مساكم ربي برضاه
تحية طيبة بحب وشوق لكل من أحبه
الحقيقة بغيت اكتب اخر موضوع قبل السفر
وفي نفس الوقت مشتاقة لكم حيل
أبدخل في الموضوع بدون مقدمات
زوجي من يومين متغير .. لاتقلون لي تتوهمين لأني والله عمر احساسي مأخذلني
وفي اشياء أحس بمصداقيتها مهما كانت الطريقة أو الاسلوب بسيط
وفي اشياء لو تكتب بماء الذهب وتقال باعذب الكلمات مايصدقها احساسي
لأني من داخل (شفافة) وما استقبل إلا الشفافية
المهم: قلت له وشفيك متغير صارلك يومين وشوقك قل وشسالفة !
طبعا قبل فترة زي ماعلمتكم تصلحت العلاقة معه وصار يقولي كلام حلو وانه مشتاق لي ومتى بس يجي وقت سفري وأجيه
اليوم قلت له أحسك مو مبسوط تري مابقى شيء ونلتقي
قال لا وأنتي احساسك خرطي وبالعكس ومن ذا الكلام
لكن لي وصلني داخل غير كلامه »» أعرف زوجي وقسم برب الكعبة اني أحس بالكلمة منه. قبل لا تطلع
صرنا نتكلم عن ذيك الأحلام المخيسة وقلت له ترى كثر طلاقك هز كياني وطمئنينة نفسي
يعني لا تلومني إذا شكيت ولا حلمت شيء خارج عن ارادتي
وماعليك الان إلا تصلح مابداخلي من كسور وتحاول ترجعلي الأمان
قال يعني أنا الغلطان أنا الغلطان بكل شيء !
قلت له الغلط منا الاثنين ولابد نتفق ونتفاهم
قلت أنا ارتحت عند أهلي وامي تداريني والله حتى الكلام تحذر معي فيه عشان مازعل
قلت له مثل مابجيك من عند أهلي مرتاحة وزي الوردة حافظ ع راحتي
أي قبل لا انسى قلت له الحقيقة انت مزاجي ومتقلب
يعني مثلا أحيانا يكون ماله خلق وشوي يجي ويقول حبيبتي بين السالفة والسالفة حول نص ساعة
قلت له اشك ان وحدة تزعلك وفي نفس الوقت تروقك
لأحد يلومني ياجماعة وقسم بالله حتى لو أنا غلطانة بس ترى اندبحت
حتى أحيانا وهو طالع من البيت يطلع مبسوط وفرحان واذا صار عندي يتكدر. حاله
موو أنا السبب ماني جحيم ياناس
المهم قلت له رجائي الخاص مانبي مشاكل هالمرة خلينا نعيش بسلام
قالي ونعم الزوجة لي تعامل زوجها بالذوق
قلت له فوق الرأس حطيتك دلع ودلعتك خضوع وخضعت لك حب وحبيت فوق. طاقتي
بالاخير تقول ماتبي مني حب
المهم قام لف علي وقالي عكرتي يومي الله يصيبك مدري شنو الله يصيبني
وقام قفل جواله من ?? الظهر لحد الان
العصر. دقيت ع عمتي قلت لها أبي أستاذن زوجي بالطلوع لمكان
ماحبيت أقولها شئ
قالت بروح. أناديه ¤ شوي رجعت دقيت عليها قالت كان هنا طلع !
طولت مع عمتي بالكلام عشان تقولي متى جاية
أبدا الطاهر. ماعندها خبر !!
والله العظيم حتى الجيران يسألوني انتي ماتروحي لزوجك !
وحدة من رفيجأتي قالت أشلون بتحملين وأنتي متزوجة مسفار !!
واذا رحت عنده مصيري الطلاق
أنا تعبت ياعالم ومتاكدة انه سوي هالزعلة عشان ماجي
أنا ودي أروح أسوي عمرة اشتقت لمكه والمدينة إذا مايبي يشوفني بكيفه
وحتى. لو افترقنا ماراح اقطع علاقتي بالسعودية لأن هالبلد تجري بدمي
وفي شيء اخر نسيته أمس أكلمه عن موضوع أقوله اشتقت لك وهو يقولي. عن. لي صار. بتونس !
واليوم الصباح كرر لي عن سألفة تونس والانقلاب لي صار
طيب ايش دخلني فيهم أنا !!
قلت بسوي الدعوة مزوح وقلت له لايكون عندك وحدة تونسية
قهرني لأنه من كثر مايركز ع شيء اشك فيه
هوو لحد الان مقفل الجوال والمرة دي بالذات طول
إذا هالرجال مايبيني ليه يعذبني ؟
أنا أحس اني مو متزوجة الحين حول الشهرين وأنا عند أهلي
كله هروب من الهموم طيب إلي متى مو لي حقوق مو أخاف ع نفسي من الفتن ؟

حلفتكم بالله بدون هجوم لأني والله قد أترك المنتدي
حالي ماهو عاجبني كذا والله طلعت السوق أبا اشتري هدايا ماقدرت
جلست ألف زي الفرخة الدايخة ورجعت البيت
أمي. تسايسني وتداريني عشان تقول مابيك تروحين له وأنتي زعلانة وتقولي أنا السبب
ومن. قفل جواله قلت لها طردي زوجك خله يطلع من بيتنا وكبيت حرتي. فيهم
مع هذا قالت أبشري
إذا شافني بعدت بصير يسحبني له ويخليني أقوله أحبك بدون ماحس
واذا تقربت منه يرجع لتمرده وطغيانه
أنا مو غلطانة واذا غلطت ع خشمي اعتذر
بس. أبيه يرفع من قدري ويصلح ماكسر فيني من خوف
شوروا علي وش الحل أتم عند أهلي ولا اسافر ولا شنو الحل

__________________

استخيري ..استخيري يا صابرة على سفرك لعنده الحين

اذا فيها خير تروح الهواجيس والقلق وترتاحي ..واذا مافيها خير برضو ترتاحي ...

