انا متزاعله مع ريلي وكل ما نتزاعل انا اللي ابدي واراضي حتى لو ما كنت انا الغلطانه لانه ما احب انام يكون وبينا شي قلبي ما يطاوعني احس حياتنا تصير مليقه وما لها طعم
الحاصل الحين صار لنا 3ايام متزاعلين ومتوقع انا اللي اراضيه كالعاده .....بس للحين ماراضيته بصراحه انا ماكنت متخيله اني ممكن في يوم من الايام اني اصير جذي جاسيه القلب>>> وطبعا اهوالسبب وهذا موضوع ثاني
وسبب الزعله انه اني شبيت بخور واهو في حساسيه موسميه ومايصلح له البخور وانا ما كنت ادري انه الحين بالضبط حايشته الحساسيه جان يقولي انتي ليش تكرهينه وما تحبينه انتي حقوده ومادري شنو بعد طبعا اهو قاعد يتكلم على غشمره بس جادم بنتي هالكلام كله ....وقاعد احاول انفي هالكلام اللي قاعد يقوله وهو يزيد جان اسسسكت وخانقتني العبره انه هالكلام الجايد كله جدام البنت شفهمها انه غشمره والله حز بخاطري حيل هالكلام عقب بنفس القعده قاعد يكلمني مارديت عليه وينادي وينادي وينادي وانا حاقره....... جان بنتي تناديني يما ابوي يناديج قتلها انزين جان يزعل ويقوم ويطلع ومن هذاك اليوم لي اليوم ماكو غير السلام
وسلامتكم هذي كل السالفه الحين قولولي شسوي ليمتى انا اللي ابدي اتاسف وأراضيه سواء كنت غلطانه والا مو غلطانه
ارجوكم ردوا علي
الله لا يحطكم بهالموقف ويوفقكم بحياتكم مع ريايلكم وعيالكم
وادعولي انا الله يهدي

روحي راضيه ولا تخلين ابليس يلعب عليك يعني هو كان يمسح معاك في هوشته حتى وأن شافتك البنت المفروض ماتكبرينها وتخبرين البنت أن أبوها كان يتغشمر
أتمنالك التوفيق.....

__________________
يارب أربط على قلب كل فاقد

حبيبتي الرجال كلهم كذا دايما احنا اللي نبدا

ماادري يشوفون غلاتهم او انهم يستصعبونهاانهم يعتذروا او مايشوفون نفسهم غلطانين

عشان كذا لاتتعبين نفسك وتنتظرينه يصالحك
روحيله انتي وكلميه واعتذري وقوليله اش كثر تحبينه وبعدين فهميه اللي بقلبك وصدقيني رح يعتذر منك واكيد زي ماقلتي هو كان قصده يتغشمر عليك ماكان جاد بحكيه

تعوذي من ابليس وروحي حبي راسه
والله يوفقكم يااارب

__________________
[read]اللهم إني استودعتك قلبي فلا تدع فيه أحداً غيرك واستودعتك لا إله إلا الله فلقني إياها عند الموت[/read]

مو لازم تعتذرين بالكلام .....
اندعسي بالفراش ....وجنج ما تقصدين ولزقي فية ....
وبعدين لما يحمى الوضع ...تغلي وعاتبي ...بس مو وايد .. عن الملاقة...

الله يسخره لك

تسلمون حبايبي على الرد
والله انه ردودكم خلتني اشوف المشكله من جهه ثانيه واستصغرها واحسى ماتسوى هذا كله
بس شلون ابدي

اكيد المشكلة بسيطة حبيبتي،،لا تكبري الموضوع..
بس كمان مو كل مرة يزعل انت للي تراضيه،،راضيه بس وقت لي تكوني فيه غلطانة،خليه يتحمل مسؤولية غلطه،ويجي يراضيك تراه احساس وايد حلو حبيبتي،،
الله يسعدك ويهنيك مع زوجك وعيالك يا رب

__________________
استغفر الله لي و للمؤمنين و المومنين ,, الأحياء منهم و الأموات الى يوم الدين

شوفي اليوم سويله احلى عشا وانتظريه لما يجي وتعاملي معاه عادي كأن مافي شي وسولفي معاه عادي ممكن هو يطنش اول شي معليش اتحملي بعدين قوليله خلاص عاد كافي زعل يلا خلينا نفتح صفحة جديدة احنا اصلا كبرنا الموضوع واثنينا غلط ومن هالحكي

الله يوفقكم

__________________
[read]اللهم إني استودعتك قلبي فلا تدع فيه أحداً غيرك واستودعتك لا إله إلا الله فلقني إياها عند الموت[/read]

من يشوفج لابسه ومندعسه بالفراش على قولة سافر معي
راح تنحل القضيه
وتذوب ذوبان مو طبيعي!! (،

__________________
اللهم احفظ لي زوجي وسخره لي واحفظ لي اولادي

موهذا اللي سويته قلت لي متى وانا اللي اعتذر وانا اللي ابادر بأسف بس مثل منتي شايفه مافي امل انه يراضيني

شوفي اهو راح يرجع البيت يغير ملابس ويروح النادي فشلون ماراح يضبط البرنامج
وحتى لو اسولف معاه راح يكلمني بجفاف ويكون ناشف معاي ماراح يرضى الا لما اعتذتر وشلون اعتذر له وانا اللي زعلانه

طيب بعد مايرجع من النادي

او اذا كانت روحته للنادي مو ضروريه سوي العشا وسولفي معاه
وقوليله حبيبي خلاص عاجبك كذا الوضع
اذا قالك ايه قوليله طب انا مو عاجبني
خلاص حبيبي خلينا نرجع الامور زي ماكانت
ترى والله السبب تافه واحنا كبرنا الموضوع
عاد تدلعي شوي وتكلمي زي الاطفال شوي وانتي طلعي حكي من عندك


واذا تصالحتو رح يبطل يروح النادي

__________________
[read]اللهم إني استودعتك قلبي فلا تدع فيه أحداً غيرك واستودعتك لا إله إلا الله فلقني إياها عند الموت[/read]