السلام عليكم ورحمة الله وبركآته ...


أسعد الله جمعنا الطيب في صباح هذا اليوم الحافل


داريه اني تأخرت عدة ساعات لكن لظروف طارئة

تتعلق بالرفع والتحميل وما شابه

بصراحه اليوم زعلت مررة تخيلوا من ثلاث ساعات وانا مقابله الجوال

ما بين رفع وتصغير و كتابة اسم و بالاخر تحميل > الاخيرة هاذي رفعت ضغطي


المهم اني توي أخلص ... و تعبت جدا في ترتيب الاطباق بجنب بعضها

لاني بعد التصوير اكتشفت اني مصورة ست الاف صورة من قدام ومن الجنب و من بعيد

وحااااااالتي حالة ولا ... كمان بعد كم صورة اكتشفت ان وخيتي اللي وليتها مهمة التصوير

كانت الخبلة مشغلة الفلاش عشان كذا بعض الصور شكلها طالع خافت عن غيرها

رحت انا وسناعتي المعهودة حاولت ارقعها و اضبطها ويالله يالله طلعت بالاخراج

اللي اتمنى ان يحوز على استحسان المقل


ايه وقبل ما ابدا بالصور ... بقولكم ترى اليوم كنا عازمين مرتات اخواني و عيالهم


عشان كذا كثرنا الاصناف .. ولا ترى بالعاده حنا عايلتنا شويين فـ أكلنا محدود


طيب خلاص الهرج خلص نبدأ في الصور ...


لحد يستحي ان اعجبكم شي ولا شي مدو يدينكم




[IMG][IMG]http://im39.***********/SCBXi.jpg[/IMG][/IMG]

السفرة ككل ... طبعا ذي مو كلها من الطرف لانها كانت كبيرة و كان على بالي


اني بصورها من الطرف الثاني , لكن مع كثرة التصوير

على بالي اني صورتها بس بعدين شفت اني ما صورت كثير للسفرة كاملة


وهاذي من الجنب


[IMG][IMG]http://im41.***********/QIlad.jpg[/IMG][/IMG]



بصراحة أكلنا كان كثير و زاد كثير

مع اننا سوينا كم صنف لكن هما كمان جاوبوا معاهم اطباق

عشان كذا حسيت ان السفرة مرررة كانت زحمة

وهالشي مو حلو , تضطرين تشبعين بعيونك وما يكون فيه شبع حقيقي


المهم ... أول ما أذن بدأنا باللبن والتمر مع القشطة ومويا


[IMG]http://im34.***********/tNiAp.jpg[/IMG]


بعد الصلاة حطينا سفرتنا ولأول مرة نتبع هالنظام


لان عادتنا نحط السفرة كلها مع الاذان الأول وناكل كلوووو لين نقوم نصلي المغرب

وخلاص ... عادتنا مو حلوة بصراحه



نجي للأطباق الرئيسية ..



سيد السفرة طبعا , الايدام المقلقل باللحمة هذا يستحيل فطورنا بدونه


[IMG]http://im38.***********/b3yH9.jpg[/IMG]


الطبق الثاني .. المحشي بالكوسا والبطاطس والرومي



[IMG]http://im39.***********/uK7P5.jpg[/IMG]



الثالث مكرونة بالقشطة و الخضار ... ع فكرة الصورة هاذي صورتها وانا اغرفها


ولما جيت صورت المكرونة ع السفرة كان شكلها من بعيد ومو واضح


فاخترت احمل هاذي لانها اقرب و اوضح ..



[IMG]http://im35.***********/xxY9g.jpg[/IMG]


الايدام الباكستاني بالدجاج ...








الشوربة ....


آخر شي صورتها على جنب لان حاطينها بحافظة و تأخرت في غرفها


عشان كذا ما كانت موجودة ع السفرة






[img]http://im55.***********/Exj3GB.jpg[/img]








برب ... لحد يرد

__________________

‏
الوعي هو الملاذ ..

أستغفر الله العظيم ؛
( الفردوس غايتي )

الاطباق الجانبية ...


كفتة التونة + بيتزا دوائر



[IMG]http://im35.***********/U3W4b.jpg[/IMG]




سمبوسات الجبن الصغيرة ....



