السلام عليكم

بدخل على طول في الموضوع

للأسف ريلي يوم كان صغير تعرض للعنف الأسري
يعني ابوه الله يصلحه ويهديه كان وايد يضربه

ف دايماً كنت اشوف ريلي ينكسر ويحزن لما يتذكر مواقف الضرب اللي تعرض لها

المهم اني مافكرت بيوم نهائياً انه هذه العقده راح يفرغها زوجي في بنتنا

بنتي الله يحفظها عمرها سنتين

ريلي يحبها ويهتم فيها

لكن احياناً اذا شلها وهي مب حابه تروح عنده وصاحت حابه اتيي عندي
مايخلي الموضوع يطوف على خير

يعاند ويمسكها حيل بكل قوته لدرجة انه يعور جسمها
يعني مايمسكها بشكل عادي
اذا صرخت اشوف يرص ايده على بطنها وهي تتألم
يعني ضربه غير واضح بس على شكل ضغط بالجسم لانه يدري اني اعصب وما ارضى نهائياً انه يمد ايده عليها لانه قبل سواها وياما عصب وصار نقاش وزعل

وانا اعرف انها تتألم من ويهها ودموعها
وفي بعض الحالات لما اغير ملابسها اشوف احمرار على بطنها او ايدها يعني المكان اللي ابوها مسكها فيها

والمشكله لما انصحه واكلمه اقوله لا تضغط بايدك عالبنت ترى ايدك ثقيله وهي جسمها صغير مايتحمل
يقول ما اسوي لها شي شوفي بس ماسكها وابغيها اتم عندي
بس الاحظ انه يضغظ حيل وبقوه وهي تتألم
واذا هي صاحت اكثر يزيد عليها

والله تعبت نفسياً

اما بخصوص انه يمد ايده
ف من فتره هي كانت تصيح وتعاند
حابه اتيي عندي وهو مايخليها
لانه كان يبغي يشيلها مشتاق لها
وهي كانت دايخه تبغي اتيي بحضني وتنام

وتم يحاول يخليها غصب عنده
لين ماعصب عليها وعطاها كف بويها حتى صارت علامه خفيفه بويها

هني صرخت
وبكيت وشلتها من عنده

بعدها تأسف ،، حس انه سوى شي كبير وتم يبوس بنته وهي نايمه

وهذا حالنا الحمدلله على كل حال

احيانا لما يرجع البيت
هي بنفسها تروح عنده ويبوسها ويحضنها وتحبه وماتخاف منه والامور طيبه بينهم

ومرات تصير العلاقه بينهم متوتره
ترفض تروح عنده ومرات يعدي الموضوع على خير ومرات لاء

والله تعبت نفسياً
صرت اخاف جداً لما يقول لي باخذ البنت شوي وياي

يعني مرات يروح اييب شغله من سيارته وياخذها وياه

وهو لما يلاحظ الخوف على ويهي يتضايق ويقول انا ابوها مب ياهل

ولما شوي يتأخرون اتصل وهو يتعمد مرات مايرد ،، صار فيني خوف عليها منه

كله اتخيل انه يضربها
او انه ماينتبه عليها

لانها مرات يسوي حركات تخوفني
مادري يتعمد يحرق اعصابي ولا

يعني يحطها على دريشة السياره ويطلع كل جسمها
تكون سيارته واقفه بس بالشارع وفيه سيايير تمشي يمنا
وانا اموت من الخوف ويقول لاتخافين ماسكها عدل
وانا اتم على اعصابي واحترق واحسه يعاند يسوي حركات تخوف زياده

انا اسفه موضوعي متخربط
بس والله ماعندي حد اشكي له من بعد رب العالمين الا انتو

حاسه بكئابه اليوم لانه تكرر الموقف

صرت اخاف على بنتي من زوجي
عشان الضرب الغير مباشر ومن الحركات الخطيره مثل سالفة دريشة السياره ومره كان يسوق وهي بحضنه


لا تقولون كلمي اهلج واهله
لو عرف اني خبرتهم بهذه الامور ما اضمن انه يتقبل نصحهم وماعرف شو بتكون ردة فعله اتجاهي واتجاه بنتنا

كيف ممكن اتصرف بهالمواقف
انا نصحته قبل وقلت له الضرب والاذى الجسدي يبقى اثرهم نفسياً ويا الانسان لين مايكبر

سمع هالكلام مره لكن مع الوقت ينسى وتتكرر نفس المواقف

زوجك اب اول مره وطبيعي تصدر منهم اخطاء
واضح انه يبي يقضي وقت معاها بس مو عارف كيف
كلكم اقعدو سوى
يعني مايحتاج البنت تشتت بينك وبينه اذا بيلاعبها خليكي قاعده معهم
بالمسبه للسياره نبهيه انه خطر واذكري له مواقف
الرجال يتاثرون لما تحكي لهم قصه واقعيه

