السلام عليكم ورحمة الله وبركاته

اخواني واخواتي .. اتوقع الاغلب صار يعرف بمشكلتي سواء مع زوجي او اهله .

وصلت لمرحلة الاعصار .. مرحلة الهجوم العشوائي

بقولكم شي من اللي صار .

ابوي سافر عمرة مع اختي ... طلبت منه نروح لهم يوم الجمعه بحكم انهم مسافرين السبت .. واصلا صار لي اسبوع منهم فهي الويارة الاسبوعية بنفس الوقت
و يقول لي ... من قال انه بتروحين لهم كل اسبوع ، مب شرط . مرات كل اسبوع ومرات كل اسبوعين
اوانه السفر كله اسبوع فماله داعي تروحين .. اتصلي و ودعيهم
ولما يرجعون تروحين لهم .

بعدها بساعات لما كان برع البيت اتصل لي و يقول خلاص باجر بمر الخياط اللي صوب بيت اهلج و بخليج تنزلين تسلمين عليهم .. بس مرور مال 10 دقايق .. و وافقت وقلت اصكر السالفة .
اليوم اللي بعده .. طلعنا لزيارة و على اساس نمر بس طلعنا متاخرين و على الردة في وحده من الجارات ركبت معانا نوصلها فقال خلاص ما بنمر .. قلتله زين نزلني و ببات عندهم . للعلم كل هالاماكن قريبة من بعض . و امه بالسيارة فعادي لو نزلت والحرمة موجودة .
طببعا رفض ..

مر الاسبوع وخلاله .. قلتله انه بيردون اول جمعه برمضان بالليل فبنروح يوم السبت عندهم عالفطور . و دخل رمضان و انا اكرر عليه الجملة . وما يرد .. غير يقول من عزمنا؟
قلتله كلمت امي و تقول لي نروح الجمعه قلتلها لا ما بنقدر . بنمر السبت افضل .

جا يوم السبت .. وانا ماخذه سكوته موافقة .. اساله بوقت اذان العصر الساعه كم بنطلع .. قال لي .. لا اليوم ما بوديج .. بنسير باجر او وراء باجر !!!!

طيب ليش ما ترد علي .. ليش ساكت من البداية ..ومع العلم كان يومها اجازة

امس اللي هو الاحد .. وصل من الدوام قال لي جهزي نفسج .. بنروح لاهلج بعد الفطور و تمي عندهم لبعد التراويح
جاتني صدمة من رده ... فهمت ليش ماطل يوم السبت
لانه ما يبا ينزل عالفطور . و ما يبا ينزل من الاساس الا لو سلم من الباب .
قلتله .. ما ينفع اروح لهم بعد الفطور و الناس تتجهز للصلاة و بيروحون المسجد .. اتم مع نفسي مثلا .
قال انتي قلتي ما بتروحين لاتقولين ما وداني اسلم على ابوي .

قلتله .. مابعور راسي . براحتك .. و عشان انا اريح نفسي فاقولك انا بدون ام ولا اب .. انسى اني عندي ام واب .. ولا بسير لهم ابدااا.

بالليل قلتله .. شو رايك توديني باجر بعد الفطور وابات عندهم .. قال . مب قلتي ما عندج ام واب قلتله هذا اخر كلام بالموضوع .. صار لي اسبوعين منهم وهذي زيارتي فشو اروح ساعتين والناس مب فاضيتلي .
قال . لا

فلتله .. خلاااص



وفعلا ما بطلب منه اروح لهن ابداااااااا حتى بالعيد ما بروح ..
اهلي فاهمين الوضع عدل . و ما بيزعلون . وبتواصل معاهم . لكن اسلوب المذلة اوالتسويف و المماطلة ستكفيت منه .

وقلتله بعد .. امك وابوك مب احسن عن امي وابوك .. و بعاملم بنفس القدر من التهميش و الرسمية .
وهذا اللي قاعد يصير مع امه .. ومب عشان هالسبب بس
تصرفاتي مع امه .. بناء على موقف كاتبتنه في قسم ساعدني لكن بنسخه لكم بعدين
ظحاليا خلونا في زوحي

شو الحل ؟؟ وشو تحلبلكم للموقف ؟؟

كل شي حواليا قاعده اتعامل معاه لمفاهيم جديدة .. طبعا فيما يخص زوجي واهله ..

