السلام عليكم

اسعد الله اوقاتكم بكل خير

عندي موضوع وحاب اسدحه لكم هنا

مدري هي مشكله ولا انا اتخيل

المهم بدخل بالموضوع بدون مقدمات ولا شي

انا مملك الان ولي 9 شهور
واشتريت لزوجتي بلاك بيري بما انه كل صحباتها عندهم بلاك قلت خلني اخذلها واحد حرام كسر الخواطر

وبعد فتره طلبت مني اني اشتري بلاك بيري عشان اتواصل معها..
انا اشتريت البلاك بيري وتواصلنا وماشيه مورنا الحمد لله

بعد فتره ارسلت لها اكثر من 50 صوره لي على جالها
وبعدين قلت لها ارسليلي صورتك

قالت لا منا منا وش الاسباب قالت مدري كذا بس
انا والله حزت بنفسي شوي قلت يمكن مو معقوله ماهي واثقه فيني
وقلت لها انا زوجك ومن هاالكلام قالت خلاص غيري الموضوع
انا غيرته بس والله حزت بنفسي .
ونا افكر اني ابيع البلاك بيري حقي لي انه بجد معد ابيه
خلاص نتواصل بالمكالمات احسن عشان تشتاق لي واشتاق لها اكثر

انا احسن انه هالبلاك راح يسبب مشاكل
اكلمها في البلاك ما ترد الى بعد مدري كم دقيقه
تكلمني انا نفس الشي ,,
فــ/ وش رايكم انتو لي انه بجد رايكم يهمني كثيييييير
.....
2
من ناحية الهداياء
انا كل مره اجيها اجيب لها شي وشي وربي حلو
الان لي 9 شهور ما ادخل بيتهم الى وهديتها اجيبها لها
هي من يوم ملكنا ما قد اعطتني الى هديه وحده

لاهنتو شاركووووني

اخوي كون زوجتك ماتعطيك صورتها
يمكن خوفا انه جوالك يقع في يد احد من اصحابك او اقاربك او ينسرق لا سمح الله للاسباب هذه ممكن خافت لكن مش انها مو واثقه فيك هذذا اعتقادي والله اعلم لاتخلي الشيطان يحرش بينكم ترررراه فنان في ذي الامور

الشي الثاني بالنسبه للهدايا ممكن لان البنت في بيت اهلها وتحت رعايه والديها مايكون عندها فلوس تجيب لك هديه معتبره
لكن حلو انه الزوجه تجيب هديه لزوجها حتى لو كان شي بسيط شي يعبر عن حبها لك لانه الهديه مش بقيمتها لكن بقميتها المعنويه وطريقه تقديمها .... انت حاول تلمح لها بطريقه ما تفهم انه تتمنى تهديك اي شي حتى لو ماكان الشي غالي حتى لو كان شي بسيط بعمل يدها مثلا لها بتكون لها قيمه معنويه اكثر من قيمتها الماديه

يعطيك العافيه اخوي بس كلام جميل
بس هي ما بينت لي لو قالت والله يمكن اقتنع بس تقول ما ادري !!

انا البلاك بيري ما جا معي من ناحية التواصل معاها بالمره
ابيعه ولا ولا بصراحه مافيه الى المشاكل وتطنيش
اتكلم معها ما ترد الى بعد وقت طويل عكسي انا بالتمام
.....
وهذي مشكلثانيه نسيت اذكرها بالموضوع
........
انا قبل اسبوع رحت عندهم وقالت وريني الصور الي عندك على اساس انها يمكن تعجبها صوره وترسلها
انا فاهم انها بتشوف فيه صور مو حلوه ههههه عشان تحذفها
المهم وريتها الصور ..
بعدين قلت لها طيب وريني الصور الي عندك قالت لا لا فيها صور اختي !!!
قلت لها انا وريتك الصور الي عندي قالت فيه صور اختي
انا وربي حزززت بنفسي من جد وسكت قلت لها طيب ما عليه
وربي الين اليوم ونا من جد زعلان بس ما حبيت ابين لها
هل اسكت عن الموضوع ذا ولا ويش

وعليكم السلام ... وأسعد الله حياتك
يا عزيزي هناك مسألة نفسية لذا كثير من الناس وهي انهم يشعرون ان صورهم الفوتوغرافية ليست جميلة كما أن البعض يشعر أن صوتهم في التسجيل ليس جميل بينما هما نفس الشيء
ثانيا إذا كانت تقبل أن تأتي وتتقبلا مع بعضكم في البيت فهذا يعزز النظرية الأولى فهي تسمح لك بالنظر إليها طبيعيا فتعوذ من الشيطان ......
ثالثا : أنا ولو كنت مكانك لا أسمح بوضع صور لي خطيبتي في جوالي أو غيره كما قال الأخ حنون بطبعي .......
رابعا : نصيحة لكم إن كانت فترة الخطوبة طويلة ان تتواصلا بشك منتظم ربما مرة في الأسبوع تتحدثوا هاتفيا لمدة ساعتين أو ثلاثة ..... وإن كان هنالك كلام أو شعور بالحب في غضون هذه الفترة الأسبوع أن يكون مكتوب في رسائل لما لها من وقع جميل على القلب أن يشعر الطرف الأخر أن حبيبه يكتب له والكتابة غالبا ما تكون متأنية ويخرج فيها الشعور بشكل رائع
هذه نصيحتي لك ولا تركز على الأمور التافه وركز على الأمور المهمة التي تكون في الشخصية والطبائع وكيفية الاستجابة للظروف
تقبل تحياتي واسأل الله أن يوفقكم ويبارك لكم

أخي الكريم // أسعد الله قلبيكما وجمعا بالخير والسعادة دوما..
::

اطمن يا خوي ما هي بمشاكل ،, بالنسبة إنها ترسل صورتها لك عالتلفون ,، هذا

تصرف طبيعي منها ,، لأنه بعض البنات ما يوثقون يرسلون صورهم بالتلفون حتى

ولو كان لأزواجهن ..

