ارجوكم ساعدوني والله اني محتاره ومتلخبطه..
تذكرون قبل طرحت لكم موضوع إن زوجي يبي
ياخذني للمدينه اللي فيها اهله وزوجته الأولى
قال لي لازم تروحين معاي امي وابوي يبون يشوفون بنتنا..

امس طرحنا الموضوع وقلت له ع اساس إننا بنستأجر
وكذا عشان ما اضايق حد.. قال لي لا بنجي في
عمارتنا فيها بيتي وبيت اخواني..
انا كذا تضايقت.. تضايقت عليها والله العظيم مالها
ذنب اجي واكدرها.. وبنفس الوقت حسيته هالفتره
مايقدر يحجز لنا بفندق. لان شغله متكركب شوي
تكفون ساعدوني

(( يارب عوضني بخير مما اتمنى))



رابط الموضوع السابق ...

http://www.66n.com/forums/showthread.php?t=263612


(مستجدات الرد5)

http://66n.com/forums/showpost.php?p...23&postcount=5

يبيج تقعدين في نفس شقة زوجته
او فقط في نفس العمارة ؟

__________________

حاجة الناس إليكم من نعم الله عليكم ، فـ لا تملوا النِعم ☁✨

لا تدخلين بيتها و بس

نصيحتي لا تدخلين بيتها
ضعي نفسك مكانها
اعذريني لكن انا بصف الاولى
انتي بنظرها خطفتي زوجها منها
هو يمكن يبي يصير رجال بنظر اللي حوله
عند الرجال اللي يقدر يعدد رجال
واللي يجمعهم فبيت واحد هذا ما بعده اسد
واللي يقدر يخلي زوجته تخطب له وترقص فزواجه هذا عاد ملك

فنصيحتي اما في فندق او لا تروحين
على فكرة ارخص شقق مفروشة يمكن ما يتجاوز 150 لو انتي تدفعيها بس لا تجرحين الاولى

حبيت اخبركم إني اجلت رحلتي
قلت هالمره روح بروحك بحكم انك
ماتقدر تستأجر لي بفندق
قال لي شنو السبب اللي خلاك تأجلين
قلت له مابي اضايقها لأني حطيت نفسي
مكانهاا وطبعاً ماراح ارضى
وثانيآ انت وعدتني برحله نستأجر فيها ومانضايق حد وتكون قريب بأذن الله

قال لي كبرتي بعيني وحسيت الرضى بوجهه بفضل الله
الله الشاهد إني كل اللي سويته ابيه لوجه
الله.. ومن ترك شي لله. الله يعوضه خير منه

اللهم أجبر خاطري بما اتمنى

شاكرة لكم اخواني الغاليين على كلامكم

الحمد لله. الله يريح بالك
بس استغربت. كاتبة الموضوع مرتين. و اخر شي كلمتي زوجك و ببساطة انحلت
ليش ما كلمتيه من البداية؟؟!!

__________________

السلام عليكم ورحمة الله وبركاته..

ماشاء الله تبارك الله، تصرف حكيم منك يا عروس والأجمل كان لله..

جبر الله قلبك بكل خير ماتحبين عزيزتي.

مشكورين جميعاً
بالأول ترددت اقول له. قلت يمكن مايستوعب فكرتي. بس الحمدلله توكلت على
الله واستوعب كلامي. ونسأل الله العوض

يعني انتظرك تقولين له عشان يقتنع بهالبساطة
بصراحة زوجك غريب اذا كان بيسكنك بيتها الا اذا هي مرحبة بالموضوع لانه بالعقل و المنطق شيء مستفز
اصلح الله احوالكم

اللي انا عرفته وقاله لي.. قال لي هي ماعندها مشكله..
بس انا قلت يمكن في خاطرها تتضايق الله العالم..
المهم إني عملت شي لوجه الله. والعوض عليه سبحانه وتعالى..