وهي طبقين من الحلويات الأول أول مرة أعمله (يعني أجرب فيكم)......وأول مرة أستخدم فيه فرني الجديد
وهو طبق (حلى القواقع)
قبل ماأنزل لكم الصور علشان ماتنهبلوا بأعطيكم الطريقة :
مقادير العجينة :
2 كأس دقيق
1 كأس سكر ناعم
2 أصبع زبدة لينة على حرارة الجو وليست مذابة
2 بيضة
1 ملعقة صغيرة باكن باودر + فانيليا
تخلط جميع المقادير بالخلاط
شوفوا خلاطتي الجديدة أول مرة أستعملها وإشتريتها على لون المطبخ
هذه صورتها من بعيد ...ياحليلها الله يعينها على الكرف توها عروس
المهم بعد الإنتهاء من عجنها
نفرد كل قطعة صغيرة في صينية مثل إللى في الصورة
وهذه الصينية لها حكاية
أنا شفتها عند أمي الله يحفظها عجبتها وأشترتها للمعمول علشان يصير شكله حلو
وقلت لها هذه الصينية إللى أدور عليها لحلاي الجديد فقالت لي خذيها
فقلت لها باشتري مثلها علشان احتاجها لي وخلي هذه عندك
ودورت ولفيت ومالقيت مثلها ...ورجعت إستسلمت وقلت لأمي أرسليها لي وماقصرت الله لايحرمني منها ولامن رضاها وجابتها بنفسها لعندي
المهم حطيت في نصف الصينية عجينة ونصفها خليتها فاضية علشان تشوفون الصينية كيف شكلها وهذا سر الحلى لازم هذه الصينية....وبتعرفون السبب لما تشوفوا صورة الحلى النهائية
لاتنسوا حطوا طبقة خفيفة من العجينة لإنها حتنفش
وبعد ماأنتهيت من وضع العجينة جاء دور تدخيلها في الفرن الجديد
.أنا أفضل إستعمال الفرن الكهربائي وماأحب أشغل الفرن الكبير إلا إذا عندي عزيمة
وفرني الكهربائي القديم دمرته ماشاء الله عليّ من كثر الإستعمال وإشتريت هذا من نفس محل الثلاجة
وقلت لزوجي ماأبغى مايكروييف لإنه خطير ومضر أبغى كهربائي مثل حقي القديم بس لونه مثل مطبخي
فسمعني البائع وقال : هذا ثلاثة في واحد مايكروييف وكهربائي وشواية
ويكون المايكروييف مضر إذا طبختي فيه لساعة واكثر أما للتسخين في ثواني ليس بضار
وبإمكانك تستخدمي المايكروييف للتسخين والفرن الكهربائي للطبخ والشواية للشوي
زوجي سمع الكلام من هنا وأصر نأخذه مع إني متخوفة بس إشتريناه....(وبعدين ياأم جوجو ساعة تتكلمي فصحى وساعة تدخلي عرض؟؟)
المهم الأن أول مرة حستعمله في هذا الحلى وجالسة اتبع التعليمات وفاتحة دفاتر التعليمات لإن فيه صواني تستخدم مع الكهربائي وصواني للمايكروييف وتحذيرات وشيء مرعب
المهم سميت بالله وحطيت الصينية
وأتبعت التعليمات
والحمد لله نجحت العملية
وهذه وهي داخل الفرن تدور ...ياحليلها
في هذه الأثناء رحت اسوي الحشوة.........(إلى الأن الأمور غامضة بالنسبة لكم.....صح..؟؟؟...).
...صبركم عليّ بتشوفون كل شيء وبتفهمون....((.هذا حديث نفسي بيني وبينكم...))
هذه الحشوة عبارة عن :
2 كأس ماء
4ملاعق نشا
2بيضة
1 ونصف فنجان سكر وعلى حسب الرغبة
5 ملاعق حليب بودرة
فانيليا
تخلط جميعها في قدر على النار حتى تصبح سميكة
[
إنتبهوا للصينية في الفرن لاتخلونها تحمر كثير يعني تحمير فاتح وبتصير شكلها مثل حبات البسكويت
بعد ماتخرجوا الصينية من الفرن نزلوا البسكويتات بسرعة من الصينية برفق علشان ماتتكسر وماتلصق وخلوها تبرد شوي وبعدين حطوا في كل داخل حبة بسكويت ملعقة صغيرة من الحشوة وحطوا وسط كل حشوة حبة شوكلاتة مالتيزر
وهاأنا أضعها وسط سلة الفاكهة الإصطناعية تكريماً لها لإن سر جمال الحلى بوجودها فهي كاللؤلؤة وسط الصدفة
ثم نأخذ حبة بسكويتة ثانية ونغرسها من الجانب لتصبح مثل القوقعة
وهذا شكلها النهائي
إلى المفاجأة
..
وهذه من الخلف ....يحق لها تتدلع شكلها روعة وتستاهل تصوير
لاحظوا كيف شكل الصينية خلاها مثل القوقعة
أعتقد الأن كل شيء واضح
هنا صورتها بجانب الوردة يعني سويت لها خلفية....خليها تفرح تستاهل والله بيضت وجهي
طبعاً أنا سويتها اليوم الصباح بعد ماراح أولادي المدرسة وأول وحدة أكلها زوجي وقبل مايروح العمل
وبإذن الله إذا هل رمضان اليوم بيصير البيت خلية من أخوان وأخوات زوجي الله يحفظهم لتهنئة والدتهم برمضان وعندها أكيد بدعوهم لزيارة مطبخي ولكل زائر قوقعة هدية
وهنا أكملت باقي كمية الحلى وجهزتها وغلفتها إستعداداً للزوار بإذن الله وخليت الصحن الصغير الأول لأولادي
وهذه صورة من قريب
ها ....شرايكم فيها....؟؟؟
والأن إلى الحلى الثاني وهو سهل وخفيف ومايأخذ وقت وبنفس الوقت فاااااااخر في التقديم
تحضري أي صينية تنفك ....بصراحة عندي ثلاثة مربعة ومدورة وعلى شكل قلب وإحترت وين أسويها وبعدين إستقريت على الشكل المربع لإنها صينية جديدة ولها قاعدة مرتفعة وابغى اجربها ولأني سبق وسويت نفس الحلى في الدائرية
المقادير ....(دع الصورة تتحدث)
نحضر كيك سويسرول بالشوكلاتة حجم كبير ...ونقطعها شرائح
ونحضر بسكويت ويفر أي نوع
ونرص قاع الصينية كله بشرائح الكيك
ونرص على جوانب الصينية شرائح الكيك وبين كل شريحة وشريحة نضع إصبعين بسكويت ويفر
بسم الله ماشاء الله
بسم الله ماشاء الله
بسم الله ماشاء الله
...............................يارب يباركلك فى الفرن ويتعمل فيه احلى الاكلات..............................
ويارب تجيبى لجمانه مثله وهى عروسه
لكن ما أقدر عليه للأسف..بالنسبة لي دسم جدا..ربما للعزايم و للناس بعملوا..
آه صحيح عملت البارحة حلى التوت و كان جدا لذيذ..لكن حسيتها شوي تقيلة عشان الزبدة اللي بالبسكويت (وحدة ما تتحمل نقطة دسم) .. لكن ما شاء الله إختفت و ما ضل منها شي..
فبارك الله فيك و أتحفينا دائما بجديدك..
دمت
__________________
أيها الحائرون .. أستمضون فوق جثتي؟؟ أم ستذهبون؟؟ ففي جسدي دم يهتف: بالعز سأدفن تحت الأرض وأنتم بالذل سوف تعيشون!!!!