توني فتحت ايميلي وشفته حيل كدرني وكسرت خاطري صاحبته


اقرؤها و قدموا لي تعليقكم


====================================

سميها نداء اواستغاثه اوحتى دعاء على اللي ظلمني





قبل سنوات كانوا امهاتنا الكبار دائما ينصحوننا بالاهتمام في الزوج ودايما تكشخي له و لا يشوف منش الا الزين

وكان المسلسلات تنبهنا من سكرتيرات المدير وانها كل الوقت مع الزوج والشيطان شاطر



شنو اللي تغير ؟؟؟

الحين الزوج هو اللي لازم ينتبه وخصوصا اذا زوجته موظفه مع رياييل في الدوام او حتى مراجعين



انا زوجه واعاني ان زوجي دااااااايما بره البيت ديوانية حق ربع الدوام و يوم ديوانية حق ربع امريكا ويوم شاليه يوم

سفره .... ماعنده وقت لي

مايخاف علي ؟؟؟ انا ملي رب ؟

لما يمرني مراجع واخلص له شغل مالي قلب ؟

لما ينساني زوجي ؟ وما يكون بيننا كلام ؟ مالي قلب ؟

الدنيا تغيرت قمنا نشوف حتى الرييل في المجمعات و السينما





مالي رب ؟؟ مالي قلب ؟؟

مكشوت فيني كأني وجبه مطعم وقت اللي يبي يطلبني ؟

يعني وين اروح ؟ منو اشكي له ؟

ترى الوحدة اذا تبي خراب سهل وبصراحه انا ماسكه روحي بس الي متى ؟



وين المودة اللي بين الزوجين ؟ منو اتكلم معاه ؟



رسولنا قالها ( عفو تعف نسائكم ) منو يعفني اذا زوجي حلالي خلاني اخر همه ؟





زوجي : مثل ما ربعك لهم حق عليك انا لي اكبر الحق انا بذمتك وذنبي في رقبتك



انا زوجه وحيدة بمعني الكلمة

لاتظن اني ابيك كل يوم تقوللي انا احبش لا انا ابي اتسولف معايي مثل ما تسولف معا ربعك

نتكلم عن حياتنا وعن مستقبلنا







عفوا تعف نساءكم في المحْرَمِ ****وتجنبـوا مـالا يليق بمسلـم











رجاءي يوصل كلامي لزوجي من دون ما اقولها دايركت

اذا لك اخ او زوج او صديقه لا تخلين صرختي توقف عندش

يمكن ربي يسخر وتوصل لزوجي او يمكن توصل لزوج راكن زوجته

وعباله انها قالب مافي احاسيس وترى مثل ما الريال يشوف ويشتهي احنا الحريم نشوف ونبي

لا تقول اشوا زوجتي مدرسه ترى المحرومة حتى الحارس او ولي الامر او الموجه او حتى واحد تشوفه بالجمعيه

__________________
أنا قدها

للأسف بعض الأزواج ما زالت عقولهم متحجرة ؟؟؟؟؟؟؟؟؟؟

ليتها توصل لزوجها و تأثر فيه

بالفعل صرخة لكثير الكثير من الزوجات ان شاء الله توصل لكل الأزواج

بالفعل ما خرجت الصرخة ورمت الحياء الا بعد ان وصل السيل الزبى الله المستعان

__________________
استغفر الله .. سبحان الله ..الحمد لله .. لا اله الا الله .. الله اكبر

الله يصبرها ويبعدها عن الحرام ويهدي لها زوجها

الله يصبرها ويهدي زوجها
فعلا هناك الكثير من المتزوجات الغير متزوجات بنفس الوقت
سبحان الله صفات الرجال كل مالها والنازل
لاحول ولاقوة الا بالله

__________________
[type=31162]يقول ابن القيم رحمه الله / من احب شيء غير الله عذب به


الكلمة الطيبة صدقه
العمـــــــــــل صدقه
الإبتسامه صدقه[/type]

والله إني حاسه في هالاخت الله يعينا و يرحما من وين تيب احساس للي ماله احساس

تعرفون كيف يبيلنا مظاهرة احتجاج على الازواج والديوانيات الفاضيه الي كل يوم ليه الشيوخ مايسون لهم محاضرات بطريقة التعامل مع الزوجات
اخيتي الحافظ الله ومن ترى في زوجها تقصير تقولها له صراحه تحاول فيه صدقيني الزوج يهرب للديوانيه من الملل ماهو منك بس عدم وجود سوالف شي زي كذا ادخل معه سوالف حتى في الكوره اخر مانزل من السيارات وشتسون بعد

انا اكثر شيء حسيتها كسرت خاطري لما قالت ( انا مالي قلب ؟؟؟)

__________________
أنا قدها

والله صدق هذه مشكله ..بس لماذا لا تصارحينه انك عطنى من وقتك وهذا حقك انه يطلعك ويفسحك واكيد بيفهم هو الامر ..بس اخى خبرها واين دينك وتقواك ؟؟؟؟

__________________
أصالةُ الرأي صانتني عن الخطلِ ** وحليةُ الفضـلِ زانتني لدى العَـــــــــــــــطَلِ
مجدي أخيراً ومجدي أولاً شَـرعٌ ** والشمسُ رَأدَ الضحى كالشمس في لطفـلِ
غالى بنفسي عرفاني بـقيمتـها ** فـصـنـتـها عن رخيـــــص القـــــــــول مبـتـذلِ
ما كنـتُ أوثــر أن يـمتد بي زمني** حــتــى أرى دولــة الأوغـاد والسفـــــــــــــل
أعــــــللُ النــفــس بالآمال أرقبها** ما أضيق العــيــش لولا فُســــــــــحــة الأمل