__________________

ملقوفه وودي ادلو بدلوي
معظم الرجال مثل زوجك
واعتقد اللي مثل حالة زووجك انه يخبي عنك حتى لايضايقك لاا اكثر ولا اقل
بس ماانكر فيه رجال مايقولون ولايفضفضون الا عند ربعهم وعلى بالهم حريمهم مايهمهم زعلهم ولا يحسبون انهم ماراح يفهمونهم .
بس
ارجع
واقول اللي مثل حالة زوجك مايصارحك بوقتها لاانه خايف يضايقكومتاكده بعد ماتنحل يجي من نفسه ويقولك.

واســـــــفه اختي سموره على لقافتي

هذي الحالة في علم نفس الرجاااااال تسمى ..

" الإنسحاب أو الدخول للكهف " !

يعني الرجال يدخل لكهفه .. بس مايسكر الباب !

لأن الكهف أصلاً ماله باب <<<< ياشين الفلسفة خخخخخ

المهم عزيزي .. عشان تجمعين بين الميزتين اللي هي :

1- إنك بينتي إهتمامك ..
2- إنك ماضايقتيه بسؤالك ..

ما إلك إلا ............. أكيد موهيفا ههههههه <<<< متى بتعقل هالبنت

مالك إلا أنك أول مايدخل وتحسين إنه متضايق

هدووووووء .. إستقبليه كالعادة بإبتسامه ناعمة ..

قولي له : " يعطيك العافية .. وخوذي من إيده إن كان شايل شي ..

ولا تقعدين تنطنطين عشان تبوسينه مو وقته ألحين <<<< هذي بتسكت ولا شلون

وخليك سااااااكته .. خليه يغسل ويوسع صدره ..

2- عطيه ملاحظة صغيرة تبين إنك مهتمة .. مثلاً

" خير ياقلبي كنك متضايق " ..

" شفيك حبيبي كن شي شاغل بالك "

" إذا في شي مضايقك قولي .. يمكن أريحك ونفكر سوا "..


وشوفي رده .. إذا شفتي إن وده يحكي .. سايريه بهدوء ولااااااا تقاطعينه ..

وإذا شفتي إنه ما يبي يتكلم .. وحالف يسكت <<< لحوووول ..

خلاص خليه بحاله .. وهو بيجي يحكيكلك بوقتها ..

وإن ما حكالك بوقتها .. بيحكي لحماتك .. مين حماتك ؟؟؟؟؟؟؟!

لاااااا أمزح .. صدقيني هذي طريقتي .. والحمدلله أنا مستودع أسرار زوجي .. :14:


أرق تحية ..

__________________
[blink] بشرى :[/blink]
" كشفت شركة"أرلا,Arla " أنها تخسر ما يقارب (1.5 مليون دولار أمريكي)يومياً نتيجة للمقاطعة في السعودية.
وأشارت إلى أنه إذا استمرت المقاطعة لأسبوع واحد آخر فربما تضطر لإغلاق أحد مصانعها في الدانمرك .
" ونقول لهم مقدماً .. أغلقوا كل مصانعكم .. وصلى الله وسلم على رسول الله"

الاخت احســــــــــــــــــــــــــــــــــــــاس


ولا بعد كلامك كلام

اتمنى زوجتي تقرا هالكلام الطيب وتبطل حنة كل ما تشوفني ضايق تفكر اني زعلان منها
ولا ننتهي من الموضوع الا بزعل
يعني فوق مشاكل الحياة هناك مصيبة اسمها الــــــــــــــــــــزوجــــــــــــــــــــة
حتى وان كانت هي الحياة تبقى مشكلة


تحياتي للجميع

السلام عليكم اسمحوا لي اشارك

بالنسبه لي احيانا قد يحصل نوع من سوء التفاهم بيني وبين احد من اهلي امي او اخواتي او احد اخواني واجي للبيت متضايق شوي بس مااحب اني اتكلم بهالموضوع لاي احد كائن من كان وتلاحظ زوجتي اني متضايق وتقعد تزن فوق راسي وشفيك وماارد عليها بل انه قد يظطرني الوضع للخروج من البيت علشان مااكون تحت ضغطها واذا روقت جيت وحكيت لها المشكله وحاولنا نحلها سوا بلا اجحاف لاني اعرف اني اذا حكيت لها لحظة زعلي ممكن اظلم الطرف الاخر بالمبالغه بوصف سبب زعلي عشان كذا هي فهمتني وصارت اذا شافتني متضايق تسالني تحب اعمل لك شي (عصير شاهي قهوه) واذا طلبت منها او رفضت تركتني واهتمت بشئون بيتها مع بعض التلميحات انها مهتمه فيني والحمدلله انها فاهمه بس بعد ايش بعد تدريب خمس سنين

__________________
مااضيق العيش لولا فسحة الامل

الأخت الفاضلة ( سمر )

ذلك الذي تفصلتِ بطرحه ... أمر هام جدا .. بل من الأمور الهامة التي يجب على الزوجة معرفتها عن زوجها .. ولعله قد تطرق له بعض الاخوة الأعضاء قريباً في موضوع فهم النفسيات ... ولكن هو أمر جيد أن يطرح على هذه الجزئية البسيطة ... فجزاكِ الله خيراً .

