السلام عليكم ورحمة الله وبركاته

كيفكم ياغالين
لكم وحشة فديت قلوبكم
بالنسبه للاخوات لي ماشافوا اخباري كتب بقسم اخبار الاعضاء
ياجماعه اضيع لا طلعت من ذا القسم
ههه تعودنا على مشاكل الازواج الله يصلحهم

كنت راح اكتب بعدين بس دام بناتي نامين الله يحفظم بنتظر لين صلاه الفجر واعطيكم المختصر

طبعا انتم عارفين قصتي كامله
خلال فتره جلوس البنات في الحضانه كان ابوهم يجي من فترة للثانية يطل عليهم ويرجع
يعني اول ماولدت جلس معي ثلاث اسابيع عند اهلي
وبعدها صار يجي وكنت ايه وكند لا
جوري بنتي لقطت انفكشن بالحضانه واضظر ابوها يلغي سفره يومين الي كان حجمها اصغر من اختها

المهم اتفقنا انا وزوجي نفتح صفحة جيدة وننسى الماضي عشان هالبنات وسامحته على كل شىئ
عشان لايقول حملت ووصلت لمرادها وبعدين سحبت ماني من هالنوع وحاشى وكلا
رغم انه مهددني وانا حامل بالطلاق وهو لي جابلي الطلق بسبب غثاه وكلامه
ومع هذا من شفت عيونات بناتي نسيت كل شى وتركته لله

رجعت بيتي بعد ماراتاحوا بناتي من الحضانه وقطار الحياه ماشي
قمت ثاني يوم دقيت على عمتي الي هي امه وانا دوم لا جيت من عند اهلي ادق عليها
قالت جيتوا قلت اي نعم متى تمرينا
جا هو فاجائني قاال انا ماعلمت احد ان احنا رجعنا ّّ!!!
قلت ليش ؟
قال كذا بس
المهم من عرفت امه انه رجع اكيد زوجته راح تعرف ومن ثاني يوم طبق علي نظام يوم هنا ويوم هناك
انا تضايقت وحتى امي تضايقت
قلت يابن الحلال انا صارلي سنه غايبه ياخي اجلس معنا شوي مافيها شى
قال خلاص لي براسي بسويه
سكرت الموضوع
رحنا المسشتفى طعمنا البنات وجلست اسال الدكتور عن بعض التحاليل وادقق بالامور لانه مافي شى يهمني غير بناتي
قال قدام الدكتور هذه مجنونه مشيت له
جوري لمن تصيح ينزعج من بكائها وقام ينام بالصالة رغم ان بيته الثاني درزن عيال ولاكان ينزعج
بناتي مايشيلهم ولا يفرح فيهم لانه كان منتظر اجيب له اولاد عنده بنات كثير
المهم مشيت وسكت اطالع بعيون بناتي وانسى غثاه

بصراحه سالفة انه يكذب بجيته لجدة ولا يبي زوجته تعرف اثارت فضلولي
وقمت اخذت جواله ودخلت على محادثته هو وزوجته
ادري انه غلط وتجسس بس كان ودي اعرف هالادمي وش وراه

المهم قريت بلاوي سودة حب وغرام بينهم شى فوق الخيال
رغم انه كان يقولي مجلسها بس عشان بناته كذااااب
منسجملين لابعد الحدود
وهالشى ماهني يعني ذاك الزود
لي قهرني قالت له ليش مو جاي الليله قصدها يوم كان عندي بالرياض
قالها جوري جتها انفكش والدكتور قالي اجلس احس ماترجع مرة ثانيه
قالت له خلي امهم تدبر حالها وهي تعطيك الاخبار وانت تعال الليله

