اريد التواصل مع كل من لها تجربة بزواج زوجها عليها وكيف تعدت هذه المرحلة وكيف تأقلمت وهل الوضع سيخف مع الزمن ويصبح عادي بالنسبة لي وكذلك الرجال المعددين هل صحيح ان الرجل لاينسئ زوجته الأولئ وان الثانيه مجرد فرحة لمده بسيطة وبعدها يرجع لزوجته الاولئ انا متعبة جدا ودائمة التفكير بالمستقبل ولا أستطيع نسيان الأمر والتأقلم معه فأنا اراقب وقت ظهوره بالواتس ولم استطع ابعاده عن تفكيري .

اصبري سنه زي ما قالك


زوجك تزوج يبي عيال ما تزوج يدور وناسه وتغيير او حتى يدور حب

ولا تفكرين الزوج يحب الاولى ولا يحب الثانيه وكلام الناس وامثالهم اللي ما تخلص..لو ما يبيك ما عاش معك
ولو ما يبيها ما تزوجها خليك واقعيه واطردي وساوس الشيطان

الحب يا اختي رزق من الله شايفه وظيفتك اللي عطاك الله هذي رزق ساقه الله لك
وحرم كثيرين منه يتمنونه

كذلك حب الزوج رزق قد ترزق به الزوجه وقد تحرم منه .. المهم الاحترام والعدل

هناك من يحبهم الثنتين وكل وحده تحسب انه يموت فيها هي بس
وفيه اللي يحب الاولى اكثر "خاصه اذا ماله رغبه بالتعدد لكن اهله ضغطوا عليه عشان يجيب عيال"
وفيه اللي يحب الثانيه اكثر فلكل حاله وضعها المستقل عن الاخرى..

اصبري زي ما قالك ولا تخلينه يكرهك بعجلتك عليه خاصه ان هدفه العيال مش الحب ولا التغيير..

__________________
( والذاكرين الله كثيرا والذاكرات )
ادعوا الله ان يجعلكم من الذاكرين له..