[IMG]http://im35.***********/pS63F.jpg[/IMG]



لقيمات محشية جبن ...


عاد كان نفسي الصراحة اني ارتبها و اسويها على شكل جبل لزوم التصوير

لكن اخر شي قليته هي ومستعجلة ما كان معي وقت


[IMG]http://im41.***********/o3ZRP.jpg[/IMG]



فطاير الاقماع حشيتها لبنة وخيار وجزر وخس

+ اقراص التونة بآلة التوست + سمبوسة باللحم , سويتها بالفرن







الحلى طبعا كان سوفليه ... الشي اللي انا احبه مررره ومحرومة منه مااقدر اكله

بس يكفيني لما اشوف اخواني مستمتعين فيه احس اني أكلت مسوية امهم على غفلة



[img]http://im47.***********/7BW5Zj.jpg[/img]



آخر شي ........



كاس شاهي خاااااادر ...



[img]http://im47.***********/NVvdvV.jpg[/img]

__________________

‏
الوعي هو الملاذ ..

أستغفر الله العظيم ؛
( الفردوس غايتي )

الصور كانت كثير مرة .. وبعض الأكلات اكتشفت بعدين اني ما صورتها للأسف

ولا لقيت لها صور عدلة . مع انو صورت كثييييير

وفيه صور عيت تنرفع معاي ,, بشوف احاول الليلة اذا فضيت برجع أحملها

بصراحة انا مو من هواة التصوير واكيد هالشي وضح الحين مع ردائتي

بس ما عليه مشوها لي ..


المهم يا ستاتي ,, هاذي كانت سفرتنا انا بصراحه ما طبخت كل دا لوحدي


سويت جزء منه بس اللي هو , الايدام الباكستاني + المعجنات و السمبوسة

و اللقيمات + و العدس >>> هذا الشي اللي ما بان للأفس


اي والسوفليه بعد ... والشاهي الحضرمي

__________________

‏
الوعي هو الملاذ ..

أستغفر الله العظيم ؛
( الفردوس غايتي )

ما شاءالله تبارك الله ..

عساها سفرة دائمة إن شاءالله

تشهي ماشاءالله ..

وتراني كنت مركزة عالسفرة ؤأنتبهت انه عليها أشياء ما كتبتي عنها

بس ماعليه بنمشيها هالمرة .. وخاصة بعد صورة السوفليه .. عجيبة الصراحه

ماشاءالله عليك .. أكتبي لي طريقتها ما عليك أمر .. وألايدام الباكستاني ..

تسلم ألايادي ؤعليكم بالعافية ..

__________________

ماشاء الله تبارك الله
عليكم بالعافيه
تسلم الأيادي عجبني السوفليه بالشكولاته وكل اﻷطباق مرتب ويفتح النفس
ماقصرتي احلى سفره

__________________
《اللهم استودعتك أطفالي الذي لا تضيع ودائعه》

امممممم
روووووعه
يعطيج العافيه

__________________
اللهم احفظ لي زوجي وسخره لي واحفظ لي اولادي

ماشاء الله سفرة عامرة بما لذ وطاب
الله يديمها من نعمة و يزيد و يبارك فيها

مدري ليه حسيت أني قاعدة آكل معاكم
حتى السوفليه كان زاااكي و احتجت بعد الأكل
للشاي , فعلا وقته
((أثر الجوع و ما يسوي))

تسلم ايادي الطباخات و بالعافية عليكم

__________________

ماشاء الله تبارك الله سفرة دائمة يارب وتسلم يدياتك يافوفو وعليكم بالعافية يارب سفرة رائعة وجميلة ومرتبة الله يسعدك يارب

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

يم يم
يس
لمو ايديكي جوعتيني والدنيا لسة صبح ...
بس ليش مابتاكلي من السوفليه؟
وشو يعني شاي خادر؟؟؟؟؟

__________________

أما فعلا يم يم يم يمممممييييي شكل الأطباق بيشهي .... صحة على قلوبكم وبالعافيه يا رب

وأخيرا وبعد طول انتطار نزل يوم جديد من أيام المسابقة

لو احتجتي أي ماعدة بالترجمة لملك شادي تراني حاضره

__________________