السلام عليكم ورحمة الله وبركاته
انا محتاجة لحد يكون حكيم وفاهم اوووي نفسية الرجل انا في مصيبة انا من عائلة متدينة جدا وزوجي اهله ناس كبار في السن بيصلو اه بس والده مش دايما في المسجد ووالدته ممكن تأخر الصلاة لقبل الصلاة اللي بعدها بشوية صغيرين وبيتفرجو علي التليفزيون ومسلسلات واغاني واخواته كذلك وهما ناس في حالهم انا ذكرت ده عشان تعرفو الجو اللي زوجي اتربي فيه هو طول عمره كان معندوش ولا ذرة شك في ديننا لدرجة انه في فترة انضم لجماعة التبليغ والدعوة وبات في المساجد وكان بيسافر القري مع الجماعة دي مش جماعة ارهابية بالعكس كانو بيدعو لربنا بالهدوء والخطب بس ده قبل الزواج بسنين بعد الزواج بيصلي اه في اوقات مش بيفوت صلاة في المسجد ويبقي متدين اوووي واوقات ممكن ينام ويفوت الصلاة في فترة كان بيقرأ كتير في كتب علم النفس وكتب مصطفي محمود وبعدها بيقرأ عن الملحدين وكان عادي بيستغرب من حاجات ف ادين كلها غيبيات ومش معروفة وكان مشغول بيها اوووي من سنة تقريبا بدأت تظهر عليه ان عنده شك وبنسمع كتير ف التليفزيون ناس بتشكك عندنا في مصر في احاديث البخاري ومسلم هو كان بيقعد يغلط فيهم ويقول عليهم غلطانين بس ساعات يقرأ كتير عن الالحاد ويقولي طيب لو طلع الدين مش صح يبقي الحل ايه اقوله انت شايف دين تاني احسن يقولي لا بالعكس كدين هو احسن دين اقوله خلاص يبقي مش هتخسر يقولي لا ابقي عشت في وهم الدين قولتله احسن ما تتفاجئ في الاخرة يقولي لا اقوله شكلك هتبقي ملحد ابقي عرفني عشان اسيبك لاني مش هقبل اعيش مع ملحد يقولي انتي مجنونة كل ده مش عارفاني انا ابعد واحد اني اكون كده هي اسىئلة بتيجي في بالي قولتله شوف شيخ ثقة واقعد معاه يفهمك اللي عايز تفهمه يقولي بقرأ اقوله مش هينفع قراءة بس يقول بعدين واتكررت الحوارات دي بيننا علي مدار السنة تقريبا كتير لازم اسبوعيا تتكرر اقوله المفروض متشغلش بالك بالاسئلة دي يقولي امال اعيش كده مش عارف انا ايه اقوله انت شاكك يقولي لا هي بس اسئلة مستغربلها كنا كتير بنتكلم في موضوع ان عقاب الدين الشديد اوووي وان ممكن الحاكم المسلم انه يحكم امته ويلزمهم بالحجاب واوقات الصلاة مينفعش ان راجل يبقي ماشي في الشارع مش بيصلي والصلاة شغالة زي نظام السعودية ومينفعش واحدة تمشي متبرجة بلبس عاري وشعرها باين في دولة اسلامية يقولي لا المفروض كل واحد حر وربنا اللي يعذب اقوله الآية اللي بتقول معناها ان الله يعذبهم بأيديكم وايدي المؤمنين وايات اللي بيغير شرع ربنا ده حرام زي الدول الاسلامية اللي مش بتمشي بالشرع زي مصر وغيرها يقول اه ساعات ويقول لا ساعات ومستغرب ان الرسول كان بيقتل ويعذب الكفار اللي اخطئو مثل حديث المسلمين اللي الرسول عليه الصلاة والسلام قالهم يشربو من لبن وبول البعير عشان يصحو من التعب ولما بقو اصحاء راحو قتلو رعاة بعير الصدقة اللي الرسول قالهم يشربو منها وبعدها الرسول اسمل اعينهم وقتلهم هو في البخاري كنا بنتكلم فيه امبارح ان الحاكم يحقله يحاسب المخطئ وان العقاب شديد في الاسلام للمخطئ علي قد الرحمة الكبيرة فيها عقاب كبير يقولي يبقي في تناقض الرسول كان نبي الرحمة هيعمل كده اقوله ممكن اللي انت شايفه تناقض يكون لسبب بيان شدة الرحمة في الدين والعفو وشدة العقاب في نفس الوقت يقولي انتي غبية اساسا انك تجيبيلي حديث زي ده في الوقت ده اول مرة يعترف ويقول انه عنده شك في الدين كل مره كان يقول تساؤلات قالها بالنص مش هقول مش شك مش هضحك علي نفسي مالهاش اسم غير انه شك قلتله ادورلك علي طريق الشيخ محمد حسان لانه بيثق فيه قالي مش وقته بعدين انا مش عارفة اعمل ايه اقوله ايه عشان يقتنع ويشيل الشكوك دي من دماغه ازاي اقنعه وهو عنيد جدا انه لازم بسرعة يذهب لشيخ ثقة يجيبله علي تساؤلاته ولو اتكلم معايا في الكلام ده تاني اقوله ايه وارد ازاي وان الحاجات اللي مقتنعة بيها زي عدم التهاون من المخطئ مهما كان مش عاجبه وبيضايقه ده حتي في حوار مشهور لقاضي عندنا اسمه الزند قال لو الرسول هحبسه استغفر الله في الاول غلطه وبعد ما لقي هجوم شديد عليه يقول ده زلة لسان مينفعش يقفوله علي الكلمة مش مستشعر حجم الخطأ ده ارجوكم دلوني انا عايزاه يبقي كويس وربنا يهديه ده كان من احلامه الجهاد في سبيل الله مستقبلا ومش مع اي جماعة ولا داعش ولا غيرها اتغير ليه في انتظار ردكم ولكم جزيل الشكر

