انا ماقول يا روح الا حسبي الله ونعم الوكيل على اللي كان السبب في ضيقك وفي مرمطك !
انا ما اؤيد سواق لان بعد اتوقع بيسوي حركات الباقين اذا شافك وحيدة والخوف عليك ولكن انتي مجبرة على هالموضوع فتأكدي لما تجيبيه مايكون متواجد بالبيت يعني سكنه لوحده ..

وحسبي الله ونعم الوكيل حسبي الله ونعم الوكيل

أنا الحمد لله من زمان متابعة للمنتدى .. و كنت من أول حاطة ببالي
إنه الناس اللي راح توقف معايا في موضوع الإنفصال ، بعد فترة بينشغلوا عني ..

فكان لازم أحسب حساب الشي هذا ..
فكان توكلي على الله و الحمد لله .. و ما اعتمدت على أحد ، و كل شي اعمله بنفسي ..
و قراراتي اتخذها و أنا على قناعة بها ..

مع كذا ، صارت لي كم شغلة يوم الإثنين ..


.
.


- أخو جارتي ( جارتي على نياتها مسكينة و كبيرة ) ، يشتغل بالمباحث .. نادتني مرة و قالت لي أخوي بيسمع منك ..
رحت لها بالعباية و معايا ولدي الصغير .. و هو ملتحي و عامل حاله شيخ و ملتزم ..

قلت له كذا كذا الموضوع ، طبعا قبل لا نروح للمحكمة أول مرة ..
قال لي ( وكليني قضيتك و أنا أجيب لك الطلاق أو أي شي تبغيه ، و ما أبغى منك أي شي .. اعمله لله )

للأسف ، ما عجبني طريقته بالكلام و الفلسفة ، و لا النظرات ..
ما استأمنته .. و قلت أنا راح احضر أول جلسة بنفسي مع أخويا ..

و دحين لما لمحت لجارتي إني ممكن أوكل أخوها ، ( تهربت ) ..
و هي اللي كانت على طول و استمرار تتواصل معايا و تشجعني اتركه و دحين شالت يدها ، يوم الإثنين ..


.
.


المستشار قال ، راح نعمل و نفعل وووو إلخ ؟
و من لم يزع بالقران ، يزع بالقانون ؟ أو بما معناه !؟

ما شفت شي يوم الإثنين ؟


.
.


الشيخ المصلح ، قال إنت بس تعالي و أنا أطلقك منه على طول ؟
رحت له ، قال خلاص بلغي المحضرين عنه ، و روحي للقاضي ؟


.
.


اللي بالهيئة و ماسك منصب .. بس يعرف يتفلسف ، قال
( أنا اصلحه لكم ، و اسحبه للطريق الصح ، و أعرفه على ناس كويسين ، و أقابله ، و أجيب له وظيفة و أسانده ووو إلخ )

لكن كذاب .. و كل شوية يقول ( ابغى اتصل عليك ؟ و ينكت و يتريق و يضحك و يستخف دمه )
رديت عليه و قلت له ، و الله إنكم الهيئة يبغالكم هيئة ، و ما صرت أرد على اتصالاته ، و هزأت فيه ..


.
.

مسكينه يا روح ذكرتيني بنفسي حبيبتي


الله يقويكي ويآذرك وينصرك


للاسف الدين اختفى من.قلوب الناس ومخافة الله



رتبي وضعك وراحتك انتي وواولادك

كا يوم استخيري افضل لك

اجعلي االله وكيلك في امورك.وانتي تنجحي


اخو الجاره عينه على ما تملكين


قلوبنا معك ندعو لك لا انساكي رغم تقصيري وانشغالي

ادعو لك دوما بالفرج

__________________
http://live.gph.gov.sa/
اللهم اني استودعك اولادي

الأسبوع اللي فات ..

اللي بيحجز مواعيد لمقابلة القاضي الشرعي ..
قلت له ، أبغى أبلغ المحضرين عن زوجي ، إنه مختفي و ما بيحضر المحكمة ..

قال طيب خلاص استني نص ساعة ، و بعدين اعطيك خطاب و وصليه للمحضرين ..
قلت له ، طيب أبغى أعرف متى ممكن أجي عشان أقابل القاضي ؟

أنا جيت اليوم و جبت أولادي معايا و مرمطتهم ، عشان يتسجل حضوري ، و أبلغ المحضرين ..
قال لي الموظف ، احتمال الأحد أو الإثنين ، إنت تعالي و شوفي ..

قلت له ، ياخي أنا عشان أجي لازم أسحب ولدي معايا و اخد تاكسي ..
شايف شكلي كيف ؟

قال لي ، طيب نتصل عليك و نبلغك .. أو دقي و نحن نعطيك موعد ..
قلت له متى أعرف ؟

قال لي ، خلاص خدي الكرت حقتي و دقي قبل لا تجي و أقول لك إذا الأحد أو الإثنين ..
قلت له طيب ..

