هلابك والله .. كنت أقرى عن الوضع أللي صار لأخوك ..

وكتبتي موضوع عنه .. وطحت على موضوعك بالصدفه لأني كنت أبحث عن تجارب لأشخاص
حصلت لهم مثل ماحصل لأختي .. وشفت أن أخوك كان يأخذ بعض الأدويه أللي تأخذها أختي ..

أختي قبل سنتين ونص كانت طبيعيه يوم كانت بثالث متوسط .. كانت متفوقه جداً وأجتماعيه
ونسبتها ماتنزل عن 95% .. غير مشاركاتها ونشاطاتها بالمدرسه.. لكن فجأه تغيرت ..
أول ماتخرجت ودخلت أول ثانوي .. صارت تصارخ بالليل بغرفتها .. وتجيها حالات أكتئاب ..
وتغيرت عقليتها .. وماصارت تستوعب مثل الأول .. وتشرد كثير .. وتسمع أصوات وتشوف أشياء.
على كلامها .. وتعبت دراسيا .. ونفسياً ..

توقعنا أنها من الممكن عين صابتها بحكم أنها كانت تأخذ جوائز كثيره بالمدرسه ..سواء
لتفوقها الدراسي أو جوائز مثل الطالبه المثاليه .. الإبتسامه المثاليه .. وغيرها جوائز كثيره ..
وكانت محبوبه بين المدرسات ..

فقلنا من الممكن أنها عين رحنا لمشايخ واجد بس ماطلعنا بفايده .. وأتجهنا للعلاج الطبي ..
وقالوا بتشخيصها .. أن فيها أضطراب ذهني ثنائي القطب .. يعني حالاتها تتغير بأستمرار
من الراحه النفسيه والضيقه النفسيه .. والأكتئاب بمعنى أنها حالاتها ترتفع وتنزل .. عطونا علاجات..
وزرنا دكاتره نفسيين سواء بمستشفى الأمل أو بالمركزي بالدمام .. وعياده سليمان الحبيب بالرياض ..
لكن ماشفنا أي تحسن .. اللهم صارت تتجاوب مع علاجين .. واحد منهم SEROQUEL
والثاني سوجالين أسمه .. أو حول هالأسم .. لكن لازالت مارجع وضعها طبيعي لكن صارت أهدء من الأول
مع العلم أن عصبيتها ماتوصل لدرجه أنه تمسك سكين أو تهدد بالأنتحار أو الموت ..

أتمنى تعطيني تجربتك وكيف وضع أخوك حاليا بحكم أنه جته الحاله من زمان وشبيهه بحالة أختي
سواء الأعراض أللي ظهرت عليه والفتره العمريه أللي حدث فيها التغيير والأدويه اللي يأخذها..
وهل تعرفين عيادات قدرت تفيدك أو دكاتره .. حالياً .. أي معلومه من الممكن تساعدني ..


وشاكرين ومقدرين وقتك ..

مكانه الانسب،،

__________________

إذا كثُر الاستغفار في الأمة وصدَر عن قلوبٍ بربّها مطمئنة دفع الله عنها ضروباً من النقم، وصرَف عنها صنوفًا من البلايا والمحن، {وَمَا كَانَ اللَّهُ لِيُعَذّبَهُمْ وَأَنتَ فِيهِمْ وَمَا كَانَ اللَّهُ مُعَذّبَهُمْ وَهُمْ يَسْتَغْفِرُونَ}