إن سمحتم لي جميعاً أود أن أبين وجهة نظري في هذا الجانب ...
إن آدم .. يدخل في معترك من الحياة صعب جدا .. ويتعرض في الغالب لكثير من الصغوطات الخارجية .. وفي بعض الأحيان ( أقول بعض الأحيان ) لا يريد آدم من حواء إلا السكوت .. ويكفيه منها كثيراً أن تبين له حواء اهتمامها ... لست أعلم هل ذلك فطرة في آدم .. ولكني اكتشفت ذلك في كثير من أبناء آدم .. وأنا أقول في بعض الأحيان .. وإنما الكثير منها ينتظر آدم كلمة ملاطفة ومواساة من حواء .. وتكون تلك الملاطفة .. وتلك اللمسة الحانية .. والوقفة الصادقة سبب زوال الهم عن آدم ..
وبعض بنات حواء هداهن الله .. يصررن ( بحسن نية ) على معرفة ما في آدم .. بالقوة أو بالمروة .. وهذا يزيد من الضغط على آدم كثيراً . مما يجعل الهم فوق رأسه أكبر .. وقد يدعوه كل هذا للخروج من المنزل كما تفضل أخي الفاضل ( anaaa0 ) هذا إذا ماكان صرخ بوجهها .. وهنا تبدأ تزعل ومشكلة أخرى ضمن مشكلة أولى ...

هذا أمر موجود في بعض أبناء آدم ... ولست أعمم فقط يخالفني بعضهم ويقول لا يوجد في ما ذكرت .. ولكن من خلال الدراسة المتواضعة التي أجريتها على هذا الجانب ... وجدت أن الغالبية الغظمى من أبناء حوى بهذا الشكل ............

وأرى أن الطريقة التي طرحتها أختنا الفاضلة ( إحساس ناعم ) جزاها الله خيرا ، لأنني أتوقع أن من تفعل ذلك مع آدم ... فلن تخجله حقيقة .. وإن غضب منها ( لا سمح الله ) فلا يجد خطئاً عليها لأنها لم تفعل ولم تقل إلا الصواب ...

أنتظر الاخوة الرجال ( أبناء آدم ) في تأييدهم لهذا الكلام من عدمه
تحياتي ؛؛؛

__________________
... ( بالحب نعيش أجمل حياة ) ...

اوكي اختي انا بقولج شي ...........


اول شي انتي ماتعرفين زوجك كيف يعاني من الشغل ياخذ تفكيره وهمه واهتمامه

فيجي البيت يدور الراحه والانس وهذا الشي بيحصله عندج معظم المشاكل تكون في العمل

او يمكن مايكون في مشكله بس مثلا ضغوط تخيله تعبان ومضايق ...

المطلوب هنا اسلوب السؤال كيف يكون انتي وفنك وخبرتك بزوجك هذا مانقدر نقولك اياه

بعض الحريم يطفرون بالريال يسألون بطريقه ممله وقصدهم بس فضول مش عشان يخفوون

عنه هذا الشي اللى يضايق الرجل

لا المفروض تغمرينه حنان وتحسينه انك اهل للثقه ممكن انه يقولك ويوثق فيج ويحس انك

راح تفهمينه فعلا وتخففين عليه .

بس ريحيه اذا شفتيه مضايق بابتسامه تنسيه هموم العمل وضحكيه والمرح وايد ترى مهم

والمزح يعني غيري الجو وخرجيه من حالة الضيق اللى هو فيها ويم تسألينه وتطمنين

عليه لاتكونين لحوحه او ادورين تفاصيل خليه على راحته .

الله يسعدكم يارب ويشيل منه كل هم وضيق .

الاخت نرجس ...لابالعكس طلتك "هي النور كله"
احساس ناعم: والله كلامك عين العقل ...دمتي الملاك في عين زوجك...
وجعلك الله واحة له يجد عند كل هناءه.
الحياوي = anaaaao
مرور طيب ومداخلة أطيب.
النور والحنان: سعدت بمروركم وتعليكاتكم الحكيمة ...
استفدت مما اوردتم ...والله يعيننا وياكم.
ضاحي : توجيهات سديدة ..وتنبيهات مهمة ياليت كل البنات يقرون ويستفيدون.
................................
الله لايجيب الزعل للكل وان يجعل كل واحد بستان للثاني ...يرتاح فيه كل مااتعبته الحياة..
سمر

__________________

من واجبات الزوجه سؤال زوجها عن ما بداخله ولكن بدون الحاح حتى لا يتضايق

وقد تختلف بحسب طبيعة الزوج

__________________

كلامك صحيح ...

اشكرك على المشاركة.

__________________