يمكن الثقه والامان .. اساس نجاح اي علاقه بالحياه

من بداية حياتنا كنت اثق به ثقه عمياء ..اكره فكرة تفتيش اغراض الزوج '

مقتنعه ان الاحترام والوضوح والثقه (' تكفي لراحة اي زوجين ..


طلب مني اعطيه رقم من جواله وبالصدفه طاحت عيني على اسماء وارقام بنات محادثات قذره وصور

اقذر . . ! (دمعه طاحت من عيني وطاح معاها كل ثقه وحب بقلبي .

مباشره اعطيته الجوال وبصمت جلست ودموعي تنزل مصدومه . .

اعتذر وحلف انها تسليه وكلها قبل الزواج .. قبلت اعتذاره وقلت ماضيه وهو حر . ومادام حلف كل شيء بالنسبه لي انتهى ونبدا بداية جديده ..


مرت شهرين لم المس جواله .. دخلت عليه فجاه وجدته يمارس العاده ويشوف افلام

خرجت من الغرفه وقررت مااواجهه كي لااحرجه .. راح ادلعه واهتم فيه اطبخ له واضحك معاه والاهم من هذا كله لن اتركه محتاج جنسيا ابدا . حتى لايلجا للافلام وللعاده السيئه

صرت اضاعف اهتمامي بنفسي .. نوعت بكل شي شكل طبخ حتى بالعلاقه الخاصه ثقفت نفسي ودخلت مواقع مفيده واتعلمت حاجات كثير .. اشتغلت ع نفسي كثيررر ..

احيان اتعمد اساله اذا نفسه بشيء معين لكن يقول انه مرتاح وماينقصه شيء .

فجاه بيوم زعلنا زعل كبير فتحت جواله ولقيت محادثه مع بنت (في نهار رمضان ) .. سالته بهدوء ليه ؟ برر بعذر كاذب .. سامحته وطلبت انه نفتح جوالات بعض باي وقت حتى نحس انه ماعندنا شي نخفيه .. وافق ع هالشي لكنه اصبح لايترك جواله واذا نام تحت المخده ! مع اني لاامسكه ابدا بس خوفه وحرصه ع جهازه يدخل الشك بقلبي .. ( لو اخلص لي ليه يخاف ع جهازه )


لكن بعد فتره خرج ونسي جواله بالبيت جاني فضول افتحه لان الشك مايفارقني قلت افتحه واكيد مراح القى شيء وراح ارتاح لكن فتحته وللاسف ايضا لقيت محادثه بعدها باسبوع '! ومحادثه بعد شهر !

هنا انفجرت

واجهته وطلبت منه يتركني لاني استحق شخص افضل .. استحق احس بالامان .. استحق شخص يصونني مثل مااصونه .. طلبت منه ننفصل لاني خلاص ماعاد اثق فيه !

كنت انسانه مرحه تحب الحياه والضحك .. صرت اخاف واكره الطيبه والحنيه .. صرت اكره نفسي لان احس انه اقدر احل مشاكل الناس لكن اعجز عن مشكلاتي !



ثقتي به صارت معدومه .. ابغا اثق فيه عشان ارتاح نفسيا مو عشانه . ( ما الحل ؟؟ )

اختي كان المفروض من اول موقف توقفيه عند حده
اما تمشيله خيانه بدون ما يحس بالذنب يمكن هو الي خلاه يتمادى

__________________
الحُب بِشَرَف .. وَصَمْت يَبْقَى هوَ الأنْقَى .. والأصْدَق .. والأرْقَى

الحوار الناجح هو الحل
لا تخلي تراكمات بحياتك
حلي كل مشاكلك معاه اول باول
اجلسي معاه جلسه صراحه وتكوني هاديه ومرتاحه
وناقشيه بكل شي
لا تسكتي
الافلام
والعاده
والارقام والعلاقات
هاي متعود عليها من قبل الزواج
واكثر الرجال هيك
المهم حاولي اصلاح ما يمكن اصلاحه
وارفعي مستوى التدين عنده
وتقفي وزيدي بالقراءة بالثقافه الجنسيه والزوجيه
الله يفرج همك امين

__________________
انا لله وانا اليه راجعون

اللي ما أخلص لله ماراح يخلص لك،
الزبدة قوي الوازع الديني لكليكما،والله يفرج همك ويصلح حالك.