قالت له وشفيك ناسي عيالك الثانين نسيت اني جايله لك ست عيال ولاهي مع التوم وقاعد تصور فيهم
كان نفسي يرد عليها يقولها كلهم عيالي
يعرف بس انا يوبخني لا نطقت بكلمه حرق قلبي بصراحه وكان يحكلي لها عن كل كبيرة وصغيره عن بناتي
وانا علمته لا يقول لاحد وضع بناتي لان هالشى لا يعنيها
ماكان ودي اجيب طاريها بالمنتدى لاني كنت اقول هي بحالها وانا بحالي ولا كنت اللقي بال لموضوع الضره
اقول نصيب وانتهى هي الله يحفظ لها عيالها وانا بعد

بعد كانوا يتكلمنون عن الجنس بالجوال وتذكرون مرة يوم لاطفته بالكلام قلب الدنيا فوق راسي وكتب موضوع بهاشى
وحارمني انا من حقوقي
انا ودي بس اعرف ليش تزوجني دامه منسجم مع زوجته وبينهم كل هالحب
ليش لمن كان يقولها مافي زيك من الحريم النصاب
ليش تزوج عليها ولا شكلهم متفقين ينصبون على الناس
جتني البيت تبارك لي لاني جاملتها باخر مولود لها قبل ثلاث سنوات وقلت له لا تجيني ماودي باالاحراج
ومع هذا جابها واستقبلتها زين وكل شى
وكلمت بنته الكبيره ع قد عقلها
قلت يامي احنا بنموت وانتم الاخوان مالكم الا بعض احرصي ان تكون العلاقة طيبه مع كل اخوانك
ادري اني ضرتها وانها ضرتي ومستحيل نحب بعض بس ليش تغير الرجال على عياله
انا اول كنت احسب له علاقات برا اثاريها هي لي لاعبه بحسبته

المهم يوم شفت المحادثه سويت برنت وارسلتها له
قلت ماهمني خرابيطم الثانيه بس تحضرك ع عيالك وحسدتني ع توم وهي معها ست الله يكفيني شرها بما شاء
ارسلت له رساله قلت فكر بحياتنا وبناتك محتاجين لك
قال وشرايك تروحي عند اهلك تجلسن ونفك البيت اذا صار عمر البنات ثلاث سنوات ارجعي انا ذبحني الاجار!!!
يوم قال هالكلام هنا فصلت انا
اشتبكت الامور قام يهدد مره ثانية بالطلاق
قال بكرة رايح المحكمه قلت اذا بتروح انا بروح معك عشان انشر غسيلك عند القاضي وهالمرة وقفت بوجهه لانه كرهني بحياتي مابيه يلعب لي ع اعصابي وانا بناتي يحتاجوني
ثاني يوم قال بخليك معلقه بس عشان البنات ولي بيني وبينك البنات بس
والحين ينام بغرفه وانا بغرفه
بصراحه افكر هالمرة بجد باالانفصال الرجل مايحبني ولا يطيقني وحتى بناتي مالهم قبول عنده يعني بايش راح يفيدني ع الاقل ابعد عنه عشان لا يكدر علي واعيش فرحتي مع بناتي بسلام
واحيانا افكر ان بناتي يحتاجون اب وضعت فعلا
حياتي معه بئيسه وخاصا من عرفت ان زوجته سبب هالمشاكل اذا تذكرون يوم اقولكم نفسي اعرف وش عنده بايش يفكر وبصراحه حسيت انه يحسب لها اللف حساب بس لي محيرني ليش تزوج عليها
يوم كان في بيت اهلي تقول امي والله يابني رجنا جواله يوم شحنوا سراير البنات كان هو وخالي يركبونها
تقول الواتس شغال تانقوا الاتصال قالت ياولدي رد ترى جوالك ازعجنا
قالها ماراح ارد تمتحنه وهو مسافر عندي
انا ودي اترك لها الجمل بما حمل والله تاخذه وتشبع فيه انا مليت منه وقرفت مامعه لا راحه ولاسعاده ولاحب
ولاهعو قادر يعدل وكل ماجيت ماعنده فلوس مادري وين تروح بدل ساكن \
وين يروح راتبه لي الكل يقول فوق العشرين اللف وهو يقول عشره
احترت في هالادمي ماعرفت له يعني مو غموض قرف
ابي حل الله يسعدكم وبصراحه اذا بيعلقني وكلن ينام بغرفه وبينا طلاق روحي ويقهرني اكثر احسن كلن بطريقه وربي اغناني من واسع فضله
على فكرة يقولي مو كنتي تقولين لي اعطيني فرصه الحمل برمضان العام
كنه يقولي اخذتي فرصتك الخلا
ودي هالمرةه يايعرف قدري يا فمان الله خخخلاص طابت النفس

