ رجل منهار في المنتدى ؟
وبذلك ستعرفي إذا كان هو زوجك أم لا .

كما أن الأخ رجل منهار يقول إن زوجته في المستشفى ومغمى عليها .

تعبت ياحبيبتي تعبت
الحين زوجته ليه مايمنفعها ماتدق عليه
ليه يحرقني بسكوته
ليه

__________________

صابره

استهدي بالله ولاتهدمين بيتك بشكوك
لاتزعلين مني احب لك الخير وما ابيك ترجعين تكتبين لنا وانتي نادمه بعد مايهدم الشك بيتك
مسجات زوجته انسيها ولاتعيريها اهتمام انتي زوجته مثل ماهي زوجته ولك حقوقك فليشالم والشك والتفكير
صابره افهم نوعيتك الحساسه انتي انسانه حساسه عاطفيه عصبيه سريعة الحكم وعجله في امورك وسريعة الندم
لذا فكري الف مره ومره ما الافضل حياتك معه الان ام ما بعد الطلاق
ومادام زوجك حلف بالله صدقيه يا اختي من حلف له بالله فليرضى
صابره لاتقتلين حياتك واجمل لحظاتك مع زوجكبأشياء وهميه لا اساس لها
عيشي حياتك يا اختي مو دائما انتي اللي تنصحيني احب نفسي واعيش حياتي وما اجعل زوجي محور اهتمامي
شوفي وضعي وتذكري حالتي وخيانة زوجي لي وشوفي وضعك وقارني واشكري الله وتمسكي بزوجك
همسه بأذنك لو زوجك مايحبك صدقيني مايفكر يرجعك ابدا
هذا هو رجعك لانه يحبك فليش تهدمين هالحب
صابره تكفين لاتقهريني
استهدي بالله وفكري لاتصير حالتك مثل حالتي نهايتها طبيب نفسي وادويه

اهديك هذه الابيات وسامحيني على كلامي


لا تخل الشك مفتاح ويضيع
كم وصل هدمه الشك وفناه



وكم خل ينكر بخله صنيع
وكم ظن يحرق احلام الشفاه



إن عراك الشك لا تحكم سريع
هو من الشيطان لا تتبع نباه


وإن تبعته صرت له خادم مطيع
ما تشوف إلا الرزايا والدناه


وإن صحيت بغفوتك فعلك شنيع
ما جنيت إلا الندامه من وراه


شوف سوء الظن لي خذته يبيع
صاحبه ب الجور يا فعله ورداه


لا تخل الشك مفتاح ويضيع
كم بيت هدمه الشك وفناه

__________________

لا اله الا انت سبحانك اني كنت من الظالمين

مااذكر والله يمكن على وقت صلاة الجمعة بس شفت ودقيت على زوجي في الحين ولقيت عنده ناس
وكنت ادق كل خمس دقائق

__________________

فكري معي شوي انتي شستفدتي؟؟
أول خطأ أنك تراقبين مسجات زوجك وهالشيء بيتعبك جدا ولا اعتقد انه من حقك
ثاني خطأ حملتي زوجك خطأ زوجته والمفروض لعبتي على نفس الوتر اللي لعبت عليه هي والبادي أظلم الشهر الحرام بالشهر الحرام لما غزوا المشركين الرسول بشهر من الاشهر الحرم غزاهم أيضا بشهر حرام
المفروض طولتي بالك وارسلتي لزوجك سيل من الرسائل بيومها علشان تلزم حدودها
لأن محصلة اللي صار كله أن يومك قلب نكد وكنتي على شفا جرف وهي صورتها العاشقة اللي تنتظر فارسها

ياليت غيرتك حركت الذكاء عندك وخليته ينسى أووووم الرسائل الللي ترسلها
بس للأسف فرحتي الشيطان وفرحتيها

الشيء الثاني لو فرضنا ان زوجك هو كاتب الموضوع>>على اني شكيت فيكم مرررة
فهو كاتب كلام بمنتهى الروعة عن زوجته ومشاعره نحوها وعجزه عن التعبير عن مشاعره
أما ماضيه فأتذكر انك سبق واشرتي لهالشيء بالموضوع الاول لكم
ويكفيك انه اكد ان هالشي قبل الزواج وانه تركه تماما

ياحلوة قومي توضي وصلي ركعتين وتعوذي بالله من الشيطان وارضي زوجك ترا الدنيا ماتستاهل
ودائما توكلي على الله لأن الله وعد ان اللي يتوكل عليه يكفيه ما اهمه ومن يتوكل على الله فهو حسبه

