السلام عليكم ورحمه الله وبركاته

من يبي يحصل أجر ... تكفون يحصلة فيني

لا تخلوني ...

نشأت نشأة صالحه .. أقرأ القران من عمري تسع بخشوع ودموع .. احاااول مرات عديده حفظه وأحفظ منه

وبعده بسنوات أنساه .. حجيت 3 مرات .. اعتمرت بكثره ..

اللي حصل حملت من ست سنوات وتعبت حيل حال اي مرأة مع الوحم ... فتهاونت بالصلاة ...

فجأه تركتها .. اريد العودة ولكن هيهات ..زوجي حريص عالصلاه ماشالله في المسجد يعني الجو يساعد

صديقاتي محترمات .. ومحافظات عالصلاة

انا لا ادري..

احس بالقهر .. عمري 30 سنه .. كم بعيش ... ياويلي ما اصلي ... اصلي فرض واترك الباقي

ياناس ساعات اقول ( من يرد الله أن يهدية يشرح صدرة للاسلام ..

يعني الشغله مو بيدي .. احسها بيد ربي ..

انا احول والدنيا ما تنومن ... بموت بموت ... ابي اصلي تكفون ادعو لي ادعوا لي

ادعوا لي حرام انا ام وما اصلي حرام كم بقي لي

القهر كل يوم انوي عملي صدقه شلون صدقه وانا ما اصلي

اكرهني

ودي اتكلم بس زوجي بيجي ...

__________________

لاحول ولاقوة الا بالله اولا اختي ادعي الله عز وجل ان يثبت قلبك على الايمان واعلمي بان الله يحبك ولولا حبه لك ما كنت بهذه الحال والضيق من تركك للصلاة حاولي اولا اجبار نفسك على الصلاه حتى لو كان الفرض لوحده وادعي الله ان يعينك عليها وجربي الصلاة جماعه لو مره في الاسبوع في المسجد لتدركي حلاوتها اعانك الله

__________________
لو اطلعتم على مافي الغيب لاخترتم الواقع

قومي الان توضأي وصلي وادعي الله الثبات ولا تتبعي خطوات الشيطان فانت اقوي بالاستعانه بالله
قال تعالي
"ان كيد الشيطان كان ضعيفا"

__________________
اللهم اجعل عملي كله صالحا واجعله لوجهك خالصا واجعله عندك متقبلا

بقول لك شغله انتي لو ماعندك ضمير والله ثم والله مادخلتي وكتبتي وأنبتي نفسك هالصوت اللي بداخلك معناه انتي افضل من غيرك حراااااام تطاوعين الشيطان وانتي عندك ضمير حي وقاعد يانبك معناته ان فيك بذره خير

لاتنسين هذه الدعوه أبــــــــــــــــدآ( اللهم أعينني على ذكرك وشكرك وحسن عبادتــــــــــــك )
أقسم بالله راح يتغير وضعك تمامآلو كررتيها دايم بعد كل صلاه وعند كل ماتشعرين بضيق راح تحسين بجهاد مع أبليسك بعدها تعوذي من الشيطان وقومي جاهدي نفسك يالغاليه إحنا في زمن جهاد النفس زمان كان جهادهم الحرب فاحمدي الله على نعمه الأمن وتحلي بالإيمان واكثري من الاستغفار

أسأل الله العظيم وهو مقلب القلوب ان يثبتك على دينه ويامصرف القلوب صرف قلبها على طاعتك إنك سميع مجيب
ماأملك لك غير الدعــــــــــــــــــــــــاء

__________________

	إلى كل من وضعت عيناه على توقيعي أدعولي بان الله يغنيني بحلاله عن حرامه فأنا فعلآ أحتاج لهذه الدعوه وان الله لايحرمني من حياه زوجيه سعيده ويشفيني واهلي من كل اذى ,أسأل الله المثل لمن دعى لي و الفردوس الأعلى

لحظة لحظة انتي من جدك ماتصلين؟
واضح انك مسلمة ومقتنعة بالصلاة طيب أيش اللي يمنعك انك ماتصلين؟
وبعدين الحمل مو عذر كل المسلمات يحملون ويصلون وأصلا الصلاة مأتبدأ تتعب الحامل إلا بالشهر الاخير بسبب كبر البطن وفي كثير ناس بدناء ويصلون وماخلوا سمنتهم عذر لترك الصلاة، غير عن كذا إن الواحد وهو تعبان يقدر يصلي جالس ولا حتى منسدح ويصلي على حسب استطاعته.
وبعدين إكيد انتي عارفه إن الصلاة عمود الدين واللي مايصلي ماله داعي يؤدي العبادات الأخرى، يعني ماينفع تصومين وماتصلين.
تعرفين أنا ادرس في جامعة في الولايات المتحدة وإدارة الجامعة مشكورة جهزت غرفة في الجامعة للمسلمين يصلون فيها ووقت صلاة الجمعة يؤدون الصلاة بكل طقوسها أقسم لك بالله يجون مسلمات غير محجبات ويصلون معانا حتى بدون حجاب تدرين ليه؟ لأن كل شيء غير الصلاة يهون لأنها هي الفرق اللي بيننا وبين غير المسلمين ومن تركها فقد كفر.
معليش أعذريني بس ماني مستوعبه إن أحد يبغى يصلي بس مايصلي، طيب وش يمنعك ماتصلي؟ كلها خمس مرات في اليوم.

(( إن الصلاة كانت على المؤمنين كتابا موقوتا ))
علقي هذي الاية بكل حيطان البيت وقومي وضي وصلي وادحري ابليس
ترا هو العدو الحقيقي لج..وهو اللي يخليج متكاسله ومتهاونه..ولاتنسين ترددين لاحول ولاقوة إلا بالله
الله يساعدج ويهديج

اختي 30سنه وماتصلين يامقلب القلوب والابصار ثبت قلبي على دينك كرريها اختي الفاضله انا عكسك اصلي ولله الحمد لكن قلبي يملؤه خوف وحزن والسبب هم هم مثل بشار الاسد ويمكن بشار افضل منهم ياليت ابوي حي واقوله كل اللي صار لي من 3 شهور

__________________
《اللهم استودعتك أطفالي الذي لا تضيع ودائعه》

أختي انا متعجب كثيرا من جملتك هذه؟
والله واضح بأنك لا تفقهين كثيراً بالإسلام ولا تفسير الآيات
خذي هذه الآية ولتكن دليلاً لك بأن الله لن يغير ما بك حتى تغيرين ما بنفسك
الدليل الأول
"لا يغير الله ما بقوم حتى يغيروا ما بأنفسهم"


الدليل الثاني
إنك لا تهدي من أحببت ولكن الله يهدي من يشاء وهو أعلم بالمهتدين
يعني أن الله يهدي من يريد الهداية وليس من يريده الله! فهناك الكثير ظن أن تفسير الآية هكذا ولكنها العكس
هل تأكدتي الآن أن الموضوع بيدك وليس بيد الله؟