السلام عليكم

انا فتاة .... الحمد لله تربيت تربية فاضلة واهلي اجتهدوا جامد في تربيتي وتعليمي

في سن مراهقتي كانت ليا علاقة عاطفية عابرة .. تعلقت بشاب وعشان تربيتي تقريبا ما اتكلمتش معاه طول 7 سنين غير يجي 30 مرة

يعني كنت متعلقة بيه ولكني ما كنتش بكلمه خالص الا لو سنحت لي الفرصة اكلمه في التليفون مرة كل شهر او شهرين

والموضوع دا كان بادئ من الاعدادي حتي دخولي الجامعة

ما بعتبرهوش غير مراهقة ... بس وقتها بنيت احلام كتير انه دا هايكون زوجي

كنت مشغولة جدا بالدراسة والمذاكرة

ما بعملش حاجة طول الدراسة غير اني بذاكر وفي الاجازة معظم الوقت علي النت

عندي صحاب كويسين اوي الحمد لله ودي نعمة

والدي كتير كان بيضيق عليا في حاجات كتير وخاصة اني البنت الكبري وبيجرب فيا

شديد اوي معايا وخوفه عليا اشد شوية من خوفه علي اخواتي البنات يمكن عشان وانا طفلة تعرضت لمحاولة اغتصاب ولكني بكر

موضوع الاغتصاب دا مش مأثر عليا خالص وتقريبا ناسياه ... انا مش عارفة انا ذكرته هنا ليه بس يمكن يكون يعمل فرق


انا مخطوبة من شهر

اتعرفت علي خطيبي من 5 شهور وكان والدي مسافر فا ماكانش خطيبي قادر يجي البيت يتقدم عشان سفر والدي

اتعرفت علي خطيبي بمعرفة اهلي والحمد لله

طول ال 4 شهور الاولنين ماكانش في عاطفة من ناحيتي له


كنت بدرس الموضوع بعقلي تماما

وجدت فيه صفات كتير جدا حبيتها

احترمته جدا جدا

وبعدين حبيته

هوا ما اخدش الوقت الطويل دا هوا حبني من مدة قصيرة بعد التعارف

استحملني كتير جدا عشان الخطوبة تتم

كانت بيحصل مني حاجات غريبة ... كنت ساعات بتلكك وعاوزة اقفل الموضوع ( يمكن عشان قبلها علطول كان في حد متقدملي ظروفه احسن من خطيبي شوية )

لما خطيبي جه البيت اول مرة عندنا شوفت شكله وحش جدا لاني ما كونتش شوفته غير مرة علي الحقيق والباقي صور ( مع انه ماشاء الله عليه شكله جميل جدا ومع اني مش بهتم بالشكل بس مش عارفة ايه اللي كان بيحصل ده )

انا قولتله وقتها اني مستغربة شكله .. وهو فهمها اني مش حاباه واتأثر نفسيا جدا وطلب مني نقفل الموضوع بسبب اني مش مقتنعة بيه

وانا مقتنعة بيه جدا بس مش عارفة كان ايه سبب استغرابي شكله ده

خطيبي كان متفاهم جدا وطلب مني يقعد معايا تاني ونتكلم ... وفعلا اتكلمنا وطمني جدااا

مواقف كتير حصلت بينا اثبتت لي انه شخص جاد وعاقل جدا

تمت الخطوبة الحمد لله

قربتله اوي من بعد الخطوبة

حبيته اوي اوي وكل يوم حبي ليه بيزيد

انا ما كنتش عاطفية ولا رومانسية خالص وجافة كده دايما مع اهلي ومع صحابي

لكن بسببه بدأت الين شوية ... واتعامل معاه بحب واتكلم معاه كتير جدا

كنت رافضة كلام الحب في فترة الخطوبة ... لكن حصلت بينا مشاكل كتير اني مش بقوله كلام حب

وبدأت اتجاوب معاه واقوله كلام حب

نسيت اقول انه بيقضي فترة جيشه .. يعني مسافر ايام كتير وبيجي اجازات وطول ما هو في الجيش بعد ما يخلص شغله عاوز اني اتكلم معاه طول اليوم

بقيت بحسه عاطفي اوي ... مش عارفة دي عاطفية ولا دا من حبه ليا وضيقه اننا بعيد عن بعض

لما جه الاجازة اللي فاتت قربنا من بعض اوي وحصلت تجاوزات للاسف ( مع اني والله والله عمري ما اتخيلت اني ممكن اعمل كده في حياتي ابدا ) وهو كمان محترم

وقررنا اننا نقلل كلامنا وهو قرر انه ما ينزلش من الجيش الا اما ينفع نكتب كتابنا

لكن ما قدرش وكلمني تاني ... كلامنا في التليفون معظمه كلام حب ( بس مش كلام وحش ولا حاجة )

حصلت مشكلة بينه وبين أهله صعبة جدا انهم عاوزين يخطبوا لاخته الصغيرة وهي لسه في الثانوية لشخص هوا شايفه غير جدير بيها

هوا علي فكرة بار جدا بأهله

لكنه في الموضوع دا اتعامل معاهم بحدة جدا وساب البيت وقالهم انا مش هارجع تاني لو الجوازة دي تمت

هما كلموني وعزموني علي خطوبة اخته فا وانا بكلمه قولتله ارجوك اوعي تقولي ما تروحيش وعشان خاطري كلم والدتك وطيب خاطرها