__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...

اختي انتي تزوجتيه وانتي على علم ويقين انه لديه زوجه اولى
مايتكلم معها عنه بالواتس اب حق مشروع لهما فهما ازواج ولم يخونك معها
لتعلمي انها الاولى في حياته وفي قلبه
ان كان لك ابنتين منه فله منها ست بنات
اختي انتي تبحثين عن سبب تغيير زوجك تبحثين عن سبب بعده عنك
تبحثين خلف زوجته
ولكن هل بحثتي كيف تجذبينه اليك ؟؟
ياختي دعيه يعيش مع زوجته كيفما يريدون
وانتي عيشي معاه كيفما تريدين حينما ياتي اليك استقبليه وعيشي معاه كل لحظه
احبيه وحببيه في نفسك وبناتك
اختي لاداعي لتذكريه ببناتك وبناتك وعشان بناتك خطا خطا
ارسلي له مثلا رساله وقولي له ابنتنا فلانه ذكرتني فيك فعلت هكذا اليوم كما كنت تفعل انت
ابنتي فلانه يدها تشبه يدك
ابنتي فلانه حينما سمعت صوت رجل في التلفاز صمتت وتلتفت وكانها تبحث عنك
اختي هنا الرجال يضعفون
ولكن تبحثين خلفه وتنبشين في حياته مع زوجته ليس من حقك ولاتملكين حق بعتابه
زوجك من خلال حديثك عنه واضح انه يهتم لامور الحب والحياه الحلوه التي تملائها الاهتمامات
هل عملتي ليالي رومانسيه وووشموع وورود وهديه له مفاجئه له
هل سبق وحجزتي بفندق وعملتي مفاجئة له
هل سالتيه في رايك الرجل ماذا يحب يرى على زوجته وماهي الالوان التي تحبها
وتحاولين تسحبينه بالمواضيع حتى تدخلوا بالامور الدقيقه وتجعليه يهتم بك ايضا
عندما يغادر منك ارسلي له رسالة شووق ومعبره عن حبك له وانتظارك للقياه
حينما يغيب ارسلي انه عملت لك مفاجئه
اليوم اشتريت شي تحبه اليوم عملت شي تريده
التغييير ثم التغيير
الرجل يكره الحياه الروتينيه ويحب التجديد والتغيير
لو تغيرين مكان كنبه عن مكانها لو تسحبين الطاولات بمكان غيير
اختي ابحثي عن سعادتكم وسعادتك وانسي امر شريكتك لانك انتي من شاركها في حبيبها وزوجها
اتمنى ماتفهمين كلامي انه اقسى عليك
ولكن اريد نصحك

