السلام عليكم
كيف حالكم منتداي الغالي
الله يشهد انكم عايلتي الثانية .. الله يبارك فيكم اجمعين
موضوعي ماهو بمشكلة ابي اعرف شنو التصرف الانسب
زوجي ولله الحمد والمنة صاير اوكي معاي نفسيا وعاطفيا وماديا
مو 100٪ بس فيه تقدم كبير
هذا من فضل ربي
بس العلة والمشكلة ان لسانه وصخ حيل
يعني يتصل فيني الو شلونج يالتيس
والا شلون يا .......
ويعطيني سبة من الحمام عزكم الله
اعصب مرة واطوف مرة واتمسكن مرة وارد بالمثل مرة
واسكت اسكت وانفجر مرة
ماااااااااااااااكو فايدة
قبل اسبوعين كل ما يكلمني كنت اصبر واسكت الى ان انفجرت فيه طبعا راضاني وباس راسي
انا ما ابي يبوس راسي ولا ابي شي
ابي احترام فقط
والمشكلة ان امه تقول ان احنا ما نسب والفاظنا حلوة وتدري بولدها ووقاحته
والمشكلة اللي اكبر ان ما يقول هالكلام حق زوجته الاولى كل الدلع والغزل لها
حسبي الله عليه
امس قلت له روح اسال اختك لو زوجها يقولها يالتيس شنو راح تتصرف
ابي حل جذري له