زوجتي قبل شهر بالضبط قالت لي اخوي يبي يستعير شماغك اللي لبسته في العزيمه اللي عند اهلها

انا رفضت

في اليوم الثاني اتصل اخوها قال ابيه يبيعني الشماغ قلت لا ماراح ابيع عنده السوق يروح يشتري

لكنه صمم وقال بشتريه بألف يبيني اطمع بالفلوس طبعا انا رفضت بشده وش سر تعلقه بشماغي وش يبي فيه

وقبل كم يوم رجع يفتح السالفه من جديد وقال بكتب له شيك بأي مبلغ يبيه اذا يعطيني الشماغ

وانا طبعا مازلت رافض

واستشرت بعض اهل الحكمه قالوا يمكن بيسوي لك سحر

انتوا شرايكم

على طووووول سحر ????
وكمان استشرت اهل الحكمة

مايقدر ياخد اي شئ براحته من بيت اخته اذا بيسحرك و ببلاش

تلاقيه بس متحدي مع صاحبه او بيستفزك او بيلعب باعصابك

في جميع الاحوال .. غسل الشماغ واكويه وعطره واعطيها له
ما جات على شماغ ..

لو بيسحرك وانت عطيته شماغك مغسسسل فماراح يصير فيك شئ

وعادي اساله بضحكة .. ايش فيك مغرم بشماغي

جب شماغ جديد مثل حقك وعطه اياه وريح عمرك
..............

اما انو يسحرك مادري بصراحه يعني لازم الشماغ يقدر ياخذ اي شي ثاني من اثرك لاتوسوس الله يهديك


اخوي يمكن هو يجيبها بمزح وانت تاخذها جد

عالعموم جب له شماغ وريح عمرك

__________________
وعند الله لاتموت الامنيات

فيه مثل عند البدو يقول:

" الخبل ما ينسى سالفته.."

هذا حال أخو زوجتك

والله اعلم

احتمال يكون شاكك انك صبته بالعين ويبغى شي من اثرك عشان تزول العين عنه

عطيه الشماغ وريحه

وانت حافظ على الاذكار

أغسله وأكوه وأعطه بدون ماتاخذمنه ريال واحد يمكن يبي يلعب باأعصابك وأحتمال يبي يسحرك اويعتقد انك أصبته بعين ولانبي نضلمه (إن بعض الظن إثم )أغسله وأكوه ومن الحين روح أعطه

احسن حل اذا كنت خايف منه اعسله وعطره وسلمه له والا اشترله واااحد جديد وشف ردة فعله اذا عرف انه جديد عشاااان تتأكد ولا توسوس ....

__________________
ابي أكبر خط التوووقيع

::

ههههههههههههه يمكن يتوحم عليه !!

وش يحس فيه ذا ؟

شف لو بيسحرك كان اخذ اي شي من بيتك وانت ملابسك مرميه بكل ركن !

بس ماتوقع ومادري وش يبي الصراحه مره طلب غريييييييب ~

بس ياتشتري نفس شماااااغك وتوديه لمغسله وتغسله وتكويـه وتعطيه ايـاه على اساس انه شماغك وشماغك الي بالبيت اخفيه عن اختك ولا ارميـه بعد عشان يصدقون انك اعطيته شماغك

او غسـل شماغك عدل مدل ~ واعطيه ايـاه ~

يحول نفسـه رثعه زوج اختك ذا !! غريب صراحه ~


::

__________________
{ احبــــ ـــكم بلا استثنـاء ~

هههههههههههههههههههه


اشوة مو بس الحريم اللي يتبادلون


يبا عادي اشتر له شماغ يديد

وانت الله يهديك كبر عقلك عنه

__________________
لا اله الا انت سبحانك اني كنت من الظالمين

لو كانت المسألة مسألة سحر... باستطاعته أخذ شيء من ملابسك عن طريق أخته
لكن في المسألة سر؟ الله أعلم به.

__________________
قرأ وهيب بن الورد رحمه الله قوله تعالى {وإذ يرفع إبراهيم القواعد من البيت وإسماعيل ربنا تقبل منا} ثم بكى! وقال: (يا خليل الرحمن ترفع قوائم بيت الرحمن وأنت مشفق أن لايتقبل منك) تفسير ابن كثير1/167