والدي االفاضل رجل رجال انت كتبت لي في موضوعي الاول رساله ارسلها له وانها راح تسويله فرمته نفسيه
زوجي صعب جدا واحس اهماله لي يزيد يوم عن يوم هل اطلب الانفصال الي اتوقع انه بيرحب بهذي الفكره بكل سهوله

والدي هل فيه طريقه اتواصل معاك بشكل خاص لاني حاولت برساله خاصه بس ما قدرت

ارجوك والدي ساعدني ليس لي بعد الله سواك
كلامك لي مريح ويجعل لي امل في تغيير حياتي

ابنتي الكريمة
أسأل الله لكما التوفيق والاجتماع على الخير وأن يبعد عنكما كل شر وللمسلمين مثل ذلك
ساختصر الوضع
أولاً متى أرسلتي الرسالة أي كم مضى على ذلك وما هي ردة فعله الأولى وهل تحدث لاحقا عنها وهل لاحظتي تغيير مؤخراً فعلا أو قولاً ؟
ثم
العلاقة الزوجية لها عدة أطراف
الأولى بين الزوجين
الثانية بين الزوجة وأهلها
الثالثة بين الزوج وأهله
الرابعة بين الزوج أو الزوجة وبين الله
الخامسة بين بقية الأطراف وبين الله
السادسة بين كل طرف والزملاء والأصدقاء
ثم
لهذه العلاقة مؤثرات
الأول نفس الإنسان الأمارة بالسوء
الثاني إبليس الرجيم
الثالث القرين للإنسان من ذرية إبليس
طبيعة أطراف العلاقة
من هذه الأطراف من هو سلبي يعتمد على فعل الآخرين ومبادرتهم ليكوّن ردة فعل مبنية على الفعل الصادر منهم
وينتظر منهم ومن الظروف الاعتدال ليتمكن من العيش بسلام.
ومنهم من يبادر بالفعل الايجابي والتحرك المناسب حسب التغير في ظروف الواقع.
وكل طرف له خلفية من تراكمات نفسية سلبية أو إيجابية
لكل طرف علاقات كما بينت أعلاه مثل علاقة الزوج بأهله كأمه وأبيه وأسرته وقبيلته وهكذا فهو يحسب لهذه الأطراف حساب يؤثر على قراراته تجاه بقية العلاقات ومنها علاقته بزوجته وكذلك الزوجة.
ومن هذه الأطراف من يتمتع بشخصية قوية في القيادة لا يقبل أي ضغط أو خلل أو أي تغيير لا يناسبه ومنهم من يتمتع بشخصية إنسحابية تابعة فيمتص الضغط ويتأثر عاطفيا ويبكي ويبحث عمن يسمعه وهو يبكي.
ومنهم من يكون ذكي وشخصية معتدلة ويدرك الخلل ويسعى للتغيير بهدوء.
ومن هذه الأطراف من يسيطر على عواطفه بعقله ومنهم من تغلب عواطفه على عقله فتفقده التركيز.
بعدما سبق تستطيعين قراءة زوجك ونفسك وظروف زواجكما وتقررين الفعل الايجابي المناسب لعلاج الخلل بدل الهروب والانسحاب فهو ليس بحل ولا فعل وهو بحث عن الهروب بدل المواجهة ولا علاقة للكرامة هنا فقد يكون الزوج رغم إهماله محتاج لوقفتك القوية معه ضد نفسه.
----------
بالنسبة للتواصل الخاص معي فيمكن عن طريق الإدارة حسب تقديرهم لظروفك وموضوعك.
تنفسي بعمق أعط القيادة لعقلك وأعيدي قراءة ما كتبته أعلاه عدة مرات وبإذن الله سترين خير.
--------
نداء للأخت الكريمة الأستاذة بيتا وفقها الله فضلاً التكرم بضم هذا الرد للمفضلة لتعميم الفائدة.

__________________

لتوفير الجهد والوقت للجميع :
1- كتابة الوقائع ثم المشاعر ثم المطلوب.
2- ما أقوم به هو التعامل مع عقل صاحب أو صاحبة المشكلة وشخصيتهما ونظرتهما للحياة لترقيتها للأفضل بإذن الله على ضوء ما يكتبان هنا.
3- لا بد أن تكون لدى صاحبة أو صاحبة الموضوع الرغبة في القبول بالنصح والرغبة في التغيير لا طلب الدوران معه على محور شكواه والبكاء معه.
4- لا يمكن بعد الله أن أعدل من ظروف الكاتب أو من شخصيات أطراف العلاقة في مشكلته إلا بتواصلهم معي هنا شخصياً.