ارجوكم ردو عليا بسرعة النهارده منزلش يصلي الجمعة بحجة انه مش طاهر انا فعلا عارفة انه لازم يطهر في بيت اهله لان عندنا السخان بايظ بيتصلح ف التوكيل واهله النهارده قبل الصلاة بتبقي الميا ضعيفة وهو من زمان ميعرفش يطهر غير والمياه شديدة المهم برده فتح النت علي جهازي وقعد يدور علي الكلام ده في شبكة الإلحاد وبرده يدور في الرد عليهم انا مقلتش ليه اني عرفت بعدها بشوية قالي انا مش عارف اعمل ايه في المصيبة اللي انا فيها قلتله انت اللي اتبعت خطوات الشيطان قالي غصب عني جوايا تساؤلات مش عارف اقتنع بيها قلتله بدل ما تتدور علي كلام الملحدين دور علي كلام الدين قالي دورت معرفتش اقتنع بعدها سكتنا عشر دقايق بعدها خد فلاشة النت وفتح اللاب قلتله برده هتدور قالي ملكيش دعوة قلتله لا ده مصيري انت لو كده مش هعيش معاك لحظة قالي اما ابقي كده ربنا مش هيحاسبني علي شكوك غصب عني قلتله انت بتبرر لنفسك زي ما بتبرر الاباحيات بضعفك ومشي يعمل قهوة رجع قفل التليفزيون وهو عارف اني بحب يبقي في صوت شغال واحنا قاعدين ع النت خدتها فرصة وشغلت سورة القيامة قالي ما تسمعيها في الهاند فري قلتله بيجيلي صداغ انت ايه مبقتش طايق حتي تسمع قرآن قالي انا غلطت اني قلتلك قبل ما افكر لانك عمرك ما هتفهمي كويس قصدي قلتله دور ازاي سيدنا محمد لو الف القرآن عرف منين حاجات حصلت بعده وعلماء اكتشوفها ومذكورة في القرآن ارجوكم ساعدوني في اسرع وقت انا منهارة وماسكة نفسي ادامه بالعافية وعندي سؤال
ياتري لحد دلوقتي حلال اعيش معاه وحلال يقربلي ؟
وبفكر ادور علي شيوخ بيثق فيهم هما اللي يطلبوه ويكلموه ويقنعوه