الله يفرجها ..

اعزمي اهلك على الفطور
ولا تبلغينة الا قبلها بكم ساعة
عشان يكون امام الامر الواقع
وكل شوي اعزميهم
عشان يعرف ان الدنيا مو على كيفة
وكلمتك لما قلتي اعتبر ماعندي ام وأب هذا اللي هو يبغاه
ليش ان شاء الله ماعندك ام وأب ؟؟؟؟
وفي حل ثاني كلمي أمك او ابوك تتصل وتعزمة
واذا قال موب فاضي تقول خلاص جيب بنتنا تفطر معنا
وهكذا إنتي بدعي
انا زوجي كان عنيد من ناحية اهلي
وصار أبوي يحرجة بالاتصالات
وأحيانا يقول مو فاضي
أبوي يقول انا أجي اخذها
واللحين صار عشان يفتك من أبوي
صرت مرتين في الأسبوع اروح لاهلي
الله يسخرلك زوجك واهلة امين

مو على كيفه

ألا الأهل لازم تتفاهمين معه وأن من حقك تزورين أهلك

من حقك تزوري اهلك و غلطتي لما قلتي ما عندي ام و لا اب
اذا مو حابب يفطر عندهم بس يسلم و يمشي حقه لكن يمنعك تباتي عندهم مو من حقه ما دام ما فيه غير هذا الحل
ابدئي طالبي بمسكن مستقل يمكن ما تحصليه
لكن مطالبتك بما هو اكبر يخليه يحترم ما هو اقل مثل زيارة اهلك و القيام بواجابتك الاجتماعية

__________________

و الله يا اميرة ما احد بتتلف اعصابه من العناد الا انت

لا تعانديه

اذا ما وداك هذا الاسبوع خلي اعلك يعزموكم على الفطور بما فيهم اهله بليله النصف من رمضان، و حاولي تتجاوزي الاجواء المكهربه اللي انت عايشه فيها، اجعلي ثواب انك بديت بالصلح لك

و امانه عليك لا تعاملي امه بالجفاء، لانه هو اللي جرحك

اخيرا كثرة الزعل بتجيب المرارة فحاولي على صحتك يا اختي

العزيمة صعبه ...لاني ساكنة مع اهله وكل شي مشترك .
ابوي يتصل يعزمه .. ابوي ما راح يرضى لانه اول ما تزوجنا كان يعزمه ويرفض فصار ما يتصل فيه ابدا ولا يعزمه ولو في عزيمة يتصل علي .

بيني له الحكم الشرعي انه مابحق له يمنعك من زيارة ابوك وامك وانه صلتهم وبرهم واجبه عليك وبيني له ايضا انه حرمانك من اهلك قد يسلط الله عليه من يحرمه من بنته بالمستقبل

كل شي قضاء ودين والايام دول

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.

شو اسوي ؟
مليت 5 سنوات و انا بنفس الوضع هذا ..

حبيت طلبي للسكن المنفصل عشان احصل اللي اقل .. بس هذا مع مشاكلي مع اهله

لكن لانه ما يوديني لاهلي اطلب سكن منفصل !!!

يا شوق شو اسوي
عطوني حلول
قوليلي كيف اتعايش في هالوضع اللي انا فيه

حللولي المواقف . ةفهموني كيف يفكر و كيف يفكرون اهله وشو مشكلتهم بالضبط

كنت حاطة فبالي لو اليوم قال ياخذني وابات عندهم اني ارفض .. و اقوله موضوع وتصكر وخلاص ظلكن بخليها اخر فرصة بس ما بقوله يوديني ان جا من نفسه و قال اروح رحت والا ما بروح .

يااختي .. زين و فرضا هالاسبوع قال بيوديني
معقولة اتم بنفس الدوامة كل ما بغيت اروح لاهلي . تلفت اعصابي منه ومن عناده و كبرياااءه

انه اهلي يعزمونا مستحيل

لكن ممكن اكلم عمي اني بعزم اهلي عالفطور .. لانه لازم هو اللي يعزم .



ولو عالمرارة خير .. صار لي اسبوع و الم صدري بجهة اليسار ما خف ولا الكتمة اللي فيني و اقوله يوديني كل مرة يأجل
قلتله امس انه اليوم بعد الفطور بيوديني و انتهينا وما باجل .

بشوف شو يصير