مساء الخير للجميع
اتمنى من الجميع انهم يساعدوني ويكنون صادقين معي
انا متزوجه لي سنه وشهرين بالضبط انا من يوم خطبني زوجي والناس ماريحوني كلهم يقلون اني ما استاهله وانه
خساره فيني وانا بصراحه وربي الشاهد كثير خطبوني ورفضتهم لاني بنت عائله محترمه جدا ومعروفات بادبنا
وحشمتنا ما اطول غليكم ملكت ع زوجي وكنت دايم اكلمه وكان طيب مره وتعلقت فيه توفت امي شهر 10 عام 1430وتعبت نفسيا وماقصر وقف معي وتحدد زوجي بالصيف شهر 8 وافقت انا واهلي ع مضض رغم قلبي مجروح تزوج ابويه بعد موت امي ب 3 شهور وانا الي غصبته يتزوج المهم عانيت من زوجت ابويه بشكل ماتتصورونه لدرجه كنت اقفل علي غرفتي يوم كامل ابكي بس الي كان يهون علي اني خلاص بتزوج بشهر 8 طبعا بشهر 6 توفى عمي ابو زوجي بحادث وتلخبط كل شي انا انهارت اعصابي وصرت عصبيه مره وابكي من كل شي طبعا تاجل زواجي لان الضروف ماتسمح انا والشاهد ربي اني ماقصرت معه وقفت معه وقفت زوجه دعمته نفسيا كل يوم اكلمه اهدي عليه وانا نفسيتي مدموره المهم جا لابويه بنهاية شهر 8 وقاله ياعم ابغى اتزوج بشهر 10 كان في باله انه بياخذني بدون عرس او حتى البس فستان زواج انا لاني احبه مررره وافقت وقلت خلاص لاكن ابويه واخواني رفضوا وقالوا اقلها عزيمه وتلبس فستانها حرام سنه كامله متعذبه ودنا تفرح بزواجها وتحس انها عروسه طبعا صارت مشاكل بين اهلي واهله وانا ضعت بينهم تم زواجي وربي اني ماصدقت اني ركبت معه كنت متوقعه باي لحظه تصير مشكله ويقول خلاص بنتكم تقعد عندكم هي طالق طبعا رحنا الفندق وكانت نفسيته مرره انا ساكته وربي حتى ماقال لي مبروك ياعروسه ولا ياحلوك ساكت انا قدرت ضرفه وسكت طبعا شهر العسل اسبوعين بس الاسبوع الاول مو طايقني والاسبوع الثاني كنه شوي بدا يتحسن المهم رجعنا من اسبوعين العسل وقالي انا بنسكن مع اهله انا بالبدايه تخوفت وقلت له خلنا نسكن جنب دوامك رفض وقعد يقني الا نسكن مع اهله طبعا يبعد دوامه قرابت الساعه والنص رحنا سكنا معهم اول يوم مطنشيني يسولفون مع اخوهم وانا مايكلموني طبعا قلت انا بكون احسن وبدخل فيهم يمكن مستحين مني دخلت في عمتي وكل يوم اسولف معها وامزح عليها واضحكها حسيت انها حبتني في يوم من الايام طولنا بالنوم قعدنا نايمين لين العصر >عرسان عادي < طلعت اخته علينا وربي انه تدق الباب باقوى ماعندها برجولها تدق انا سكت وتفاهم اخوها معها المهم كثرت المشاكل قام زوجي اقتنع انه ننقل جنب دوامه ونقلنا استقرت نفسيتي وحسيت بامان وراحه قعدنا سنه اللاوضاع متذبذبه مره تزين ومره تشين مرت الايام وجت الصيفيه وصيفنا عند اهله مره يازينهم وعشر ياشينهم معامله زفت المهم باخر رمضان السنه هذي زوجي انقلب علي مرررره مدري وش صاير له المهم انا طبعا عيدت عند ابويه لاسباب خاصه وزوجي هو الي قالي اروح اعيد مع ابوي طبعا بيت عماني واهلي حول بعض قعدت عند ابويه تقريبا نص شهر وربي طول هذيك الفتره زوجي معاملته تغيرت مره وصار من اسوء لاسوء سافر ابويه لمدينه ثانيه وانا رحت مع زوجي ومعاملته لازالت سئه مايعطيني وجه وكل ما اكلمه ولا اناقشه يصارخ بوجهي ويقول اني راعيت مشاكل انا تعبت وسائت نفسيتي قبل شهر عرفت اني حامل ولما عرف استانس مرررره وماصدق اني حملت بس لازال مثل اول كل همه انتبهي لنونو لاتقومين عشان النونو لاتتتحركين طبعا حملي نازل مره وووحمي سيء طلبته يوديني عند ابويه وع طوووووول وافق ومن يوم جابني لاهلي انا الي دايم اسال عنه واطمن عليه وهو مايسال حتى رسايل مايرسل لي واخرتها امس ارسلت له ع 11 باليل رساله كتبت فيها حبيبي اشتقت لك ودي اكلمك ع 12 اسمع صوتك واقول تصبح ع خير وانام تخيلوا وش سوا قفل جواله ومافتحه الا الساعه 2 ولما دقيت لقيته مقفل سكت وانكسر قلبي ودقيت بالغلط ع 2 الا رد علي سلمت عليه وقلت له وش فيك قفلت جواله قال كنت نام خير وش تبغين انا انصدمت مرره من كلامه معي قلت ولاشي بس ابسمع صوتك قال انا نايم طبعا هو يكذب صوته مو نايم لاني اعرفه اذا قام من النوم قلت انا بس صوتك مو نايم قال اش يعني اكذب قلت انا يانصاب دامك ماتبغاني ادق كان قلت لي ماكان ازعجتك قام قفل بوجهي الجوال وقفله مره انا رحت لخواتي وقعدت ابكي وانقهرت مرره منه ومو اول مره يسويها طبعا انا قفلت جوالي من امس لين الحين وربي انه مافكر يدق علي ابد مطنشني ولا كتني اهمه ابد ...
هذي مشكلتي بين يديكم ارجووووووكم اعطوني حل لاني بصراحه بديت اكرهه وفكرت بالطلاق كذا مره
تحياتي ام ثامر