اختي الفاضله

سيرد عليك احد اعضاء الهيئه الشرعيه فور دخوله ان شاء الله

نامل منك الانتظار

__________________




بيان إداري نأمل منكم الاطلاع

جديد المنتدى

هل تعرضتِ للابتزاز
هنا من ينقذك


مفضلة المتزوجين 2011-2014


مفضلة المقبلين على الزواج 2012- 2014

انا في الانتظار جزاكم الله كل خير

الأخت الفاضلة من أي بلد أنت؟ هل السكن في السعودية؟

__________________
كثير من المشاكل الأسرية والمعقدة لا تنتهي تماما، وإنما تبقى لها بقايا.
أي أنها قد يبقى منها 20% مثلا

مشاكلنا الأسرية المعقدة كثير منها لا ينتهي بصورة نهائية وإنما تبقى لها بذور يمكن أن تنمو في يوم ما، ما لم نتعاهدها بالحصاد.

مشاكلنا المعقدة لا يمكن حلها بضغطة زر، وإنما تحتاج إلى ممارسة ومجاهدة وضغط نفسي ومدة أطول مما نتوقع ليأخذ الحل مجراه.
المهم الصبر، فقد يكون بينك وبين الحل غشاء رقيق، فلا تتوقف.

من الأفضل كتابة السؤال في منتدى الاستشارات الشرعية، (الخاصة) على هذا الرابط:
http://www.66n.com/forums/forumdisplay.php?f=114

__________________
كثير من المشاكل الأسرية والمعقدة لا تنتهي تماما، وإنما تبقى لها بقايا.
أي أنها قد يبقى منها 20% مثلا

مشاكلنا الأسرية المعقدة كثير منها لا ينتهي بصورة نهائية وإنما تبقى لها بذور يمكن أن تنمو في يوم ما، ما لم نتعاهدها بالحصاد.

مشاكلنا المعقدة لا يمكن حلها بضغطة زر، وإنما تحتاج إلى ممارسة ومجاهدة وضغط نفسي ومدة أطول مما نتوقع ليأخذ الحل مجراه.
المهم الصبر، فقد يكون بينك وبين الحل غشاء رقيق، فلا تتوقف.

وللعلم العام للجميع، مثل هذه الأمور يتواصل فيها مع المهتمين بهذه الموضوعات، لمناقشة الملحدين والشاكين، وإعطاء الأساليب والطريق للتعامل معهم من أمثال:
الشيخ أحمد السيد
والشيخ عبدالله العجيري
ولهم حساباتهم في تويتر.

__________________
كثير من المشاكل الأسرية والمعقدة لا تنتهي تماما، وإنما تبقى لها بقايا.
أي أنها قد يبقى منها 20% مثلا

مشاكلنا الأسرية المعقدة كثير منها لا ينتهي بصورة نهائية وإنما تبقى لها بذور يمكن أن تنمو في يوم ما، ما لم نتعاهدها بالحصاد.

مشاكلنا المعقدة لا يمكن حلها بضغطة زر، وإنما تحتاج إلى ممارسة ومجاهدة وضغط نفسي ومدة أطول مما نتوقع ليأخذ الحل مجراه.
المهم الصبر، فقد يكون بينك وبين الحل غشاء رقيق، فلا تتوقف.

وضعت السؤال في القسم اللي حضرتك قلت عليه
واحنا ساكنين بمصر