السلام عليكم ..

انا متزوجه ولي سنتان ونصف .. والحمد لله على حد قول زوجي انه يحبني .. واني لست من النوع النمام ..

ولكن زوجي مع ذلك لا يتحدث معي مطلقا مطلقا عن اي شيء يحدث لاهله مع انه ابن عمي .. فلا

يخبرني على الاقل ان اخته او اخوه رزقوا بمولود .. وينتظرني اعرف من اي شخص غيره .. و كانه يريد ان

يحسسني ( شوفي انا ترى ما اقول لك .. تراني رجال صامت ) .. فما بالكم لو حدثت مشكله عندهم (

كطلاق احدهم )..كل العالم تدري .. لكن انا لا .. وحتى لو كان طول اليوم خارج المنزل لا يعود لي باي سالفه

ينتظرني انا التي تسرد عليه القصص والاحداث والاخبار .. من اين وانا في المنزل ولا انيس ولا جليس ..

صارحته بانه ما يسولف معاي .. وصارحته باني اعرف اخباره من البعيد ومو منه .. صارحته باني اتضايق من طبعه ..

حاولت وحاولت .. اجيب مواضيع من برى مثل قصه فلم .. اخبار .. اي شيء .. لكن هو مثل البطل الصامت

ما يسولف ..

ولكنه قال لي انتي اصلا ما تسولفين لي الا عن الاطفال .. وعن التلفزيون .. ما عمرك قلتي لي مشكله صارت عند اهلك..

المشكله اني بديت اسولف له عن مشاكل بسيطه عن اهلي لكن مازال الزضع مثل ما هو كان

دلوني كيف الحل

__________________

السلام عليكم

يمكن انه شايل عليكي وحاس انك ماتخبرينه بكل شي يصير لك .. وانتي قلتي: ( المشكلة اني بديت أسولف له ...الخ) يعني انك أصلآ ماكنتي تكلمينه عن الأمور اللي تصير حولك, وتوك اللي بديتي هالشي .. وأتوقع ان هذا غلط منك ومنه ( والمفروض انكم تصيرون أقرب اثنين لبعض ) وكل واحد يفضفض للثاني

ملاحظة مهمة (( لاتحاولي تحسسيه انك تفضفضي له بس عشان تورينه انك تقولي له اللي بخاطرك ))


الله يكون بالعون :]

انتي اعملي اللي عليك

وتكلمي معه اكثر من اول في اغلب الامور وصدقيني راح يتغير

اختي العزيزة
انتي قلتي مشكلتك وقلتي حلها
يعني هوا قالك انتي ما تتحدثي الا عن الاطفال وعن التلفزيون
وهوا يشتغل ويطلع ويشوف ناس
ولما يرجعلك يلاقي مواضيعك كلها طبخ وولاد وحكي ما يهمه
الحل انك تلاقي لنفسك هواية او وظيفة
بتحلي المشكلة من جهتين
بحيث انك تتسلي وتشوفي ناس وما تفضي تحكي معو اصلا
والناحية التانية انو بيكون عندك مواضيع مشابهة لاهتمامات زوجك تتحدثي عنها

__________________

اعتقد ان الرجل بطبيعته يميل الى الصمت اكثر من الكلام عند زوجته
ومن المؤكد ان الزوج لا يهتم بتلك المواضيع التي ذكرتيها كمثل حالات الولاده او الخطوبه او الزواج وبالتالي فأن الرجل لا يجد مبرراً لذكرها امام زوجته ..
ولكن ما تفعلينه هو جيد في انك تحاولين ان تسحبيه في الكلام .. حاولي ان تجدي في سوالفك معه ما يهمه
مثلا : اذا كان من محبي الرحلات > حاولي ان تسأليه عن رحلاته
: اذا كان من محبي السفر > حاولي ان تسألية عن سفراته

وجهة نظر رجل مخلص

و الله ضحكت من الموضوع ( لان من قريباتي من تعاني من نفس المشكلة )

هي تحس أنها مشكلة و قايمة قيامتها ، و أنا أضحك ثم أتأمل في خلق الله كيف خلق المرأة تهتم بمثل التفاصيل هذي

و الرجل الي و الله ما تعني له شئ.

و أتوقع أن فيه سببين غير الأول

1 / أنه عموما في مجالس الرجال ما هي زينه أن الواحد يسولف بالأشياء هذي ، فهو تعود على التوجس منها

2 / إلححاك عليه و سؤالك الدائم ، يدفعه الى أن يستخدم السوالف هذي كوسيلة ضغط ( أو كتمه لها يعبر عن ضيقه و استياءه )


الحل طنشيه و لا تسأليه ، و إذا فيه أي تقصير اجتماعي قولي و الله هذا أخوكم اهو الي ما خبرني .

ما في أبسط من كذا

بصراحة زوجك مزودها شوي
مافي غير انك تسألينه مباشرة مثل التحقيق...

تبينه يسولف معكي مالك الا حل واحد وجربي النتيجة فتاكة


















بس لا تزعلين لان الهدف هو ان يخرج من سجن الصمت


اقتحي له باب الزوج من أخرى (التعدد) وانه انتشر بين صديقاتك واسكتي وشوفي وش يصير

أختي لا تقلقي وارضي بما قسم الله لك من زوج لأن كثير من الرجال لا يتكلمون في بيوتهم!!

لكن نصيحة احذري من الافراط في نقل مشاكل أهلك لزوجك، فقد يستخدمها يوما من الأيام ضدك!!

فرج الله همك وأعانك على مشكلتك

__________________
أستغفر الله العظيم وأتوب إليه

حبيبة قلبي ..انتي ماعندك مشكله..مع الأيام راح يتغير...لسه ليكم مع بعض سنتين ونص..لسه ماأتعود يفضفض ليكي..اصبري وراح تشوفي..
بس انتي استمري اتكلمي معاه..وراح يتغير...يارب يرزقك الحياه السعيده