السلام عليكم ورحمة الله وبركاته

عمري 21سنه متزوجه من 3سنوات وعندي طفل ،زوجي في بداية الثلاثينيات
ماعندي اي مشكلة جدّيه مع زوجي مشكلتي اكثر ماتكون مع نفسي
ماادري كيف وصلت لهذه الحاله ..نفسي انام واصحى والقى مشاعري تجاه زوجي ترجع زي اول
اول ماتزوجنا كنت احبه حب الله العالم فيه ودايما احمد الله انه رزقني بزوج تفصيلياً على مزااجي وزي ما احب
هو كشخصيه رجل رجل ونعم الرجل اهلي يحبونه لكرمه معاهم واهله مايسمعون فيه من كثر بره فيهم
مايقصر ابدا في بيته او مع ولده او حتى معاي في الامور الماديه
ماجاتني لحظه شكيت فيها باخلاقه او انه ممكن يخونني في يوم من الايام "على انه كان كل فتره وفتره الاحظ انه يشوف مقاطع ماهي زينه بس كنت اطنش واقول ذنبه على جنبه وانصحه بالتلميح بس عشان لاتهتز صورته قدامي "
نزعل ونرضى عادي وكنت وقت الزعل اتلهف عشان اسمع صوته وكنت انتظره لين يناام واسلم عليه واضمه وادعيله
طبعا مشكلتي الوحيده معاه انه وقت الزعل مستحييييل يتنازل ويراضي اوكي ممكن يرجع يسولف وكأنه ماصار شي لكن هالاسلوب يقتلني واكثر من مره صارحته وقلت راضيني مره واراضيك عشره
اسلوب تهادوا تحابوا عنده صفرررر ماعمره جابلي هديه طول هال3سنوات الا مره او ثنتين وكانت ورده ! وانا انسانه عاطفييييه جدا جدا واتمنى انه يتذكرني ولو بشي بسيط حتى بالاعياد والمناسبات ويوم انجح في الدراسه مايفكر يهديني شي حتى لو كلمه حلوه انا راضيه بس للاسف !
طبعا مشكله ورا مشكله وكلها مشاكل تافهه بس هو بإهماله لي يكبرها عادي عنده زعلانه راضيه ماعنده مشكله
يطلع من اول النهار ويرجع يتغدا وبعد العصر يطلع لين مايصك الليل ويرجع يتعشى وينام ! طيب وانا !!
يرجع يسلم على ولده ويلعب معاه وانا رجل كرسي بالضبببط ،
يسالني كيف الولد البيت ناقصه شي غسلتي ملابسي وهلم جرا كاني بيبي ستر او شغاله بالبيت
طيب اسألني كيفك كيف نفسيتك وش سويتي بالجامعه ! ابدااا
ويوم اصارحه يحلف بحبه لي وانه ماصدق يلقى وحده زيي . سبحان الله
اخر مره قلتله خلي كلامك لك ماعاد يرضيني ، الحب قول وفعل
المهم
انا مشكلتي اني طفشت منه اللحين لنا اسبوع مانتكلم الا بالامور العامه واحس اني ماني طايقه اطل في وجهه كلماشفته تجيني ضيقه واتندم على هالزواج
بالمختصر ماعشت شبابي معااه احس اني متزوجه شايب ، لا تماشي الا مع اهلي او اهله او نطلع نلف بالسياره :/ لا هدايا لا مفاجآت لاكلام حلو ،طيب المشاعر اللي فيني وين اصرفها !!
انسان ممل جدا حتى سوالفنا غالبا عن الاراضي والغنم !
يوميا يجيني احساس ورغبه اني اصرخ فوجههه "انا مااحببببببك ،انت انسان تغث ،كبرتني عشر سنين معاك "
اليوم احاول اضحك بوجهه ماني قادره ودي ارجع احبه واتقبله لكن ماني قادره احس قلبي صد منه خلاص
حتى هو مل مني ولا عاد يكلمني وصرت اقصر في البيت وملابسه ماغسلها الا كل فتره وفتره
وولدي صرت دايما اصرخ فيه واهاوشه بسبب نفسيتي

ادري كلامي واجد بس اعتبروها فضفضه




افيدوني في امري .. وجزاكم الله خيرا

__________________

و الله يا قلبي عندنا وعندك خير وربي احس اني وصلت مرحله الطلاق العاطفي

لكن خليها في القلب تجرح و الا تطلع برا و تفضح

الله يعينك يا اختي

سبحان الله كأنك توصفين حياتي. بالمختصر اقوال بدون افعال
ولما يجي الشي بعد الطلب ماعاد له قيمه ابداا

المشكله نفس كلامك يحلف انه يحبني طيب ابغا افعال يا عالم

الله يعينك ويسخرلك زوجك

اهم شي لا تخسرين طفلك هذا امانه في رقبتك
اتقي الله فيه

و أنا كذلك وضعي يشبهك في بعض النقاط لكني أجبرت نفسي على تقبله كما هو صحيح أنه في بعض اﻷحيان أحسن بالغبن و أبكي على حالي لكن أصبر نفسي و قول إن هذه شخصيته و هو ما يتعمد و متأكدة إنه يحبني و أحس إنه فبعض أﻷحيان يعمل مجهود لما أصرحله بهذا اﻷمر لكن سرعان ما تعود حليمة لعادتها القديمة . و أنت الحمدلله زوجك فيه صفات جيدة حاولي إنك تغيريه و تعلميه كيف يعبر عن حبه أنتم لازلتم في بداية الطريق و مع الوقت تقدرين تغيرين طبعه

كما تحدثتِ عزيزتي .. المشكلة مع نفسك أكثر

مشكلتنا نحن الحريم عندنا حساسية بزيادة هالعاطفة ذبحتنا

ومن أمثالك الكثير .. زوجك مثل ما قلتِ ما مقصر معك

بالأمور المادية .. يعني اعتبري كل شي يشتريه حالك هدية ..!!