ربي يطمن بالك ويهدي سرك ويجيب لك الخير وين ماكان

__________________

تسلمين بيتا حياتي وحبيبتي نونو
طيب بيتا إذا مايبيني أجي وش فائدة الزواج بتم حياتي كذا ؟
وعمري يجري وبدون أطفال
عمتي مأسالتني متى جاية ولا عندها علم
أنا في حيرة من أمري
أنا صعب تتم حياتي كذا متزوجة مع ايقاف التنفيذ !
مرة سالني قال مأسالوك أقربائك ليش طولتي
قلت ماله أحد دخل بحياتي
قلت أقولكم زوجي بدورة وانا مقدر أجلس لحالي
قال عفية عليك !
يصك جواله لا سبيته ولا غلطت عليه مجرد نقاش
طيب ليش لمن قرب موعد سفري بالذات

__________________

إذا قالها بصريح العبارة لاتجين
معك لاتسافرين

بس ماقال كذا الله يهديك

تجاهلي احاسيسك وسافري وشوفي بعينك تعامله وهالمره احكمي إذا مارتحتي

لا تدققي بكلامه ومزاجه عليك بتعامله

الله يسهل امرك ويهدي بالك

لمن زوجك يناقشك عن تونس يا أختي .. مشكله صايره الآن تهم كل عربي

يا أختي شوي شوي بالعتب والعتب بالدلع وباختيار الوقت المناسب .. مش كله مره وحده

ولو كنتي عنده وتعاتبينه كان افضل .. من نفسك قلتي حسيته متغير " يعني المود مش تمام " يعني ما كان لازم تعاتبينه بهل الوقت يا أختي

الله يسخره لج .. ويسخرج له

ضحكت على زواج المسفار ضحك -- الله يسعدك يا صابره - اجل زواجك زواج مسفار!!
ما ادري يا صابره - لكن احس أنك انتي اللي تجيبين النكد لنفسك-
وتفتحين اوراق في غير وقتها ولا محلها-
الرجل عموما لا يحب أن تسردي له ما فعلت وتفعلين من اجله -
ولا يريد أن تمسكي عليه اي ممسك وتعيدي وتزيدي فيه
افهمي زوجك - وحاولي ترك ما يغضبه وينكد عليك وعليه
ولو كان ولا بد - فانتقي الاوقات وحاولي قدر المستطاع عدم جرح إحساسه

الرجال - يبغى اللي تسعده وتنسيه دنياه -
مو التي تسمعه كلام على الطالع والنازل -

هذه هي الحقيقه - اللي تخليه يحبك وما يستغنا عنك -
الله يسعدك ويوفقك - ويجعلك قرة عين له

__________________

رواء الايمان تسلمين ياروحي
انين الروح وليه المود مش كويس ؟
إلا لمن قربت اسافر
طيب ليه كان كويس قبل فترة
يأختي في أشياء توضح لي وضوح الشمس ووضحت أول بس كنت أصحك ع نفسي
وعمتي ليه ماقالت لي متى جاية
عذرتها من أول اتصال لي لأنها ساكنة مع زوجته الأولى قلت يمكن منحرجة
وثاني اتصال طلعت برى وكلمتني وتقولي وحشيني بس ماقالت متى جاية
ولا تدري اني رحلتي الربوع !
مشتاقة لعمتي أبي اشوفها
وليه مايقولي ناجل كلامنا لوقت اخر
طيب يقفل جواله ويتركني كذا
أنا مع تونس والله يعينهم بس تونس مو قضيتي قضية دنيتي زوجي
قالها بوقت أنا أقوله اشتقت لك
ثاني يوم نتكلم سوالف الصباح قال تونس قلت فكنا من شهرهم
لأن كلامي معه عن الحب والشوق تجيني تونس ليه
تونس ضرتي ؟
أتمنى لكل الشعوب الاسلامية تعيش بسلام واطلب منهم يخلوني أعيش بسلام مع زوجي

__________________

الله يهديك ..

بصراااحه ماالوم زوجك ..

انتي تمشين ع احساسك وكلامه مو معبرررته ..

الرجال ماقال لك شئ ..

بعدين مزحتك بسالفة تونس مااالها داعي ومو وقتها حتى ...

اللي اشوووفه تدورين المشاكل لنفسك ..

مو قالك مشتاق لو قت جيتك ..

خلااااااااااص سافري وتوكلي ع الله ..

اسفه اذا كنت قاسيه بردي ..

موفقه ان شاء الله ..

__________________
اللهم اغفرلي ولوالدي وللمسلمين والمسلمات والمؤمنين والمؤمنات الاحياء منهم والاموات....

يعني ليه أقوله متغير
مو من حفي
نعم هو متعبر والدعوة ماتستاهل تسكيرة الجوال
يعني أكل تبن وتسكت
شراركم تذبحوني لكم لاجر والله

__________________

صابرة

اعقلي و استهدي بالله ، قومي صلي ركعتين و هدي أعصابك

ماحد خسران غيرك إنت، و صحتك و نفسيتك