مادري هالشي صح ولا غلط .. انا غلطانه ولا معي حق ..

بنتي كل ماجاها شي زكام او حراره او كحه او استفراغ او مغص او أيييي شي .. ينزلها لأمه وترجع لي كلها بصل وثوم وشغلات حريم واعشاب .. والحين البنت لها 4 ايام تعبانه وقلت له لازم نوديها قال طيب .. شوي الا جا جهزيها لامي .. طيب انا مابي امه تعالجها ابي دكتووووور يعطيها علاج مثل خلق الله .. لا لما امه تقرر خذوها او لا تاخذونها .. ومرات عكس اقوله البنت ماتحتاج طبيب يقول الا امي قالت واحلف له وياخذنا غصب وبعدها الدكتور يقول ماتحتاج ليش جبتوها .. يعني دايم يطلع معاي الحق .. انا مااااحب طب الحريم حتى لو كله من الطبيعه مااااااااااااااااااحب احد يلعب ببنتي ويسويها فار تجارب .. وانا متعقده من هالنقطه بسبب بنت اختي قبل سنين كان عمرها شهر وعالجت عند حرمه ومااتت .. والحين كل ماياخذها لامه تصير مشكله بيننا والله تعبت من هالوضع . شكلي الغي تأمينها بالمستشفى و افتح تأمين تحت .. والمشكله تطبب ع بنتي .. هاتوها لي 3 ايام ورى بعض .. هاتوها الاسبوع الجاي ولخ ومن وداها 3 ايام ورى بعض بنتي ماشافت العافيه ولها كم يوم ماترضع الا قليل وترجعه كثير و وزنها نقص والحين هي بعيادة جدتها والله تعببببببببببببببت من هالوضع .. ادري بتقولون عادي جدتها والحريم يعرفون و و والخ بس انا ماحب انا وحده ماحب هالشي ماحب هالتصرف ماحب حرمه تطبب ع بنتي .. طبعي كذا وكل ماتمرض البنت نتمشكل ع نفس الموضوع


مستجدات الرد 26

http://www.66n.com/forums/showpost.p...8&postcount=26

لا حول ولا قوة إلا بالله ..سبق وقلتي عمرها 4 شهور إذا أنا مو غلطانة ..مسكينة هالطفلة ..لو أنا مكانك فأضعف اﻹيمان إني بروح معاها وما خليها تظل عند جدتها لوحدها مو ﻷنه جدتها مو أمينة عليها لا..بل عشان ما تطول غيبتك عنها وكل شوي ترضعينها وتطمنين عليها يعني قلب اﻷم ما في مثله.

__________________
《 فلولا أنه كان من المسبحين * للبث في بطنه إلى يوم يبعثون》

اي والله .. ايه عمرها 4 شهور تقريبا ..الحين قلبي يغلي وبالي مشغول و اسئله مايرد و ادق و يعطيني مشغول

نزلت تحت لما زوجي طفى جواله ماقدرت اصبر ونزلت .. طلع قلبي مو محترق عالفاضي كانت تصيح .. المهم زوجي جلس يمزح ويقول يعني بناكلها والخ .. قالت امه ترى ربطت لها ع سرتها ولاتفكينه لبكره و والخ وقالت عطيها من المره وانتي هذيك المره مانتظمتي ع كلامي و عديتها لك بس هالمره ما اعديها .. وقالت ترى ازوج ولدي شوفي اخوانه كلهم ع اثنين انا زوجتهم .. المهم لما طلعت فوق وجا زوجي قلت له تتكلم جد قال ب استهبال ايييي امي ماعندها لعب قلت ع اساس اخوانك كل واحد له ظروف بالتعدد قال لا لا كله من امي قلت اجل لازم ما احط لك حساب المهم ارضيها هي وانت بكيفك .. وتناقشنا وهو كان يضحك بعدين قال والله تمزح وبالعقل لو هي زوجتهم بتقول انا زوجتهم ! المهم ما ادري عنها بس تضايقت كالعاده من جهه اقول ليتني مانزلت ومن جهه اقول اشوا جبت بنتي لانها ميته صياح

الله يشفي بنتك
صحيح العجائز عندهم خبرة
لكن والله يا اختي كل هذه الخرابيط لا اصدقها لانها قد تكون مضرة
بنتك صغيرة لما تحتاج علاج وديها لطبيب الاطفال هو ادرى

استهدي بالله يا اختي ، و تعوذي من الشيطان الرجيم ، و امسكي اعصابك ...
كلمي زوجك بهدوء ، خلي اسلوبك اسلوب حوار و نقاش عقلاني منطقي ، عبري عن وجهة نظرك بكل هدوء ، من غير اي تصادم او انفعال .

__________________
أشهد أن لا إله إلا الله و أشهد أن محمدا رسول الله صلى الله عليه و سلم

__________________

[QUOTE=العقل نعمة;3488687][/QUOTE

سلمت أناملك ع هذا الرد

مشكورين ماقصرتوا و ان شاء الله بطبق نصايحكم .. جزاكم الله خير

هالحرمه (مثل قولك) هي جدة البنت وام زوجك, لا اظن يليق ذكرها بهذا الاسلوب.

اولا: هم(ابوها وجدتها) لا يرغبون بأذيتها مثل مانتي تبغين.
ثانياً: بامكانك التوضيح لزوجك انك تريدين طبيب اطفال, طبيب تغذية لانه حالتها الصحية في تدهور, حيث انها لا تتغذى و وزنها نقص.

.

__________________
الجنس: ذكر