توقفه عند حده وش تسوي؟!
تاخذ الجوال منه وتعطيه جوال ابو كشاف؟!!!
يا بنت الحلال والله ان اللي ابكتبه لك هو نظرتي للحياة واللي اسويه فعلاً
واحد اهلك نفسه بالعادة السرية وتعود عليها، وما عاد له في الحريم اجي احمل نفسي انا المسءولية ليش؟!
لو يبي يعف نفسه ، هو اللي المفروض يجتهد ويقطع كل عادة سيءة واذا حس رغبته بهالشي جا للحلال بدل الحرام وتصرفات عدم الرجولة ، لا وفي النهاية يقولون زوجته اللي مقصرة مو مشبعته !!!
ليش هو ماله عقل بعد يكف نفسه عن الحرام ويخاف الله
والله مشكلة اللي زوجها يسوي كذا وتقول العيب فيني!!
خلاص روحي انتحري احسن لانك وين كنتي لما كان مراهق وهالك نفسه بالافلام والعادة لغاية ما انهد حيله وصار ما عاد يشوفك شي الحين ولا تشبعينه!!
ذنوبه عليه، وان كانت تجرحني لكن ما تقلل من قيمتي ومن رءويتي لذاتي
راعي بنات وخرابيط يعني هو سيء ، واهله ما ربوه زين جالس عندهم اكثر من عشرين سنة مهملينه اهم شي ياكل ويشرب ، وبكره بتجي الحرمة السوبر ومن اللي بتقدر على اللي ما قدر عليه ابوه وامه في عشرين سنة هي تسويه في اقل !!! ويا صبر هالحرمه
باختصار مانت مسءولة عن ذنوبه ومعاصية وتربيته الخطء

كيف ؟؟
هاتي طريقه اقدر اوقفه فيها عند حده !

امييين

والله جلست وبهدوء وصارحت

يعتذر ويوعد .. لكن يخلف وعده مرات ومرات . .

طيب والحل من وجهة نظرك اختي
تسكت وتعيش عاااااادي كن ما فيه شي..؟ طيب وحقها في الفراش من هذا الزوج

ولا تسعى للحل؟
سعيها لحل لا يعني انها مسؤوله عن اخطاء زوجها
لكن يعني ان من حقها ان تعيش حياة طبيعيه

__________________
( والذاكرين الله كثيرا والذاكرات )
ادعوا الله ان يجعلكم من الذاكرين له..

الغلط بعد كان منك انتي لانك كل مره تمشينها عااادي كانه غلط غلطه بسيطه!!! اتخذي معه موقف حازم اهجريه فتره عشان يحس بجدية الموضوع..والا غيري اسلوبك معاه يمكن مايبي اسلوب اللي بس تطامر وراه وتطبطب وتحسسه انها كامله..انتي خلاص ضامنك وضامن حبك له..ابحثي عن دورات د.ناعمه الهاشمي اعتقد بتفيدك كثيررر بموضوعك

ازعلي و تغيري معه .. كل انسان له وجهة نظر
بس انا والله ما اقدر اتحمل. المحه يشوف بالغلط مو يكلم و يشوف قدامي

بس بقولك انا سمعت لدكتوره تقول الي زوجها مبتلا بهذي الاشياء
تملي البيت مرايا .. ما ادري ايش اثرها ولا ايش الحكمه بس كذا سمعت

__________________
الحُب بِشَرَف .. وَصَمْت يَبْقَى هوَ الأنْقَى .. والأصْدَق .. والأرْقَى