اول شى انا كنت مترددة لفتح هالموضوع وخاصا اني لن اقبل اني اخسر اي عضو بالمنتدى كائن كان
الشى الثاني انا مايهمني زوجه اولى ولا عاشرة انا مع الحق وكم موضوع فتح للتعدد وكنت ادافع عن الاولى اذا كانت ع حق
ثالث شى اختاااه شكلك ماتعرفين مواضيعي مع زوجي لذلك حكمتي من خلال الموضوع الحالي
وافضل لي يردون علي الناس لي يعرفوني حق المعرف عشان لا يتشربك الموضوع واقوم بغلقه
مابي مشاكل ولا ابي اخسر احد
ملكله الاحساس
كل كلامك ع العين والراس بس سالفة انا لي شاركتها بزوجها وحبيبها تراني ما جيت قلعتها بمقلاع من بيته وطيرته
هو لي دورني وكان يدور الزواج من الثانية دواره وتعب عشان يتزوجني وياما نزلت دمعته عشاني
انا ماشاركت احد...........................
ليش تحرضه على بناتي هل انا عمري حرضته؟
هل من الاخلاق انها تحاول تبعده عن بناتي واخرتها جايه تبارك لي
تبي زوجها تاخذه انا اتركه لها بمحض ارادتي لكن ماعمري اذكر اني حرضته ع عياله لانه مو من اخلاقي ولا تربيتي
بالعكس كنت احب عياله واطلب منه يهتم باحد اولاده لانه مريض عشان لا يحس بالنقص
انا اخاف ربي وكنت حريصه ع ان يكون تواصل بين الاخوه وحاولت افتج هالباب بس انا شرهتي مو عليه عليه هو لي ماعرف اشلون يرد عليها وتقوله خلها تدبر حالها يعني هي زوجها عندها ويوصلها لاي مكان وانا ادبر حالي مع بناتي اهم شى
وزوجي جلف كان بيتزوج عليها مهما سوت وماصار بينهم هالكلام الا بعد ماتزوجني وبعظمه لسانه قالي تغيرت للافضل
انا والله محور حديثي مو ضرتي هي ممكن تقوله اي شى تبغاه هي حره
لكن قضيتي هو ليش مايقولي كلام حلو ولا يعطيني حقوقي
وبعدين يا مكله تقولي ماعرف للرمنسيه وش قصد الرومنسيه عندك بالله ؟
ابي استفيد من خبرة رومنسيتك
اذا شموع بيتي كلها ذابت قبل لا اشعلها وهو لا يهتم
اذا ع حجز فندق اخذته تركيا ع حسابي وبافخم فندق 7 نجوم
هذا ماتمر فيه شى
لبست لبست له اغلى وافم لس مهتمه بنفسي اولا لنفسي قبله
شايله مصاريفي عنه
مخففه عنه عبئئ الحياه وهذه اكبر غلطتي

المرجو رجائي الخاص لا تصير حساسيه وكل زوجه اولى تدخل وتسمعني كلام ماله داعي انا والله مابي اخسركم ابد
انتم تاج راسي وانا تعلم منكم واسمع نصايحكم بس بهدوء وبدون تحامل

__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...

مرحبا لموسة منور القسم

لمسة هدي عمرك وريحي اعصابك البنات بناته ومحبتهم فطرة مهما نزعها احد او زرع كرههم في قلبه فمستحيل انه يصل إلى ذلك هناك عاطفة الابوة فلا عليك

وأما هي فكل سيء وظلم منها للبنات يعود لها وتدور الدائرة عليها
فلا تقلقي


من الآن باب الاولى امسحيه من حياتك حاولي بالكلمة والفعل ترجعي علاقتك بزوجك والله يريح قلبك