عزيزتي ربي يحميلك ياها وتشوفيها بأعلى المراتب وتفرحي منها

دايما احكي معو انو البنت وقت تعاند بتكون تعبانة وبحاجة للنوم وكل ولد بدو ينام بعمرها بيعمل نفس الحركات
وامدحيه انو أب جيد وحنون وانو البنت بس تكبر بتتعلق بأبوها اكتر من امها وبتصير اكتر حنية عليه
وكل ما كبرت كل ما زادت حنيتها
وانو الاب هو الحبيب الاول بحياة الفتاة
دايما ازرعي هالافكار براسه وكرريها من فترة لفترة
ممكن من الحياة القاسية بطفولته بدو بنته تكون تحبه وتعوضه عن الحرمان اللي عاشه
وطريقته غلط وخايف انها ما تكون قريبة منو ولو لبعض الاوقات

وعطول احكي لبنتك انو روحي لعند بابا واعطيه قبلة وضميه وتقله كلام حلو واي شي بتحبه قوليلها هيدا من بابا وروحي اشكريه

يعني العبي عالجهتين جهة من ناحية زوجك وجهة لبنتك

ربي يحميلك ياها ويبدل حالك لأفضل حال

دعواتي ترافقك 🌷🌷🌷

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

حببي بنتك في ابوها
وحببي ابوها فيها
بالرفق و الاسلوب الحسن
و اذا عاملها بعنف مثلا وراح قولي له مسكينة مانامت زين متاثرة
او متكدر خاطرها مثلا و لا تلعب
زين
فاكسري خاطره بالبنت و الله يحنن قلبه عليها
طبعا قولي له اسلوب النبي صلى الله عليه وسلم مع الصغار وان بهالعمر ماينضرب الطفل
عشان يحس بتأنيب الضمير

مبتعثه متفائله
صح كلامج هذه اول تجربه له بس سالفة اني اشوف اثار بجسمها تقطع قلبي
انا اكون وياهم بس لما هي تصيح وهو يمسكها بقوه يقولي شوي اطلعي من الغرفه اذا شافتج اكيد حابه اتيي عندج وماتباني
وبجرب اقوله قصه واقعيه عسى يتأثر


mimomea
امين يارب العالمين
يزاج الله خير ماقصرتي
وانا بديت من فتره اتبع اللي قلتي عنه
يعني دايماً اخليها تروح عنده تبوسه وتسلم عليه
واطلب منه يشتري شي ويعطيها عشان تتحسن العلاقه
الحمدلله هذه الخطه نجحت
لكن لما تصير نفس هذه المواقف انها تصيح وحابه تبقى معاي
وهو ياخذها بقوه
اكرر عليه هالكلام انها دايخه ماعليه خلها عندي الحين عقب لما تشبع نوم مزاجها يصير احسن
لكن مرات للاسف يعاند وهني ماعرف كيف اتصرف
اذا اخذتها بقوه اكيد بيصير شي اكبر
ف اخليها عنده وانا احاتي



استنكار
هذه الطريقه جربتها معاه وفي مواقف كثيره
صح حسيت انه يتأثر شوي بنفس اللحظه
بس تعرفين عقب ينسى ويتكرر نفس الموقف
بجرب اذكره برفق الرسول عليه الصلاة والسلام مع الاطفال
عسى الله يصلح الحال

مالومك يتقطع قلبك انا مثلك
بس تصدقين في عيال اقويا ما يتاثر في نفسياتهم هالضرب كيف مادري
يمكن احنا نظهر تعاطفنا الشديد مع الطفل عشان كذا يتاثر

بس حرام اذا طفل صغير يفرق عن اللي شوي كبير

يعني بنتي عمرها سنتين
فعلاً لما اظهر تعاطفي عليها تزيد في البكاء

وصدقتي في ياهال مايتأثرون لانه غير حساس وينسى
اذا الياهل حساس يتأثر ويبقى معاه هالشي لين مايكبر

__________________

العقل نعمه
صح لما اظهر خوفي وقلقي
أحسه يزيد من عناده وشدته عليها

الحين اللي قاعده اسويه اني احاول اظهر له ثقتي فيه انه يقدر يهتم فيها

بس الله يهديها لو يترك هالطبع ومايضغط على جسمها ويعورها برتاح

انا متضايقه لاني امس شفت اثر بجسمها

بصراحه ماتحملت وطرشت له رساله
ماهجمت عليه بس كلمته بأسلوب طيب وقال ان شاء الله

عاد عسى مايعيد هالشي لانه اخاف تتضرر نفسياً ويسبب عاهة جسديه لاقدر الله اذا تكرر الموضوع

انتي جدا جدا دقيقه وتلاحظين و تفكرين بطريقة تييب الضغط 😅



حبيبتي فعلا يوم البنت يشلها ابوها طبعي من الغرفه خليها عنده
ع حسب كلامج يقطعكم وايد ف ما تتعود عليه،،

و دائماً قوليله يا حظك بنتك حجاب لك عن النار
و ياحظك البنت لابوها اصبر عليها لين تكبر
و يوم تكون تباج انتي سيري عندها قوليلها هذا باباه اللي تزاقرين باسمه دوم
من باب التحبيب
والأمور تراها جدا جدا جدا طيبه
مرات يوم اشل ولدي بسبحه بمجرد اشله لين الحمام الاحظ انه أيدي علمت ع خواصره
و مرات حمره ع البطن يعني احسامهم رهيفه
بي كول دير

__________________