طيب ليش ما تصارحين زوجك (وش فيك متغير ولا تنسي تضيفي في العبارة كلمة حلوة مثل حياتي)
يمكن يفتح لك قلبه ويصارحك بحاجة
وبعدين وش قصة تخلين زوجك بليز لا تطول فترة غيابك عنه
وانتي لازم تحسني صورتك ونواياك الطيبه من ناحية أهله
المفروض قبل الزواج تكون عندنا خلفيه عن كيفية التعامل مع اهل الزوج بحدود الذوق والاحترام المتبادل
اذا اهل زوجك دفشين كوني الناعمه الرقيقة البسيطة في التعامل معهم
لا تثرثرين وايد وياهم والااتسامة اهم شي دايم مرسومة بوجهك والاهم الاام
زوجك لا تشكينههم له ولا تكلمين عنهم لاابخير ولت شر كلو ولا اهله وانتقادك لهم
مدري بس احس المشكله كلها بسبب سوء التفاهم بينك وبين اهله

انا رحت لاهلي لاني متعبني الوحم
ورحت لاهلي انا والله ياميثاا اني طيبه معهم مرررره حتى اسمع كلام منهم قسم بالله اني اخذها بجني وانسى ولا احمل بقلبي
بس تعبت منهم وزوجي متغير بدون سبب والله ماسويت له شي بالعكس احاول بشتى الوسائل ارضيه حتى ذهبي احتاج وبعته
عشانه اهتم فيه لدرجه اني كل يوم اذا حط راسه اساله اذا راضي علي او لا ...

وين امي عنك لو تسمعك بعتي ذهبك وانتم توكم متزوجين يا ويلك منها
......
شوفي تحتاجون جلسة صراحة
.....
بس اظن ان الرجل في بداية زواجة غير وبعدين يظهر ع حقيقته وطبعه المعتاد
يعني هو يمكن يمر بضغوطات مثلا من العمل الاصحاب النفسيه الخ
....
جلسة مصارحة
اجلسي معه وقابليه عينك بعينه واهم شي يدك بيده ودمفتين صغار
واضاءة خافته من نور شمعه قد تفي لتفريغ مكنونات النفس من قسوة
....
طبعا انتي ماذكرتي طبيعة التغير اللي طرأ ع زوجك مثلا

الله يعينك
نصيحتي
طنشيه اتركيه لاتدقين عليه خليييه لو شهر
ولو دق لاتردين على طول
والطيبه تبرعي فيها لان هالزمن ماينفع فيها الطيبه
صدقيني كنت طيبه مع اهل زوجي وكانو شايفين انفسهم
يزعلون من اتفهه سبب
واللحين مطنشه اللي بيزعل يصك راسه باكبر جدار
وربي ماكذبت ان قلبووو وتعدلووووووو