بوفارديا منور بيك القسم\
رغم فيه مشاكل بس ماتعودت الا اكتب فيه واقابل احبابي فيه
انا ماقلت يكره بناته بس مايشليهم ويفرح فيها رغم انهم مشاء الله ولاقوة الا بالله يدخلون القلب بسرعه الله يحفظهم
بالنسبه لكلام الحب الي يقول مع زوجته من حقه ولا لي الحق ادخل
بس مايمنع انه انا بعد يقولي وترى له تاثثير على نفسيتي برضه مع تربيه بناتي
القلب بيد مقلب القلوب ومو مشكله عندي لو يحب زوجته اكثر
بس عالاقل تتعامل معي زين ويفكني من شره بسالفه الطلاق وبغى يفك البيت عشانها ترى ويصير هو لي يسافر لي
خوش والله انا ابي اعلمه الحين اذا ماعرف اشلون يصرف علي يصرف ع بناته
اذا مو عاجبه يطلق بكيفه وحتى لو طلق راح اطالبه بنفقه بناته
لانه مايشحذ عشا اراف بحاله فلوسه مدري وين تروح لا جيت يقول مو عندي ابتسلف من فلان ديون مدري متى تنتهي من يوم تزوجته وهو بديون ولا ادري ايش هي الديون زوجته بعظمة لسانها قالت راته فوق العشرين وكل اهله يقلون
ومن اقوله يقول بس قدام الناس اقول عشرين بس في الحقيقه عشره
وهو مستشار في شركه,,,,
يوم تزوجته قال ابوه ترك ديون وهو يدفع وخلال سنتين راح يتعدل الوضع الان صار لنا سبع سنوات ولا تعدل شى
اهله يقلون يكذب لا ترك ابوه ديون ولا شي
مرة يقولي شاركت فلان بمشروع وفشل وكل مره وايش طلب مني اشتري شقه هنا ويعطيني اجار اللفين بالشهر
كنت بسويها الحين هونت لانه لو طلقني ماراح يعطيني ريال وبكذا فلوس الشفه ماراح استفيد منها
يتكفل باجار البيت ومصاريف بناته انا لا يصرف علي اذا مو عاجبه يتبع اي طريق يختارها
ومن ضمن الاشياء الي قريتها بمحادثته مع زوجته هل ناقص عليكم شى..؟؟
بالله عمره سالني قال ناقصك شى وانا طول فتره حملي عند اهلي
لو كان يعدل معي ماكان اهتميت بكلامه مع زوجته بس حرام هي يعطيها وانا يحرمني ولو من كلمه طيبه
حرمني من كل شيء ولا ودي بناتي يحسون بادنى تقصير لا مني ولامنه
انا عطيتهم عمري فدوى روحهم اهم شى ينبسطون واشوف ضحكتهم لي تملى علي حياتي
الحين يدخل علي ويخرج وينام بالصالة ابي افهم هاجرني ولا معلقني ولا مطلقني نبي نفض هالسالفة لي سمجت من سنين
انا كنت عندي اهلي مرتاحه وانا وبناتي مدللين يبي يكدر علي اروح لاهي ويجلس معها
وقسم بمن احل القسم لو تركني راح يدور غيري بعدين تراه مايجلس مع حرمه وحدة يحب لي يتنافسون عليه تقول توم كروز وهو صار يجيب لي الهم حتى بنظراته والله اشوفه شين الحين ماعاد يجذبني زي اول كرهته
انا راح اعطيه اخر فرصة وبروح اصوم عند اهلي لانه كل رمضان اجلس زي اليتيمه ابروح لامي واختي وجدتي العجيز الله يطول بعمرها ونستانس مع بنوتاتي وخله يفكر ويقرر بكيفه
يعدل ويصير زيه زي الناس ولا يخليني اعيش مع بناتي بسلام ماعاد ابي يتكدر حالي عشانه مايستاهل
وانا حامل يهددني كنت احس ببطني راح تنفجر
صدقوني ماراح يتعدل الا اذا طلق هالمره بجد وقتها اذا حل عليه الندم يخبط راسه بجدار اول كنت بطلع من السالفة لوحدي الحين ربي رزقني باحلى وردات الله يحفظهم هما بناتي وخواتي وصديقاتي وكل شىء
الشى الثاني مثلا يبي يطبق نظام انا مايعجني
مثلا طاح منديل حق البنات فوق رجله الله يكرمكم يقوم ويمسح فيه للبنت انا ماحب القرف وبناتي متعودين ع النظافه وحساسين
العشوائيه ماحبها ودوم سياره وسخه وفيها زبايل الله يكرمك حقت الورعان
من اركب انا وبناتي اطفش قلت ياخي نظف سيارتك ترى مرض اركب بناتي معك
يحط ملابسه فوق ملابس البنات وانا اكره هالشى وامي نبهته قالت احترموا ملابس البنات
او مثلا حط رجله ع مخدتهم واطفش واخاصمه
وهو يحقد عشان اقوله هالشي متعود هناك على الفوضى
طلعنا نتعشى ياكل كبسه بيده من قلت له كل بالملعقه كرهني وانا اكل معه بصحن واحد
مابي بناتي يتعلمون هالحركات