لكنه كلم اهله واتنرفز عليهم جامد والله اعلم ايه الحوار اللي دار بينهم

لما كلمته بعدها كان منهار جدا جدا وقعد يقولي انا عاوز نفسخ الخطوبة انا خايف اظلمك معايا لاني الوقتي من غير اهل انا ماعدش ليا دعوة بأهلي واكيد والدك مش هايوافق بالوضع ده

انا قعدت اسأله هل دا بسبب انك شايفني بنت مش محترمة ( عشان التجاوزات ) لكنه رفض تماما وزعل مني وقالي انا عمري ما افكر كده

انا عارفة انه كل اللي قاله عن فسخ الخطوبة دا مش هايحصل لانه متعلق بيا جدا وحاليا مش بيكلم حد غيري حتي اهله مش بيرد عليهم

يوم خطوبة اخته انا روحت الخطوببة ولما رجعت كلمته وماقولتلوش اني روحت ولا هوا سألني عشان ما يحرجنيش

كل اما اكلمه يسكت ... كتير اوي بكلمه بيكون متضايق مش بكون عارفة اعمل ايه اقعد اعيط

بحس اني مش قادرة اهون عليه الظروف الي هوا فيها
من بعد الخطوبة بقيت بعيط كتير جدا وكلهم في البيت ملاحظين كده
يوم خطوبة اخته دا كلمته كان بيسكت كالعادة ... انا اتضايقت اوي وقعدت اكلمه بالعقل واقوله عن بر الوالدين وانتا مش من حقك تحكم علي اهلك بحاجة .. سمع مني لغاية اما خلصت وقفل السكة في وشي

طلبني بعدها وقالي كلام صعب جدا
قالي انتي ما بتفهميش ومعندكيش قلب وانتي عمرك ما هاتحسي ولا بتحسي اصلا وقالي انتي ما عندكيش غير دموع بتعبري بيها عن عجزك وبس

وقالي انتي انانية جدا ومش هامك غير نفسك
وقتها قعدت اعيط جامد جدا وانهرت تماما وقعدت انادي علي امي بصوت عالي وهوا كان سامع كل دا عالتليفون ونديت لامي وخلتها تحضني

وقتها هوا سمعني منهارة راح طلب امي وسألها عني وصمم انه يكلمني عشان يهديني

وكلمني وقعد يعيط جامد وراح أغمي عليه وهوا بيكلمني

اغمي عليه مرتين ورد عليا حد من زمايله قالي انه تعبان جدا
كلمني بعد ااما فاق وقالي خليكي جنبي وكان بيعيط

تاني يوم الصبح مش بيرد عليا ولما رد قعد يقولي مشغول
انا مش عارفة اتعامل معاه

انا عارفة اني شديدة
بس انا مش بعرف اعمل ايه عشان اهون عليه .. انا بكلمه كتير جدا طول اليوم وهو عاوز اكتر وانا في البيت وساعات بزهق بأمانة ساعات الكلام بيخلص
وهو دايما مخنوق ومحتاج الي يتعامل معاه بحنية
افيدوني بالله عليكم انا بحبه اوي ونفسي اهون عليه ونعيش حياة حلوة

بطنش بعض الأمور اللي كتبتيها...

و بعلق على الجوهر بس...

خطيبج معصب من اهله لأنهم يبون يزوجون بنتهم و هي صغيره لواحد "هو يعتقد انه مب كف"..

انتي شو يخصج في الموضوع؟؟؟ زعلان منج انتي ليش؟؟؟

زعلان مني عشان بكلمه في الموضوع وانه واجب عليه بر الوالدين وبيقولي انتي ما تعرفيش حاجة وماتكلمنيش في الموضوع دا تاني

أختي الكريمة علاقته مع أهله مالك دخل فيها إن شاء الله يروحوا هما وأياه بستين داهية، أمزح بس قلت بجرب الكلام المصري


أختي يفترض أنك ماتدخلي بينه وبين أهله، خليك بس بعلاقتك معاه، الرجل لايحب أن توجهه أو توصيه البنت على أشياء لأنه يشعر أنه مو قد الثقة أو مش كفء، نعم من الممكن طرح وجهة نظر بأسلوب في خصوص العلاقة مع أهله إذا وجدتيه متقبل، أما إذا رأيتيه ينفر من ذلك فلا توجعي دماغه بتدخلات، وفقكِ الله.

__________________
ياصبحِ لاتِقبل !!
عط الليل من وقتك..

لاحولة ولاقوة الابالله
اختي حاولي ان لاتتحدتي معه عن اخته ولااي شيئ كلميه عادي زي ماهو بيحب نا اظن خطيبك انسان عاطفي جدا وحساس لازمه وحدة تدلعه وتحس به يعني تعامليه كالطفل فقط
نصيحتي لك لاتخرجي معاه الى اي مكان حتى يكتب كتابك اختي لاتتسرعي واستخيري الله عز ووجل وماعلينا الابالدعاء ا

اختي الرجل لا يحب النصح
حاولي ان تقراي له حديث او روايه عن احترام الوالدين بين فتره و اخرى من دون التطرق الى النصح.
زوجك يشعر ان اهله لم ياخذوا برايه و هو متالم لذلك.
يظهر انه رومانسي و عاطفي جدا. العاطفي يكون سريع الانفعال.فليكن الاحترام شعارك الاول في الحياة.
دمت

جزاكم الله خيرا

بدأت ما اتكلمش معاه في الموضوع واعامل بحنية اكتر والحمد لله في تحسن

شكرا لله على تحسنه