الحمدلله ما إنه بخيل وحريص ..

بالنسبة للموضوعات حاولي تجددي معه بالموضوعات اللي يحبها .. وشاركيه اهتماماته

تدرين .. خليني أخبرك شي.. أنا كاتبة موضوع طويل معي بالملاحظات من شهر رمضان

أشتكي فيه عن نفسي وقصور زوجي باهتمامه فيني

لكن لحد ألحين ما تجرأت أنزله .. لأنه ما زلت في طور أحلها بروحي

ياما بكيت بسبها بيني وبين نفسي .. وليومك ما زلت أبكي

بس لما أرجع اقراها بعقل .. أشوفها إنه حلها سهل جدا .. أقبل إن أقترب .. وأبتعد

إن أدبر وانشغل .. الرجل اهتماماته غير عن المرأة ..

والاهتمام بنظره ليس حب وعاطفة .. بقدر ما هو توفير مادة وحاجات المنزل .

عندك جامعة وطفل وصديقات .. حاولي تجدين لنفسك منفس واهتمامات ..

إن ما بادر يسألك إنتي من نفسك دخلي عمرك وسولفي

حاولي تاخذين رأيه ..

الرجل لا يحب المرأة النكدية .. اللي تزعل وتتضجر من تصرفاته

توددي إليه .. وإن صفا الجو بينكما تحدثي إليه بود . عن حاجتك لحنانه

وحبه .. شبهي نفسك بولدك فأنتِ بدون حنان لا تتنفسين


يامن هواه اعزه واذلني
كيف السبيل الى وصالك دلني
على فكرة هالقصيدة كثير أحبها .. ياما رددنا أنا وربيعتي

كلماتها بالجامعة ... وكأنا تنبأنا بحالنا

__________________

أختي
زوجك يحبك حتى النخاع ،، ولكنه عملي جدا ،،، والرومنسيات لا مكان لها بحياته ،،
حركي جبل ولا تغبرين طبع،،،
نصيحتي تقبلي زوجك كما هو وأقلمي نفسك على طباعه ،،، وسترين حياتك جنة بإذن الله.

أحيانا ً في الزواج تمر فترات حتى لو كان الزواج من سنين يسمونها مرحلة عدم الاتزان

ويبدو أنك تمرين بها ..

عطيها كلام حلو .. جرعات يومية .. ومع مرور الوقت يبدأ يتفاعل معك.

لاتقلقي الأمر سهل.

سبحان الله

زوجتي الشهر اللي فات تشكي ليا نفس المشكله
تقول انها ملت من روتين الحياة تبغى شي جديد
تبغى مفاجأت تبغى هدايا
طيب لما اعطيها مصروف اشتري اي شيء يعجبك واعتبريه هديه من عندي
طفشنا من اغلب المطاعم يعني مافي شي جديد غير السفر مع العلم كل سنه الحمدلله نسافر
يعني ما تحس انها تنبسط الا لما تسافر وبعدين يرجع الروتين القديم
طيب ايش نسوي لكم عشان ترضوا علينا احنا مو عارفين
بدأت احس ان المشكله هيا انتم
الوحده فيكم ما هي عارفه ايش تبغى من حياتها

__________________
حبيبتي .... عندما تبتسمي الي سوف تنير كل النجوم التي في السماء

الله يجزاكم عني خير الجزاء ..شكرا من القلب واللهِ

اليوم انفجرت للاسف
كنت تعبانه وواصله حدي وولدي جنني وزوجي كالعاده خارج البيت
ارسلتله رساله اني انا تعبانه ومعاد استحمل الضغط هذا والولد بس يصيح وانت مو حاس فيني ولا انت داري عن شي
وان للصبر حدود وانا خلاص ملييييت

وكالعاده طنشني ولا حتى كلف نفسه يرد او يتصل ،طبعا زاد جناني وعصبت مره وكنت بررجع ارسل رساله اقوى
بس جلست استغفر لين الحمدالله رجعت لعقلي وماخربتها
احس بالغبن والقهر منه ومن اهماله والله
انا لي اسبوع هاديه وماعلي منه ولا كلمته ف شي ومشغوله بالجامعه والبيت بس احس اني خلاص مشتاقه او محتاجه لكلمه منه حتى

ربي اشرح لي صدري ويسر لي امري .

__________________

ليت الرجال يردوا و يفيدونا ؟
ليش هما كذا ؟

و ايش التعامل الافضل في الحالة هذه ؟