__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...

هلا لمسه مبروك ماجاك ربي يخليهم لك ويحفظهم والحمدلله ع سلامتك
شوفي من حقك تزعلي وتنقهري
مو معناته زوجة ثانيه خلاص مالك حق بزوجك
لك زي مالها
والكل هنا يدري بطيبتك واخلاقك الحلوه
بس بنصحك
لاتنتقدي زوجك وتتذمري وتشتكي على كل شي
ادري انو مقصر وانو وانو وانو الى اخره
بس انتي بالاول اكسبيه بعدين تدللي عليه
اتركي الرومنسيات والشموع والبس
زوجك يبغى منك القبول والاعجاب
وعدم الانتقاد
كثرة انتقاداتك وتذمرك نفرته منك
جربي انك تكوني هاديه غنوجه مطيعه
واتركيه لاتلتصقي فيه ولا تعاتبيه
جربي كيد الحريم معاه
تصرفاتك بطيبه وبدون تخطيط وبعشوائيه وشفافيه نفرته منك
ممكن زوجته الاولى عرفت مفتاحه واشتغلت عليه
زوجك يبغاك ولا شو يحده ع فتح بيت ثاني
بس زي ماقلت لك فيه اشياء انت تعمليها ونفرته منك
بسألك هو من اي الانماط...؟؟؟

