السلام عليكم ورحمة الله وبركاته

عندي مشكله صعبه بس متاكده عند ربي هينه واحتاج لمشورتكم بعد التوكل على الله

انا متزوجة لي 5 شهور زوجي انسان صامت ودايم يتحلطم ماعرفت كيف ارضيه اقول علمني طيب ايش تحب يسكت لا الاكل عاجبه ولا البيت ولا شكلي ..
المهم انا الغبيه رحت تعرفت ع واحد بالانستقرام بنفس عمره عشان افهم الرجال وافهم وش يحبون ماعندي مبرر لفعلتي الشنيعه الا الغباء طبعا كانت شخصيتي منتحله بس كنت احب اقوله وش يصير لي وينصحني حتى بالجنس كان يعلمني ..

وعرف زوجي وقرا المحادثه كامله بالبدايه قال باطلقك بس ترجيته لما اولد لاني حملت..
وسكت وعشنا حياتنا عادي عدا شهر وحياتنا ماتغيرت

بعد شهر صار يعاملني معامله الخادمه ينثر ملابسه وارتبها ينزل كل المواعين واغسلها يشتري اغراض لنفسه ويخليني طبعا جوالي كان معاه يعطيني عشان اكلم اهلي
والشاحن قطعه فصرت استخدم شاحنه اذا هو موجود

مره شبكت جوالي بالشاحن حقه ونمت وصديقتي ارسلت سناب صورتها وهو فتحها انا لما صحيت هاوشته ليش تفتحها وهاذي اعراض ناس وماترضاها ع اخواتك واعتذر بس بعد فتره صار يسأل عن البنت دايم انا شكيت انه اضافها بالسناب فيوم من الايام نسى جواله وفتحته اتاكد انه مااضافها لقيت بنااات بالهبل فوق 20 وحده واغلبهم من قبل الزواج ومقاطع اباحيه وصور خليعه انا انصدمت بس رجعت الجوال مكانه ولا فتحت الموضوع .

بعدها بفتره جيت جنبه ولقيته يضحك ويراسل بنت قلت له من ذي ؟ قال زميلي قلت زميلك اسمه اميره ! عصب وقال انا رجال وانا اصلا مااحبك ولا اطيقك انقلعي بيت اهلك قلت ماني منقلعه انت حقي وماراح اتنازل عنك لهم وحتى لو طلقت بابقى بالبيت لين تنتهي عدتي واولد ..

مرت اسبوع ع السالفه اخذ اغراضه وصار ينام بالصاله وياكل لوحده اجلس بجوعي مايعبرني لما حجزت لاهلي وخبرته وقلت ابيك تحللني وتسامحني وانا رايحه لاهلي قال اوكي لما وصل المطار اخذ الجوال اللي جابه لي هديه بالملكه وماودعني


ايش اسوي معاه ؟ قسم بالله تبت وهو يدري اني تغيرت وتبت وماابي اتطلق خايفه من الطلاق.. انصحوني ولا تنسوني من دعاكم تكفون..


تم تعديل العنوان ليتناسب مع المضمون

__________________
و أقول لنفسي سيطلع من عتمتي قمرٌ

اسمحي لي أختي العزيزة..بعيدا عن أخطاء زوجك ..ما فعلتيه خيانة كبيرة جدا جدا...لا تقولي عند ربنا هينة...هذا بينك وبين الله هو أعلم بمدى صدق توبتك ..أما نحن البشر فعندنا مشاعر وردود فعل فطرنا الله عليها تجاه الغدر والخيانة..وكثيرا ما تكون لا ارادية...يتولد شعور بالكره لا ارادي....اصدقي التوبة مع الله وأكثري من الاستغفار والدعاء..فحل مشكلتك بيده وحده..وحده سبحانه بيده قلوب العباد يقلبها كيف يشاء..الله يهديك ويثبتك

__________________
《 فلولا أنه كان من المسبحين * للبث في بطنه إلى يوم يبعثون》

كل الرجال صاروا مستشاريين للزوجات عالخاص
ضحك عليهم ابليس
ياأختي اذا تبغي تستشيري احد روحي لعيادة نفسية وافتحي ملف وادفعي كشفيه واستشيري دكتور نفسي متخصص
مو تدخلي استقرام وتستشيري واحد عالخاص !
للأسف للان الخدعه هذه مستمره
والزوجه تحسب ان اصحاب هذه الحسابات متخصصين في الحياة الزوجية
وهوا يتسلى على حكاياتها ويومياتها الجنسية !!