.
.

قلت له ، طيب و المحضرين ؟
ليش ما ترسلوا أحد يبلغهم و يوصل لهم الخطاب بما إنه المكتب تبعهم قريب منكم ؟
ليه استنى نص ساعة ؟

قال ، طيب خلاص أنا أبلغهم و لا تشيلي هم ..

.
.

المهم ، طلع الموظف ..
( ح م ا ر ) ..

دقيت الخميس عالرقم .. و ما رد عليا ..
عالعصر هو دق عليا ، و يحسبني أي وحدة غلطانة ، و باين إنه مغازلجي ..

قلت له ، لو سمحت .. أنا زوجة فلان اللي جيت أمس ..
و حبيت استفسر عن الموعد .. متى أجي ؟

.
.

المهم ، جيت الإثنين للمحكمة .. بعد ما دقيت و سألت متى القاضي يكون فاضي و موجود ؟
قل تعالي 11 ، يكون موجود و فاضي ..

جيت ، و قال لي و الله إنه مشغول و ماسك قضية من الصبح ..

سألته ، مافي أحد غيره ؟
قال لي ( لأ ) ..

سألته ، طيب زوجي ما جاء .. ماحد بلغه ؟

قال لي ( لأ .. إنت لما تقابلي القاضي ، بعدين هو يبلغنا إنه نبلغه ؟ )

قلت له ( و أن الأسبوع اللي فات ليه قطعت مشوار و جيييييت لحد المحكمة ؟
مو عشان المحضرين ؟؟؟؟؟؟؟ و إنت مو قلت لي راح تبلغوهم ؟

.
.

قال لي ( و الله شوفي ، المفترض إنهم يتبلغوا رسميا .. و هذا الشي لما تقابلي القاضي ..
و رسميا أنا ممكن احجز لك أقرب موعد مع القاضي .. في ذو القعدة !!!!!!!! )

لكن أنا دحين من عندي ، ممكن ادخلك تقابليه .. بس مو رسمي ..
قال استنيه لحد ما يخلص ..

قلت له ، و لو فرضا ما خلص من القضية اللي معاه ؟
قال تجي بكرة و كمان ..


.
.

اضطريت ( انطم و اسكت ) ..

( يتبع )

الله يعينج ،،، ذكرتيتي بنفسي ،، قمه الاستهتار واللعب بالحرمه ولا كانها مخلوق ضعيف ،،، شدي حيلج ولا عليج من شي و تحذري من كل شي ،،، انتي في مواااضع فتن كثيره الله يسلمج و يقوي قلبج ويصد عنج كل خبيث و خسيس امين

جلست مع ولدي برة .. و هو بيلعب و مو داري عن شي ..

افتكرت اللي كتبته فوق ، فلان وعد ، و علان و عد ..!!!؟
فكرت انزل لهم لمكاتبهم ؟ أو ادق عليهم ؟

قلت لا يا بنتي .. لا تحتاجي لأحد ، و لا تبهدلي نفسك عند أحد ..
و كتمت الدمعة ..

.
.

جلست و دارت الدنيا بيا ..
و راجعت قراراتي ، و فكرت مضبووووووووووووووط ..

.
.

بس وقتها قلت و بكل يقين .. و استشعرتها ..

( وكلتك أمري .. يا الله ) ..

تخيلت حالي ، لما أطلب أوكل شخص ثقة ..
كيف راح أكون متطمنة و مرتاحة إنه بيخلص لي كل أموري ؟

.
.

سبحان الله .. كذا تخيلت إني أنا الآن ( خلاص وكلت أمري لله ) ..

.
.

استجمعت قوتي ، و وقفت من جديد ..

رحت للموظف ، قلت له :
لو سمحت .. القاضي فاضي أقدر أدخل له ؟

قال لي :
تعالي بعد الصلاة ؟

قلت له :
و لو فرضا ما رجع بعد الصلاة ؟

قال :
إلا بيرجع ..

.
.

قلت له :

شوووووف ، أنا بكرة رايحة الأمارة .. و راح أدخل عند الأمير ..
و راح أقول له كذا و كذا و كذا .. و هو راح يجيب لي حقي ..


(( و كنت من جدددددددددد ناوية أروح الأمارة يوميا و ما أخرج لحد ما أقابل الأمير أو أوصل لهم صوتي ..
و أنا صحباتي الحمد لله ما يقصروا ، أبهاتهم لهم مناصب عند الأمير و في الأمارة ووو إلخ .. ))

.
.