ونصيحه اخيره ياختي اذا زوجك نام لاتقولين له انت راضي
زوجك يبي زوجه مايبي ام
خلي لك راي خلي لك شخصيه

واعيدها لك اتركيه لين يتصل
حتى لو طالت المده
الرجال مثل الضل اذا لحقتيه انحاش واذا تركتيه لحقك

__________________
ياقبر وش ضميت من ذيك الاجســاد
الله ياضمـٓـه أبوي الحنونه

تغير انه صار قاسي بكلامه معي ويطول لسانه علي يقول لي مره من المرات لما سالته ليه تغيرت علي ياحبي >>سوري ع الكلمه>> قالي ماتغيرت انا مثل ما انا انتي منتي صاحيه تختلقين مشاكل امانه سؤالي له مو عادي شوفي الرد الوقح الي رده
كلمت ابويه بكل شي قالي اصبري شهر اذا ماتعدل انا اكلمه واخليه يوقف عند حده لانه دمر نفسيتي حسسني اني مريضه نفسيا اتوهم اشياء مالها وجود وهي بالفعل حقيقيه وكثير لاحضوها..

كلامك ذهب ياخيال وإن شاء الله اسويه لاحرمني ربي منكم والله ونعم الخوات ميثاا وخيال

طيب يا ام ثامر يمكن انتي وايد مبينه لك انك عاشقتنه
يعني لدرجة بعتي ذهبك...
الحين مثل ما قالت خيال طنشيه أحلى شي
وتغيري عليه نفس ما تغير عليك
التهي باي شي لا تفكري وايد فيه بس لا تفكري بهالسهولة بالاانفصال
.....
بس هو كله يكرر انتي تختلقي مشاكل ليش برايك?
كيف هو علاقته باهله?

1) أنتِ تمرّين بفترة الوحم والحمل، وما يعتريها من تغيرات وتقلبّات نفسية لدى المرأة..فافهمي هذا؛ واستبعدي فكرة الطلاق من عقلك تماماً.
2) لقد أخطأتِ بإخبار والدك بالأمر في هذا الوقت؛ لأن الموضوع ليس بذاك الصعوبة التي تستدعي تدخّل الأهل...وتأكّدي أن تدخّل والدك –لو حصل- في غضون شهر فسوف يزيد المشكلة وتكبر بينك وبين زوجك.
3) المشاكل التي حصلت بين أهلك وبين أهله ما زال لها تأثير خفي في الصدور، وعلى النفسيات، وهذه نتائجها.
4) آمل منك ما يلي:
أ‌- إرسال رسالة لجواله توضّحين فيه حبك الشديد وشوقك الجامح له..ثم امدحيه..ثم اشكري كل شيء فعله من أجلك سابقاً..ثم قولي له: لماذا تعاملني هكذا؟ هل أنا أستحق هذه المعاملة منك؟..إن كان في قلبك شيء عليّ فارجو أن تخبرني به فرضاك عندي مهم جداً؛ لأني أريد رضا رب العالمين..وأرجو أن تخرج كل ما في قلبك كي ترتاح أنت وأرتاح أنا..محبتك فلانة.
ب‌- ثم انتظري رده خلال 24 ساعة..واحذري أن ترسلي أو تتصلي.
ت‌- إن لم يجب برسالة أو باتصال فدعيه وشأنه لمدة 3-5 أيام بدون أي اتصال أو رسالة منك.
ث‌- أرسلي له من فترة لأخرى رسائل تحتوي دعاء له.
ج‌- اشكري له جهوده معك.
ح‌- ابدئي بالتواصل مع أمه هاتفياً.
خ‌- ابدئي بالتواصل مع أخواته برسائل الجوال.
د‌- قولي "ربنا هب لنا من أزواجنا وذرياتنا قرة أعين..اللهم أصلح بيني وبين زوجي..واجعل بيني وبينه المودة والرحمة".

باين عليك انك مرا مهتمه وبزياده يختي خلك وسط
ولا دققين ع كل كلمه وتجلسين توسوسن وتضربين اخماس في اسداس
معظم الرجال دفشين با الكلام ويرمي كلمته كنها صخره ع القلب الا مارحم ربي
وحاليآ خلي نفسيتك مرتاحه واهتمي بولدك الي بطنك وكلها مسألة 4 شهور وراح
يتغير كل شيء بنفسك
الحامل تكون حساسه بزياده
وطنشيييييييييييييي قد ماتقدرين طنششششششششششششي