اذا كان غرضك من الاضافة فقط انك تعرفي تفكير زوجك
يعني اضافة شبه بريئة فان شاء الله ينسى
اما اذا فيها خيانه صريحة فالله يعينك
وبكلتا الحالتين ادعي ربك بالفرج
واكثري من الدعاء بان يصلح ربك الحال

اعرف اللي سويته مو هين اعرف اني غلطت غلط بادفع عمري كله ثمن غلطتي .. بس وربي الشيطان والفراغ لعبوا فيني ماسويتها وانا عازبه بس تصرفاته وغبائي
الله يغفر لي ويعفو عني

__________________
و أقول لنفسي سيطلع من عتمتي قمرٌ

لا تنسوني من دعائكم ومشورتكم .. احس بهم كبير قسم بالله اني اتمنى الموت كل يوم ولا احس بهالاحساس ..

__________________
و أقول لنفسي سيطلع من عتمتي قمرٌ

حلفت له اني تبت حلفت له انها زله بس ماكنت حاسه باللي اسوين .. سجلت بالتحفيظ عشان املأ وقت فراغي اعطيته كل حساباتي واساسا هو اخذ الجوال .. بس هو تعبني بعد هو يخون هو كلامه يجرح من قبل مااتعرف ع اي شخص اسلوبه يجرح كنت اقول له ياقلبي اسلوبك يوجعني يقول انا طبعي كذا ...

ادعوا لي تكفون ادعوا لي انا في هم وتعب ووجع حامل والوحم متعبني وهم الطلاق كاسر ظهري وهم الفضيحه امام اهلي..

يالله سترك ولطفك ..
علموني وش اسوي معه ؟

__________________
و أقول لنفسي سيطلع من عتمتي قمرٌ

ماودي أزيد عليكِ،، يكفي اعترافك بالخطأ ومابررتِ لنفسك .
عموما علاقة اهتزت فيها الثقة و دخلها الشك صعبة إصلاحها ، خلي أملك بالله مالك إلا الدعاء والصبر
فقلبه بين إصبعين من أصابع الرحمن .. قادر على تبديل حالكم .

اسأل الله اللطيف الرحيم أن يفرج همج ويصلح مابينج وبين زوجج

مالنا حق نحاسبج على اللي صار
لانج الحمدلله تبتي وندمانه
وكل بني آدم يخطء

بخصوص مشكلتج
فهي للاسف صعبه لانه وصلت لحد انعدام الثقه و الخيانة
انتي يمكن تسامحين زوجج وتنسين خيانته وخرابيطه ويا الحريم
بس هو هل راح ينسى


اختي انا مريت في مشكله كبيره ويا زوجي
تقدرين تقولين اني يأست من ريلي
لكن رحمة رب العالمين فوق كل شي

مافي جدامج حل
غير الدعاء ثم الدعاء ثم الدعاء
والتضرع الى الله وكثرة الذكر والاستغفار والصدقات

والله محد بيحل مشكلتج غير رب العالمين
لا بشطارتنا وذكائنا
صح انتي حاولي واسعي
لكن الاهم من كل هذا خلي املج بالله كبير ( وإن يمسسك الله بضر فلا كاشف له إلا هو )

وخلاص اعتذرتي من ريلج
عطيه فتره شوي يبتعد وانتي ابتعدي فتره بدون تواصل

استغلي هالوقت بتقربج من رب العالمين
واهتمي باللي في بطنج لانه الجنين يتأثر بنفسية الام
ورب العالمين هو ارحم والطف فيج من اي احد
ان شاء الله هذا ابتلاء فتره ويعدي على خير

اقحمت نفسك في مصيبة كبيرة

كان الله في عونك

__________________
أشهد أن لا إله إلا الله و أشهد أن محمدا رسول الله صلى الله عليه و سلم