__________________
(سيدة الموقف)
لم ننساك ونسأل الله ان تكوني أنتي وأولادك بخير

طعن قلبي سلامت قلبك يالغلا
عساه بعدوينك ولي مايحبونك

شوفي قلبي انا تبين الجد تعبت ولا ابي اجذبه لي خلاص ياقلبي زي ماتقولي وصلت لمرحله معه ماعاد يهمني شي
بعد الولاده كنت معه قمه بالذوق واذا صحيت صباح الخير يابو جوري وفديتك ومن هالكلام واتفقنا نفتح صفحة بيضاء
وتوسلت له لا يحرق اعصابي عشان لا اثر ع بناتي ويسنى الطلاق ويطلقه للابد
مافي فايده اول ماجيت معه جده طبق النظام وانا غايبه سنه يختي يجلس شوي مع بناته الجدد يعطينا وقت يخلينني اتعود ع نمط البيت من جديد الصراحه ماقدرني وعمره ماقدرني ولا حسب لي حساب
صدقيني لا انتقادي له ولا طيبتي ولا اي شى صار ينفع معه
قلبه مو لي وهو اصلا كشخصيه انا وهو متباعدين تماما مافي انسجام
اوقات كنا نسافر سوا وننبسط وانا من النوع المزوح احب الضحك واحب سعه الصدر في حدود
الحين السفر معه ممل وكل شى اصبح ممل
عمره ماطلبني لفراش الزوجيه كاي زوج يحسس زوجته بالامان والرغبه فيها كني رجال معه
والان ماصرت اتهم بنفسي ولا اتمكيج لانه ماعاد صار يهمني لاهيه مع البنات ان شاء الله بس احصل لي وقت انام
لو هو يستاهل الغنج كان سويت له بس كل تجاربي معه باءت بالفشل والحين كلي احباط
صرت احس اي شى معه بدون جدوى
زوجه الاولى طبعا هي من نفس قبيلته وتركيبتهم وحدة يمكن هي تعرفه وتفهمه احسن مني وانا ادري انها مضغوطه ومتحمله شى فوق طاقتها لكنها صابرة على امل ترجعه لها للابد
لو اطبق صبر زوجته يطق براسي عرق لاني مدري هي وش اهدافها ولاي مدى هي تحبه او ربما لظروف خارجه عن ارادتها صابره كان الله بعون الجميع
قلبي انا مابي احط نفسي بتنافس واحاول اكسب واسوي واعمل لا لا تعبت
وفوق هذا مايستاهل لو تعامله معي زين كان فرشت ارضه ورد
انا احبطت يا قلبي من كل شى اتجاهه
نفسي بيوم يلمس يدي او يمسكني مع يدي ويقولي تعالي نروح مكان او احتاج لك
هو مو محتاجني هو محتاج انه يكون زوج معدد ظالم يعيش يوم هنا ويوم هناك كنوع من التغير
اطلق ماعندي الان بناتي مابي اتكدر عشان لا يذوقون الحرمان لي ذقته وانا صغيره
ابي شخياتهم قويه ولا يحتاجون لشي اسمه رجل يكون شى ثاوي بحياتهم
اكتب لكم وبنتي عندي اطالع فيها والله تنسيني حرقه الحرمان وكني مانحرمت بحياتي قط
الحمدلله ع النعمه ربي من علي بكرمه رغم تقصيري وش ابي بواحد بيدوخني حتى عن القبله
جهدي الجسدي والمعنوي كله ببناتي المفروض يدعمني والحمدلله ماعندي شغاله واسوي شغل البيت واهتم ببناتي وتؤم مب سهل تربيتهم لحالي وربي ميسر لي اموري رضاعتهم بالوقت شورهم بالوقت ومتعودين ع نظام انا احبه
احتاج دعم ماحتاح اضيع مجهودي في شى اخر وليته كان يستاهل

انا بصراحه فرقت من تهديده يايطلقني ويرتاح ويرجع لزوجته لي يقولها انتي حرمه نادره الوجود
وانا كان يقولي مو مثقفة وعقلها صغير يوم كانت ترجه بالاتصالات وهو عندي
من ضمن الاشياء لي اوعجتني بالمحادثه هي عيب وسامحوني بقولها بس عشان اعلمكم انه ظالم
قالها انا جايك مخزن يبي يبين لها انه ممالمسني عشان تنبسط

__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...

صباحك رائع كروعة عطايا الرحمن
صبرتي سنوات عليه و ربي كافئك بأحلى بنات رب يبارك فيهم و يحفظهم و يرزقك اخوانهم و أخواتهم
وأدري انك ستصبري لأن معزته في قلبك صارت من معزة بناتك

البنات كل ما كبروا و تطور نموهم سيسلبون لبه و بيتعلق فيهم أكثر و أكثر لا تحكمي عليه في هذه الفترة
وبعدين ركزي على هدوءك وراحة بالك
مافي شخص بيتغير في لحظات
ركزي على نفسك حبيبتي
داري مشاعرك عشان تعيشين بسلام
هدوءك مع الوقت بيجذبه لك وللبيت
اشتغلي على نفسك لتحقيق السكينة و الهدوء
و ركزي على بناتك بدون أن تدققي و تنتقدي أسلوبه سواء من ناحية النظافة أو غيره
غيري ما يفعله ولا يعجبك بطريقة لبقة وبدون توجيه الانتقاد
وضع ثيابه على ثياب البنات ببساطة افصلي الثياب بعيد عن ثيابه
أكل بيده ما فيها شي بالعكس سنة عن الرسول عليه الصلاة و السلام
سيارته غير نظيفة ووووو لا تدققي يا كثر ما نشوف مع الزوج بس مع التغافل راحة للبال و حياة مستقرة للأبناء