بالنسبة للموقف الثاني اللي ذكرته ,، بعد عذرها هالمرة جدا مقبول ,، بفوني أصور أخواتي

ومع ربيعاتي ,، وما أرضى لأحد يشوف الصور قبل ما أنقلهن من الفون ..!!

إذاا بخاطرك صورة لها .. وإنت زايرها فبيتهم .. لما تجلس معاك صورها بصورة

مفاجئة .. هي ما راح تكون لها الفرصة إنها ترفـــــــــــض .. وخصوصا الصور العفوية

أحلى وأجمل ..

لموضوع الهدايا يا خوي زوجتك ما زالت فبيت أهلها .. يمكن مالها القدرة إنها تطلع

أو تشتري .. دامها هي ساكنة بقلبك دور لها مية عذر وعذر ..

:::

وفقكما المــــــــــــــــــــــــولى

__________________

صعب جداا البنت ترسل صورها عبر الجوال
يمكن تكون مشغل خدمة النت و تتسرب صورها من غير قصد
يمكن لا سمح الله ما تكملوا المشوار , و تظل صورها عندك ما تمسحها , و يمكن يطلع عليها
بددون قصد أحد أخوانك أو صحابك
يعني فيه أسباب كثير ,,,
ما أحس انه سبب للزعل أذا كان تواصلكما ,جيد

__________________

بالنسبه لطلب الصوره انا اليومين هذي ح ابيع البلاك بيري
لي انه بصراحه البلاك يسبب مشاكل ونا والله احاول اتفادا كل مشكله تصير
...
فعلا اخوي فترة الملكه جدا طويله الى سنتين تقريبا
ونا فكرة اني ما اتواصل معها كل يوم تلفون
ونا بصراحه ادلعها كل يوم وكلام حب وغزل الخ...
ونا بكلمها اليوم او غدا ان شالله وبقولها انه التواصل راح يكون كل خميس فقط
والزيارات كل شهر مره يكفي بما انه فترة الخطوبه مطوله
وكلام الحب بوقف عنه هه
لو سالت وش فيك تغيرت ما تقول كلام حب وا وا بقولها نبقي لبعد الزواج هع كلا تمام تقريبا

لموقف الاول عادي ما اختلفنا

الموقف الثاني انا طلبت منها بان اشوف الصور الي عندها مثل ما شافت الصور الي عندي
قالت لا فيه صور اخواتي ..
انا والله ندمت اني اعطيتها تشوف الصور ولا كان قلت لها فيه صور خاصه
انا واثق فيها ان شالله بس حزت بنفسي يوم قالت لا فيه صور خواتي
المفروض تقول ابشر انقل صور اخواتي وشوفهم
بس الرد كان بكلمت لا انا هنا ندمت اني وريتها الصور الي عندي

لاتنسى أخي أبو زياد ان تشعرها بحبك لها عن طريق الرسائل المكتوبة ولتكن من صميم قلبك وان كانت غير متناسقة فستحبها جدا جدا لأنك كتبتها لها بيديك ولتكن المكالمة الهاتفية بكل صراحة وصدق وتكون مليئة بأحداث الاسبوع الماضي وأعطيها كلام حلو (لاتشعرها بالتصحر العاطفي لا تزيد فوق الازم ولا تنقص كثيرا)

هناك مسألة مهمه عليك ان تتفق أنت وهيا على انتظام المكالمات وليس من طرف واحد اشعرها أنها شريكة
تقبل تحياتي وبالتوفيق

شوف عزيزي انت لاتاخذ الموضوع بنديه يعني انتي شفتي جوالي انا بشوف جوالك
انتي شفتي صوري انا بشوف صورك صدقني كذا بتتعب
انت اذا عندك شي حلو شاركها ياها بس لاتخلي في بالك انه اذا انا بوريها صور هي لازم توريني لانه كذا انت اللي بتتعب زي مساله الهدايا مثلا انا بهديها عشان هي لازم تهديني كمان
لا انت ابدا لاتفكر بدا الطريقه لانه راح تتعب نفسك وتزعل وهي مافكرت انت كيف تفكر
انت اذا بتسوي شي خلي هدفك انك تبغا تفرحه تبا تبسطها تبا تشاركها اخبارك الحلوة اخبارك المضحكه عشان ترسم الابتسامه وتدخل السرور لقلبها وصدقني هي مع الايام راح تفعل مثلك وتشاركك امورها الشخصيه
يعني اعطيك مثال انت مثلا فصلت ثووووووب رجالي مميز خذ رايها فيه وشوف وش تقولك
صدقني هيا بعد فتره راح تشاركك امورها وتاخذ رايك فلاتستعجل ترى حلو لمن الامور تجي من طيب الشخص مو بالاجبااااااااااار

غير كذا كلام الحب لاتقطعه مباشره قلله تدريجيا حتى تشتاق لك وترجع مررره ثانيه وانت مشتاق
يعني المساله كرررر وفررر في مشاعرك وعواطفك معها