يا اخي البنت صغيره...وبتاها على طول في سنة تصير راعية بيت...والحمدلله انها تتأسف
في بعضهم لا اسف ولاهم يحزنون...وعن السفر وغيره...طبيعي بنت في هالسن عندها احلام...لاتلومها....بس حاول بشويش اتفهمها الواقع...والاهم انك ماتجاريها دامت ظروفك ماتسمح... لاتدين اكثر ...
ومن ناحية الفطور..البنت مادامت اتقوم لصلاة الفجر اشرايك تفطر الفجر
... يمكن صعب عليها تصلي واترد تنام..وعقب تصحى عشان الفطور...
ومن ناحية السهر... حاول اتشد عليها..وتسحبها معاك للنوم من وقت.. يعني حاول مثلا اتصحيها الساعه 10 الصبح طلعوا مكان او شي... وبعدين حاول انها ماتنام لين الليل...واذا خلاص جى وقت النوم اكيد بتكون نعسانه..واذا لا حاول انت تسحبها للنوم..بالطيب او بالغصب... لازم اتكون حازم
اما الغدا....فحاول وانت بالدوام تتصل عليها قبل الساعه12 كلمها عشر او ربع ساعه اذا فاضي.. عشان تصحصح واسالها شو بتسويلنا غدا
... وعبرلها عن شوقك وكلامكم الحلو اياه
.... وبتلقاها صااااارووووخ عالمطبخ
وامدح غداها وقولها ياسلام وانا في الدوام اشم ريحة طبيخج
...صدقني هذه بنت صغيره ينلحس عقلها بالكلام الحلو....
والعشا حاولاتحدد وقت للعشا مثلا بعد المغرب وقللها ياريت ماتنامين قبل هالوقت الا وحطيتي العشا..وهكذا
المهم اللين المخلوط بالصرامه...وياريت ماتلجأ للاهل مباشره...الا اذا كان بينك وبين امها اتصال خبرها تنصح بنتها..وقلها انا اعز بنتكم بس ياليت تنبهيها لبعض الامور بس بينج وبينها ومن دون ماتحس اني خبرتج..والام اكثر انسان يخاف على مصلحة بنته وهي تعرف تفهمها احسن
وعسى الله يكتبلهم السعاده....ويعطيهم البيبي الامور اللي غصب بيضبط ساعاتهم
واوقاتهم