السلام عليكم ورحمة الله وبركاته
يسعد مساكم
كيف حالكم يا اخواني عدت اليكم بعد غيبه وودي افضفض لكم شوي خلال الفتره اللي راحت من يوم
ما رحت من عند زوجتي الى الان اللي بينا فقط رسايل واني اعيش في حاله نفسيه وصارت
مستجدات خلال الفتره اللي راحت الوالد ذهب اليهم زياره وجلس مع زوجتي وقال ان زوجك ماهو مرتاح
ولا مبسوط ومدري ايش قال بعدها وصلتني رساله منها انها تضايقت من هالشي وانك لو متكلم من
قبل وقبل لا اتعالج بيكون اهون علي من الحين قبل ما اتحسن واحسن وضعي معاك واحط يدك بيدي
انت مليت وانا ببداية علاجي انت صبرت وماقصرت وما جنيت ثمار صبرك وانا ماني جابرتك تصبر علي حبيت اوصلك اللي بخاطري
فرديت عليها قلت انا ما قلت كذا والوالد عارف وضعنا وان قصدي ما هو مبسوط معك قصدي وضعنا
اللي صاير وحنا اعلم فيه وانا لو اني ماني مبسوط كان ما تعاونت معك هذا من نفسي لاجبرتيني ولاصبرتيني
وانا ابيك من نفسي
امس ارسلت لها وقلت لها كيف تحسي وكيف وضعك الحين حاسه براحه وانا ما ابي اعذبك معي
وبنفس الوقت ابيك ترتاحي وانتي مافيك شي السبب اني معك ولا قدرتي تاخذي راحتك وتعودين معي وعارف انك ماتبين كذا وتغصبي نفسك بس نتي قادره وما قصرتي تحاولي وبنحاول وانا معك
وقلت لها تحسين اذا بعدت عنك ترتاحي هذا اللي خايف منه ولاهو بيدك ولا ذنبك وانا باقف معك من غير ما تطلبي وانا الحمدلله شايف انك مهتمه ومفرحني هالشي انتي ادرى بنفسك والكلام مو عشانا انا مليت لا اكبر من كذا وبيكون عشره مدري وش اللب ببالك او طفشتي كتبت هالكلام ابي اعرف شعورها وش تحس فيها
ردت علي وقالت الحمدلله احس بفرق احسن من اول بكثير وما اكذب عليك لما اكون معك اتضايق
واذا كنت عند اهلي واذا جاء طاريك اتضايق
والله ما كنت اقولك لاني ما ابي اضايقك انت وانا لو احد يقول لي اتضايق تقصد نفسها بتأثر
وبنفس الوقت كنت اظغط على نفسي واحاول
مدريوش السبب اتعب واقلق حسيت بأحباط ويأست لاني قبل حاولت بس بدون فايده كنت اقول
لا هالمره غير بسوي واسوي لكن لما تجي اتعب واتعب ويتغير كل شي لدرجة ما اقدر اتحرك احس اني مربطه بس انا الحمدلله الحين مداومه على الرقيه والعلاج واحس بتحسن دعواتك
هذا اللي وصلني منها وعرفت وش تحس فيه بكلامها لاني انا من غير ما تقول شايف هالشي هذا
مهي ماخذه راحتها بس ودها
رديت عليها
ادري غصب عليك ولا راح اقولك ليه شي من ربي ولاراح اشيل ابد شي ناحيتك لاني متاكد نفسك تسعديني وتسعدي دام انك تحاولي ولا ودي تحبطي لكن ما دام تحسي بتحسن الحمدلله بسوي اللي اقدر عليه معك عشان ترتاحي
لانك تعبتي اكثر مني بس كله عشان ربي يوفقنا اذا الله اراد راح يكون وما ندري وش الخيره فيه بس الله يكتب اللي فيه خير
هذا اللي صار
يعني ما ادري وش اسوي انا حاس انها تعبت هي صح ماتبي بس احيانا اقول الطلاق راح يحل كل شي ويمكن الامور ما تكون زي مانحب لاني انا ابي انسانه تشبعني واقول لا بعد العلاج والشفاء بتغير 180 درجه وراح اكون معاها نهاية هالشهر
واحيانا اقول لا هي بنفسها قالت اذا جاء طاريك اتضايق فكيف اذا صرت معها واهي تقول اتحسن انا
واحيانا اقول لا اخر شي رمضان احس ان تفكيري يودي ويجيب يعني ادري انه غصب مو عيب فيني تتضايق او مقصر هي بنفسها تقول انا مقصره معاك بكل شي وان شاءالله ربي يفرجها
دعواتكم لعل الله يبدل من حال الى حال