هههههههه ..

الموظف ارتبك ، و قال طيب لحظة أروح أشوف لك القاضي ..
و ترك كل شي ، و راح لمكتب القاضي ..

.
.

رحت مشيت وراه ..

و شفته وقف عند باب القاضي و يكلمه و يوشوش له ، و القاضي بيخرج يروح للصلاة ..

الموظف هذا اللي كان نافخ ريشه على المراجعين ، و يبين حاله هو الكل في الكل ..
صاير مثل الدجاجة أمام القاضي ..

قاطعت كلامهم ، و قلت للقاضي ..


يا شيخ لو سمحت اسمعني بس دقيقتين ..
قال لي القاضي ، طيب خلاص نعطيك موعد و تعالي ..

قلت له ، شوف أنا جاية مع تاكسي .. و أولادي مع الشغالة و جايبة هذا معايا ..
ما أقدر أتأخر أكثر من كذا ..

قال لي القاضي ..
و الله نحن نبغى مصلحتكم ، و عشان كذا أفضل بموعد ووو إلخ
قلت له ، معلييييييييه .. أية مصلحة تتكلموا عنها ؟؟؟؟؟؟؟؟؟؟؟

مو كفاية هو مرمط فيا ، إنتوا كمان تمرمطوا فيا بالمحكمة ؟
المفترض توقفوا معانا .. تقوموا تعملوا كذا معانا ؟

.
.

الشيخ قال للموظف ، لحظة إيش الحكاية ..
بسرعة طالع بالأوراق و جلس بمكتبه ..

بعدين قال خلاص و طيب ..

.
.

قلت له ..
يا شيخ ، أنا بكرة أجيب أولادي هنا بالمحكمة ..

و أتركهم عندكم .. و انتوا تحملوا مسئوليتهم كلهم ..
أنا ماعندي أم و لا أب ، و لا عندي أحد .. و هذولي أنا مسئولة عنهم ، و أبوهم مختفي و مو داري عنهم ..
و الراتب بيروح للبنك و الشغالة و مصاريفهم ، و بأتعرض لمعاكسات و مضايقات .. و انتوا تقولوا استني ؟

و الله بكرة أجيبهم هنا عندكم .. و مالي دخل فيهم ..


.
.

قام القاضي ، قال خلاص ابشري و ناخد لك أقرب موعد ..

قال للموظف ، احجز لها أقرب موعد ،، متى أقرب موعد عندك ؟

الموظف اللي كان نافخ ريشه ..
قال الخميس يا شيخ .. الخميس خلاص نحجزه لها ..

هذا و اللي كان أقرب موعد ( القعدة ؟؟؟؟ سبحان الله ؟؟؟ )

.
.

بس الشيخ قال ,,

خلاص يا بنتي .. الخميس تعالي إن شاء الله ..


.
.

المهم ..

أمس زوجي فتح جواله ، و قال لي إنه راح يحضر الخميس بإذن الله للمحكمة ..
و سألني الساعة كم ؟ و قلت له ..

.
.

هذا بفضل ( توكيلي أمري لله ) ..

.
.

طبعا أمس نص الليل ، الموظف اللي يحجز المواعيد ..

ارسل لي عالواتس رسالة استهبال ، و شافني ما رديت ..
قام كتب ( اسف بالغلط اترسل ) ؟؟؟؟؟؟؟؟؟؟

.
.

طنشته و ما رديت ..

عجبتيني كفوا يا بنت الرجال
الله معاش ويقويش والله خير وكيل

__________________
وهل من مصير اخر ؟

سيجهدك هذا الامر كثيراً
وكل رجال رح تكلمينه رح يطمع فيك ويجرب ردة فعلك
عشان كذا لا تثقين في احد
مهما كان هالاحد
وتوقعي الاسوء في كل مرة
اللي تمرين فيه وضع حقيقي وطبيعي وموجود في هالديرة
لكن ما يحس فيه الا اللي مثل وضعك
مجتمعنا صعب جداً تعيش المرءة لوحدها
لا تسوين توكيل لاي شخص بالدنيا
ولا تحكين سرك لاحد
اشتري بيت ملك لو بالتقسيط
ولما يستقر وضعك وربي يوسعها عليك كل اللي قاطعوك واتخاوا عنك وح يرجعون بحول الله

شوك

البيت اللي أنا فيه ، و الحمد لله تمليك و بأدفع أقساطه للبنك ..
باقي 4 سنوات و تخلص أقساطه .. ثم أبدأ أأجره إن شاء الله ..

و اشتري أرض ابني فيلا بإذن الله ..
أو ممكن تتغير مخططاتي مستقبلا و الله أعلم ..

.
.

القرار اللي اتخذته خلاص .. و هو :