السلام عليكم يا احبابي في المنتدى


الحقيقه يا اخواني في الله احببت ان استشيركم ولا خاب من استشار لاكن بدون تعصب للمراه ولا للرجل احب الانصاف دائما

انا زوجتي بعض الاحيان لاتحترمني تتلفظ علي الفاظ بذيئه وكذلك تتهمني اني انظر الى الخادمه وقد كنت نظرت نظرة سريعه لا اقصد بها النظر الى الخادمه نفسها لاكن اول نظره كما اخبر الرسول صلى الله عليه وسلم او لمحه فهي تشك اني انظر الى الخادمه وانا شخص اعرف نفسي ملتزم ولا اقبل الكلام من احد علي فكانت مره منزعجه من امر ما فقالت لي انت تنظر الى الخادمه مثل العود في دبرها اجلكم الله اي انا مثل العود في دبر الخادمه فانفجرت من الغضب عليها ولطمتها على وجهها جزاء لها وانا ياجماعه انسان قلت لكم ملتزم ملتحي ولا ازكي نفسي لاكن للصبر حدود هي قالت هالكلام من عصبيه بها وانا لم احتمل هالكلام فبكت وقالت ابروح لاهلي وجاء اخوها واخذها وش رايكم وتقول طلقني بعد 14 سنه واربعه اطفال تقول هالكلام وش رايكم وهي شكاكه ولاتحترمني بعض الاوقات مادري من مرض فيها او مادري وش السالفه اشيرو علي وجزاكم الله خيرا \\

تم النقل إلى قسم المتزوجين..

وعليكم السلام ورحمة الله وبركاته,

اذا الخادمة هي سبب غيرتها الزايدة وهي سبب مشاكلكم فسفرها وريح راسك..

ليست المشكلة الخادمة لان الخادمة بالاجره بالساعه وليس عندي اصلا خادمة المشكلة هي انها تتلفظ علي بالفاظ بذيئه ولاتحترمني وانا اغضب واضرب احيانا ضرب غير مبرح ولاكن ردها علي وقح وبشغ جدا لايتحمله الرجل يا اخوان الزوج له كرامه ويجب على الزوجه احترامه والا وش فايده الدنيا تدرون وش الي صاير الان الزوجه تحسب نفسها مثل الزوج بالضبط لازم يراعيها ويخدمها ويقوم بشؤنها وهي اصلا مقصره معه بالتعامل وحسن التبعل وتبي معامله زينه مو معقول ؟؟؟؟؟

كوني له امه يكن لكي عبدا

يعني انتي لاتقصرين معاه وعامليه بحسن واحترام وشوفي اذا كان طيب معاك او خسيس انا اعترف انه يوجد ازواج اخساس زوجاتهم يعاملونهم بطيب وحسن تعامل وهم يسيئون لهن ياويلهم من الله

لاكن الي صاير معي غير زوجتي تعصب على وتعدى حدودها

يعني مره كلت لها جيبي مويه لو سمحتي قالت لا قم جب انت طبعا كانت معصبه قبلها

صراحه انا ماقلت شي وقمت شربت مويه لكن ليش هالتعامل وعصيان عشان امر تافه جدا جدا والله

لكن اسأل الله ان يخلف علي وان يرزقني زوجته حنونه مطيعه طيبه جميله واهم شي متدينه تخاف الله في زوجها وتتذكر قول النبي صلى الله عليه وسلم( زوجك جنتك او نارك )


وانا اكون لها خاتم في اصبعها لابد ان يتبادل الزوج مع زوجته الحب والحنان والمجاملات والتضحيات والاحترام لاكن يجب ان تبادر الزوجه اولا الى زوجها ثم ترى منه مايسرها ويثلج صدرها \\



والله ولي التوفيق ويصلح احوالنا واحوال الناس يارب

اخي الحل الوحيد
لاتطلقها
وان كانت لديك مقدره ماديه تزوج عليها وخلها في بيت اهلها الين تعرف قيمتك
ولكن لدي سؤال
طوال ال 14 عام من الزواج هل كانت نفس المعامله ام تغيرت مع الايام
حاول تتاكد ان لايكون هناك سبب مخفي مثل سحر او عين او شيء لم تنتبه انت له

__________________
لن يكون شيء في الكون الا ما اراده الله سبحانه وتعالى فلاتبتئسو ولاتحزنو بل اصبرو وتفائلو

حياك الله انساني ..

بالضبط زي ما قال فارس .. يفرق اذا هي من اول ما تزوجتو وهي كذا
ولا تغيرت مؤخرا بس .. وممكن يكون السبب عين او سحر لا قدر الله ..
وممكن يكون تراكمات نفسية كبيرة جواتها ..

وبعدين انساني .. من المفترض لا شميت ريحة عصبية
منها ما توقف وتعطيها الفرصة تهينك .. بكل بساطة عطها ظهرك
واطلع من البيت .. يعني انت لا تصلح الخطا بخطا اكبر منه ..

بعدين لما ترجع للبيت .. تكون مثلا جايب معك اي شي
رمزي تحبه .. (مو دايم) عشان تطيح كل ما براسها ..
اكيد تبي تسالك ليش عطيتني ظهرك ورحت .. تقول لها
ماحبيت اسمع منك كلام يكرهني فيك ...

هذا مثال وطريقة من بين عدة طرق تخليها فيها
تخجل من نفسها وتمسك لسانها معك ...

بانتظار بقية التفاصيل

__________________
شتان .. بين من تسيره مبادئه ، ومن تسيره مصالحه

اشكر جميع الاخوة الافاضل على الاراء الطيبه والحقيقه ان المشاكل بدأت معي من زمان بس كانت بسيطه تنهظم لكن من سنه والدعوه دمار الاخلاق نعال الله يكرمكم

اها يعني مو من اول سنوات الزواج ... يعني زوجتك بالاصل ماهي وقحة وردية معدن ..

انساني طيب كيف درجة التزام زوجتك بصلاتها وقرائتها للقران ؟
مواظبة ؟ ولا تستثقل هالشي ؟؟

__________________
شتان .. بين من تسيره مبادئه ، ومن تسيره مصالحه

احسنت زي ماقلت يالغالي بالنسبه لصلاتها يعني تصلي بس بدون سنن وتأخرها بعض الاوقات ماهنازود يعني لاكن الحقيقه من يوم راحت الشغاله قبل سنه خروج نهائي وهي تعبانه من شغل البيت وهي مره متنرفزه واخلاق زفت وهي اصلا ماتبي شغاله يعني ماتبي نقدم على شغاله لكن تتعب بشغل البيت وتربيه العيال وتدريسهم طبعا العيال اكبرهم ولد بصف اولى متوسط والباقين بالابتدائي وانا مادري وش اتصرف معها ابصبر اشوف اخرتها معي وامي تقول تزوج عليها عشان تعرف قيمتك بس لا تطلقها عشان العيال

وعليكم السلام ورحمة الله

اخي انساني

ماهي المواقف والاشياء التي تجعل زوجتك تغضب وتتلفظ بهذه الالفاظ ؟

وما هي ردة فعلك بعدها ؟

وكم مرة بالشهر مثلا تصدر منها هذه الاشياء ؟