و وين انت من الدعاء يا غالية
وينك من اللجوء لحبيبنا الله
الله الذي لا يغلق بابه دوننا
ينتظر المنكسرين المضطرين
يرحمنا أكثر من أمهاتنا
آه أتذكرك كيف لما ضاقت بك الأرض قبل سنة
كيف ربي الرحمن الرؤوف بعباده رحم ضيقتك و أهداك أحلى هدية
و طيب خاطرك بأحلى العطايا
وين انتي عن ذكر الله و الاستغفار
وين انتي عن القرآن راحة لكل عليل و أنس لكل وحيد

خلي جنتك و فرحتك بالدنيا بين بناتك و في علاقتك بربك

و هو طالبيه بالصرف على البنات و البيت بس بهدوء وبدون نرفزة حتى لو ردة فعله متعبة لك امتصي غضبك وحاولي بعد فترة تطلبي بأسلوب غير عن الاسلوب السابق
المهم اطلبي حتى لو ما لبى و تعذر
أكيد اذا تحسنت ظروفه بيلبي طلباتك

__________________
[img]http://im33.***********/edShu.gif[/img]

__________________
[img]http://im33.***********/edShu.gif[/img]

بديع المعاني اشتقت لك يالحبيبه واشتقت لكلامك ولاسلوبك
اشتقت لكثير من الاخوات
ذكرتوني بايام العزوبيه ههه
فعلا كلامك صحيح ربي ماخلاني وزي هالوقت انا منهاره كلي حطام لحالي بئيسه
الحمدلله له الحمد بلا عدد
انا ماعندي مشكله اعيش ع هالنمط معه انساه والجا لتربيه بناتي بس يفكني من تهديده واتمنى من الله يرزقني صبر اكثر عشان عيون هالبنوتات واتحمل
كلامك جدا يريحني بدديع المعاني االله يريحك دنيا واخره ويرزقك ماتشائين
جوري طلعت زيي تحب الحنان والله ماترتاح الا لمن ابوسها واحضنها سبحان الله وابغى ابوها يهتم فيها اكثر لانها حساسه عليا عنها بالحضانه كانت بغرفه لحالها فصلوها عن اختها يوم جتها انفكشن وصارت عصبيه ماتتحمل تجلس لحالها وتخاف بالليل
هاجرني يابديع المعاني ماحس معه بالامان
بيوم بكوا البنات بيوم بنفس الوقت الحين هما تؤم مو متطابقات بس سبحان الله يشبهون بعض في الحركات لو تبكي وحدة تتبعها الثانيه وكل مازادت وحدة بالبكاء الثانيه تزيد ويعاندون بعض
قلت له نيم جوري وانا انيم هيفا
جوري تحب الهزاز وقت النوم ماتنام الا كذا
وهيفا يبغالك تكوني اله لا طاحت مصاصتها لين تنام
قال ااذا انتي مو قد الخلقه ليش تولدين صدمني عشان بس ساعدني
بدل مايقولي الله يعطيك العافية وماتقصرين
مشاء الله تبارك الله البنات زايد وزنهم عن الحد الطبيعي رغم انه وحدة انولدت بكيلو والثاني كيلو ونص
اهتمامي فيهم ونظافتهم وكل شى معهم بالوقت والملي لين وصلوا لهالمرحله واخرتها يحبطني ليش اولد
جلست معي بطن بعد الولاده كل شوي وش ذا البطن لازم تخسي
قلت يوم كنت نحيفه كنت معيطني وجه عشان اخس الحين؟
كيفي ماراح اخس الا بمزاجي
والله يعين بس ع هالحال
بقوم انام شوي ياقلبي من الفجر صاحية والبنات كل اربع ساعات ارضعهم

لي لقاء معكم
الله لايحرمني منكم يارب والله اني ارتاح لا دخلت هالمنتدى وكلمتكم
رغم انقطاعي الا وكنت اسال عنكم الغاليه سر الحياه لاني كنت اتواصل معها شخصيا
ماسنيتكم ابد ولايمكن انساكم

__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...