انا فتاة مخطوبة من سنه و 8 شهور و من غير ما أكثر كلام ... عندي مشكلة و أتمنى ممن يقرأ الموضوع أن يدلي بدلوه و يحاول يعطيني حلول .
خطيبي جفص أو عفش أو باللغة العربية الفصحى ( فظ ) ، و نتيجة لأسلوبه هذا نختلف كثير مع بعض خصوصاً و إحنا على التلفون .
مشكلتي مو الجفاصة و الكلام الغير محسوب لأني خلاص اتعودت عليها... مشكلتي هي إنه أبداً ما يعتذر لي إذا غلط علي ، و إن حتى في النادر لمن يعتذر يقولها بأسلوب باين جداً فيه إنه يقولي :ترى بس بأعتذر عشان أخلص من وجع الرأس مو لأني شايف نفسي غلطان أو لأني أعتي الاعتذار . و لمن يعتذر لازم لازم ثاني يوم لمن يتكلم معي يرجع يفتح الموضوع ثاني و خلاف ثاني من جديد و اللي نعيده حنزيده و أنا وقتها أطفش و أقفل الموضوع لأني بأحس إنه قمة الغباء أرجع أختلف معاه على موضوع قعدنا أمس أبو ساعة ولا ساعة و نص نتناقش فيه و اللي انتهى باعتذار بزعيق و كلام يزعل زيالكلام اللي يقول لي هو : أصلي أنا (...) عشان حاولت أمزح معاك.
أتمنى المساعدة من الشباب و الشابات لأنه الموضوع بالمرة مأثر علي و على مذاكرتي .
ولا أحد يقول لي إمكن إنت منك حنونة معاه ولا شيء لأنه معروف بجفاؤه بشهادة أمه .
الشكر مقدما