طليقي ، أخي ، المخدرات ..
السلام عليكم ورحمة الله وبركاته ..
اتمنى ان يكون الجميع بخير ..
انا لي قصة مع طليقي طويلة بشكل عام هو مدمن ، و انا هنا لا اريد ان اتحدث عنه و عن مشكلتي معه
مشكلتي اصبحت اكبر ، اخبرني طليقي ان اخي ايضاَ يتعاطى الكبتاجون ..
راح اعطيكم نبذة مبسطة عن حياتنا ، والدي متوفى منذ 7 سنوات كنت وقتها 20 سنة و اخي المعني 15 سنة
يعتبر هو رجل البيت من لحظة وفاة والدي ، ان سألتم عن اقاربي اهل والدي يسكنون بعيد جداً عنا
عندي احد عمي يبعد عنا 150 كلم .. و لكنه مشغول بأسرته و لا حتى يزورنا الا نادر و غالباً يجي بمشاكله
اما البقية ف سكنهم بعيد جدا والطريق اليهم يأخذ 17 ساعة سيارة ، اخوان أمي نعم قريبين منا جداً و لكن لا يهمهم امرنا
و صرح بذلك احدهم بعد وفاة والدي ب3 ايام خالي الكبير تكلم مع والدتي وقال لها عيالك انا اعتبرهم عيال الناس مالي دخل فيهم ، انا علي منك انتِ ، أنتِ الآن ارملة اهل عيالك ياخذونهم حتى وقتها امي حامل قال و اللي في بطنك بعد ولادته ياخذونه و انتِ تعيشين عندي ، هالشي ما صار لأنه لا يحق له اصلاً ..
يعني نحن نعيش لوحدنا لا قريب و لا احد ..
أخي الآن عمره 22 سنة ضاع بعد وفاة والدي كان متفوق و مجتهد و محافظ على صلاته و كان رفيق والدي بشكل كبير جداً ، بعد وفاة والدي اصبح يسهر خارج المنزل لساعات طويلة بعدها اصبح يدخن و يضيع الصلاة كانت امي دائماً في خصام معه ولا تقدر تشوف تحركاته خارج المنزل و تجلس تنتظره لين يجي الصباح
و هكذا حتى تم فصله من مقر دراسته بسبب انه يتغيب كثير ، بعد فترة امي تزوجت عمي شقيق والدي
على اساس يلم شمل العائلة ، بعد زواج امي اخوي تدهور اكثر لأن امي انشغلت عنه ما صارت تسأله وين رايح و من وين جاي ، زواجها اثر في نفسيتنا يعني من جهة وفاة والدي و من جهة زواجها اللي اخذها بطريقة مؤلمة
اذكر مره دعت علينا بدون سبب و الله و بشكل قاسي كنا على نتعشى دقت على اخوي قالها بعيد تعشوا
قفلت منه و قالت الله لا يوفقكم يا عيال .... !
بالمقابل نشوفها تدلل عمي و تهتم فيه ؟ انا مؤيدة لزواجها من حقها تعيش بس لا تنسى عيالها
دائماً تدعي علينا دائماً تشتمنا بكلام شوارع تقذفنا بكلامها و شتمها كلمناها مافيه فايدة كلمنا عمي يكلمها مافيه فايدة امي كذا من عرفتها ..
الآن انا ما استبعد ان كلام طليقي صحيح ابغى منكم مشورة كيف اتصرف مع اخوي
رغم اني كلمته و كان رده ( لا ما عليك ) و انا اعرفه لو بريء من هالتهمة و الله بيدافع عن نفسه لكن رده شككني اكثر
ارشدوني لا خال و لا عم فيه خير ..
__________________
اللهم اخلف لي خيراً من ما مضى .
15-11-2016, 10:40 AM
ضوابط المشاركة
العرض الشجري