وكل مايلعب الشيطان براسك امسكي لسانك واستغفري جربيها والله عجيبة ومن تجربة

الله يسعدك يارب ويبعد عنكم الشيطان

دلوعة ياعمري والله مانسيتك من دعائي ابدا
انا تبعت صدقيني طبعه مايتغير واسلوبه حرقني
صارلي اسبوع اقوله خلي زوجتك تبطل ترسل مسجات غرامية بيومي
ياعالم انا مارسل له ولا اغزل فيه هو مو عندي
تركته لها شهرين تشبع فيه ومع هذا تبي تضرني
وعمتي اكدت لي انها تتلذذ بالشي هذا وتفرح لما زوجي يهاوشني
يادلوعة انا دخلت بحر ولا صرت اعرف انقد نفسي منه غرقت خلاص
اليوم شفت الطلقة الاخيرة بين عيوني تلف وتدور ولكن قلت هل نهاية الحياة
ورجعوا اهله كلموني خواتته وامه قالو لا تخربي بيتك لاجل مسجات هذا شي تافه وامي تقولي نفس الشي
الي حرقني اسلوبه مو هي ولا لو احطها في راسي لا اعدمها
بس ماحب هالحركات ابي اعيش بسلام
صارلي اسبووووع اقوله كلمها لا ترسل ومرة قالها ليه ترسلي قالت ترى ابنها الصغير بالغلط!
واليوم مرتين وتتصل وش تبي منه
مافي شي ضروري ابد بس تبغى تجيب مشكلة لي وله
اقسم بالله ترسل رسايل اطفال كانها مراهقة رسايل تنقلها من النت وترسل وخاصا الحين المسجات ببلاش وهي ماقصرت
يادلوعة فاض بي الكيل

__________________

صح كلامك وربي لو اني فعلا ذكية كان حرقتها بس انا بطبعي احب اعيش بسلام
لكن تبشر بعزها في حالة اذا استمريت معه
واذا طلقني بيتزوج غيرها يعني بتم طول عمرها لها شريكة بزوجها
زوجي واعرفه لايمكن يعيش معها لوحدها ودليل كلامي انه كان يدور الزواج بعنف وخطب وحاول من هنا وهناك
انا رزقي على الله واكلت تجربة لو يجيني معدد ماتزوجه لو يذبح لي حرمته عند باب بيتي
الشي الثاني اسال الله اذا كانت ناوية تخرب بيتي الله يشغلها بنفسها ويرد كيدها بنحرها
واذا طلقني الله يسلط عليها ضرة تحرقها حرق
لانها ماحمدت ربي انا الي تركه لها بالشهور اروح لاهلي
تخيلو اليوم قصيت تذكرة العودة قدامه وقلت له دام نفسيتها كذا مانيب راجعة لاهلي
ويمكن هذا السبب الي خلاه يوصل للطلاق لان زوجي ماعنده نية يستقر معي وعاجبه المسفار

__________________

عزيزتي صابرة بدينتي
ليش تستسلمين وتنهين حياتك كذا
ليش ماتسخدمين الحيل وتخلين زوجك يحبك بقناعة

اول شي حطي في بالك شي انو ربي بيعطي كل واحد على نيته يعني زوجته الثانيه اذا كان قصدها من الحركات والمسجات انها تخرب بيتك الله راح يجازيها وشيليها من بالك تمام

شوفي بحط نفسي في مكانك وبتصرف بالطريقة اللي بقولها لك الحين

بنسى كل اللي فات بمعنى الكلمة وببداء حياة جديدة بكل تفاصيلها بمسك زوجي واقوله
انا بفتح صفحة جديده بحياتي وبفتحها عشانك انت وبس بتغير وبغير كل شي فيني لك انت راح اخلي هدفي بحياتي سعادتك ماراح يكون هدفي انت لا هدفي سعادتك لو كان هدفي انت ممكن راح اخنق واضايقك بس طالما هدفي سعادتك يعني ماراح تشوف مني غير كل شي يرضيك واقنع نفسي بهالهدف بمعنى الكلمة وارسم خطه عشان اوصل للهدف وبعد 4 شهور بشوف وش التغيرات اللي صارت بحياتي زوجي تغير معي و لا حياتي صارت افضل و لا اذا كانت افضل بستمر اذا كانت اسوء وقتها ممكن اسويلي اهداف ثانيه مابتكلم فيها الحين

وخطتي حتكون كا الاتي

ايش يحب زوجي يتكلم فيه اذا كان يحب يتكلم معي اما اذا كان يحب السكوت بسكت معه و اذا طلب مني الكلام بتكلم باللي يبي هو

ايش يحب زوجي من اكل
ايش يحب زوجي من ترتيب
ايش يحب زوجي من تغيير بشكلي ولبسي

ايش يحب زوجي من اللي اصرفه هو عادي ماعنده مشكله يعطيني او لا يحب اصرف مبلغ معين وعلى اساسه انا بتصرف

اولادي يكون دايم بافضل اشكالهم اذا جاء زوجي اريحه من الدنيا كلها

يعني اخليه اذا جاني يعرف ان عندي الراحه
لايشوفك غير وانتي بافضل اشكالك مبستمه متفائله
اضغطي على نفسك شوي
حطي في بالك انتي في حرب ولازم اكسب قلب زوجي واكون انا رقم واحد عنده
على كرا كل الكلام اللي قلته هو من حسن التبعل للزوجي
وايضا احتسبي الاجر لانو طاعة الزوجة فيها اجر
واوصيك بالدعاء والاستغفار


ملاحظه
ما اعرف مواضيعك الثانيه وهذا اول موضوع اشوفه وديت على اساسه
الله يكتبلك كل خير وتوفيق