انا محتاره حاولت استوعب ردك ما فهمت وقريته اكثر من مره الرساله ارسلتها من اسبوع تقريبا
وانا متواجده معاه احس يتجاوب معاي بس في البعد يبعد عني
في كل شي انا المبادره في العواطف في المشاعر في كل شي
واذا انسحبت وحاولت اتغلى شوي واعز نفسي ينسحب كليا وما يبادر ابدا بأي شي
هو ممكن شخص خجول مادري ومنغلق على نفسه بشكل كبير
اول كان يتجاوب معي شوي وهو بعيد والحين تطنيش كامل ارسل ما يرد ادق ما يرد
خلاص وقفت ماعد ارسلت له ولا دقيت ما فيه تغيير
الحين انا تعبانه نفسيا حتى ماني قادره اركز في دراستي ولا اهلي
والدي العزيز انا والله حليمه وصبوره بشكل كبير بس احس زي ما يقولون فتت الحجر في يديني
الحين له 3 ايام لا يرد علي ولا يكلمني مع ان الايام القليله الي قضيناها سوى كانت مسالمه وهاديه
وفيها اجواء حلوه بيننا وانا متأكده ما يكرهني ولا ينفر من ملامحه وابتسامته وانا معاه تثبت لي تقبله لي
بس بعد ما سافر رجع زي اول واسواء
والرساله ارسلته له قبل يجي وعلى امل يناقشني بس ابدا ابدا ما حاول يفتح اي نقاش معي
و 5 ايام مرت بدون نقاش بس كان بيننا مواقف حلوه وكنت متأكده انه بعده بيتغير
بس لا صار العكس تماما

والدي رجل رجال بعد قرأتي لردك اكثر من 10 مرات عشان استوعبه وعلى فترات متباعده حاولت افهم نفسية وشخصية زوجي من خلال ظروفه المحيطه و قررت الاتي مع زوجي :
1.اوقف رسائل واتصالات واذا ارسلت مثلا في الاسبوع مره ورسائل عاديه مش حب .
2.اذا اتصلت عليه ورد مثلا مع ان هو ما يرد اختصر المكالمه قدر الامكان بدون كلام حميم.
3.ما اناقشه ابدا ابدا ولا اعاتبه لان انا اعتبر سبب من اسباب البعد وممكن طبيعة الرجل غير طبيعة المرأه المكالمات والرسائل لا تعني له اي شي.

ساعدني والدي رجل رجال ورد علي ماني متأكده تصرفي هذا بيكون سليم او هذا الشي بيزيد البعد بيننا اكثر لان هو ابدا ابدا ما بيرسل او يتصل اذا ما انا بادرت بس ما فيه الا الحل الي قلت لك فوق لان تواصلي معاه ابدا ما جاب نتيجه وعلى امل ان اذا صرت معاه بنقدر نتواصل اكثر لكن البعد مشكله بالنسبه لزوجي واتوقع من رايه ان ليش يتواصل معي وانا بعيده عنه ومتزوج زواج على الورق بس مع انه ما عمره جاب فكرة اني اكون معاه ومبسوط على بعدي بس لو ما كنت بعيده عنه ومعاه كان اظطر يتحمل مسؤوليتي ويتواصل معي ووقتها هذا الشي لازم يصير لاننا مع بعض لكن البعد مشكله وما راح اقدر اجبره يتواصل معي..
مع اني والدي رجل رجال نفسي مكسوره وحزينه رغم قراري هذا وعن قناعه لان نفسي احس نفسي متزوجه وفيه شخص يهتم فيني بس بحاول اتصرف زي قبل ما اتزوج لما كنت مبسوطه مع اهلي وما فيه شي يشغلني ..

يشرفني مستشارنا الفاضل

لكن اسمح لي أن أنتظر لحين انتهاء الردود هنا ليكون الموضوع مكتملا .

بارك الله بجهدك وعطاءك

متابعه معاكم .. الله يفرج همك أختي

__________________

والدي رجل رجال انا منهاره لجأت اليك بعد الله ما قدرت اتحمل اخاف اتهور واتخذ قرار مش في صالحي كنت على وشك اطلب منه ننفصل وانا اذا قلتها بكون ناويتها صح
لاني تعبت حاولت اتناسى واتغاضى بس ما قدرت واكثر شي يخليني اتراجع غير تعلقي فيه ومحبتي فيه امي واهلي كلهم بينهارون وما بغى اسبب لهم الالم مع انهم ابدا ما راح يعارضوني ولا يجبروني اذا قلت خلاص بنفصل بيوقون معي

ما تتصور كيف كانت فرحتهم لي كلهم بدون استثناء بزواجي هذا غير الهدايا الي جاتني من كل اقاربي هدايا كلها غاليه فوق ماتتصور وهذا دليل فرحتهم لي

انا جالسه اكتم واحاول ابين اني فرحانه ومبسوطه بس ما قدرت والدي لجأت اليك بعد الله انا جدا منهاره منهاره ماني عارفه اتصرف

قلت بخلي الامور زي ماهي عليه بدون ما احاول لحد ما ربي يكتب لنا نجتمع في بيت واحد بس ما عد قدرت اصبر اكثر