زوجي طردني من البيت بسبب الجيران المستجدات بالرد35_39_53)حلت المشكله
السلام عليكم ورحمة الله
السلام عليكم ورحمة الله*
زوجي حبيبي ونور عيوني للأسف. طردني من البيت بسبب الجيران*
الي صار وانتم أحكموا بس والله قلبي موجوع والموضوع ما يستاهل بس مدري ليه زوجي كبر الموضوع كدا.*
الي صار انه كنت أنا في الشرقية مع امي وأختي وأخويا نحضر زواج ولد خالتي رحت الخميس ورجعت بيتي السبت*
زوجي وانا في الطريق اتصل عليه متنرفز وطلب يسال عن شاحن ماكينة الحلاقه له وما لقاه بالرغم ان عنده غير هالماكينة ماكينتين مؤ هنا المشكلة وسال كمان عن الفحم يبغا يبخر البيت ومن ضمن كلامه أنا مقهور منك وين تودين اغراضي بصراحة تفاجات من أسلوبه ليه معصب قلت له اصلا فحم مخلص. والشاحن ان شاء الله ارجع وادوره لك*
وقفلت بس حزت في خاطري حتى ما سال عني المهم قلت في نفسي لا يكون زعلان لاني سافرت الا وشوي ارسلي رسالة وقالي فيها معليش لاني مضغوط انا ارسلتله احبك والله ييسر لك ويفرج همك ولما وصلت البيت لقيت البيت كارثه غرفة النوم مقلوبة فوق تحت وزيت مكبكب في كل مكان والمطبخ نفس الشي *المهم اتصلت عليه بدلع. بالرغم اني مقهورة من تصرفه ليه قلب البيت كدا قلت له ودي أشوفك الليلي واحشني متى تجئ قالي أنا مشغول وماني جي وحاولت ارتب على الاقل غرفتي ونمت بعدها*
ثاني يوم رحت دوامي وقبل ما اطلع من البيت. جأت شغالتي *سلمتها البيت وطلعت المهم لما وصلت البيت حوالي الساعة ثمانية اتصلت الشغالة وقالت لي مافي موية الموية مقطوعة*
فقلت كالعادة نحتاج نشغل دنموا الخزان علشان الموية لان الي عندي في البيت ماهو اتوماتيك لازم كل ما فضي الخزان. نشغله والمشكله انه موجود خارج البيت مسومين له غرفه خاصة*
أنا اتصلت اول شي على اخويا لانه المفروض يكون في البيت لان دواميه بالليل الهم قالي أنا لسه في الدوام علشان استلم راتبي فقلت له اذا رجعت البيت لانه ساكن معايا في شقتي افتح الدنموا فقالب أنا مفتاحي ضيعته فقلت له طيب اتصل على اي احد من الجيران او كلم المؤذن لان شقته مقابل شقتنا فالي اخويا أنا ما عندي رصيد اكلم بيه قلت له تصرف المهم اني قفلت*
وبعدها قلت ليش ما اكلم أنا زوجة المؤذن وأشوف*
المهم اتصلت عليها وقلت لها معليش على الإزعاج اذا عندك احد ياريت تفتحوا الدنموا لان اخويا في الدوام ومضيع مفتاحه وزوجي بعيد قالت بشوف وقفت*
وبعد يمكن خمس او عشر دقائق. اتصل زوجي سألني انتي في الدوام قلت له ايه فعرفت انه ما رجع البيت لانه لو كان رجع كان عرف اني من موجوده ولا سألني انتي فين المهم قلت له البيت ماليه. موية واخويا ما عنده مفتاح له المهم قالي ان ابو فلان الي هو المؤذن يمكن الحين بالدوام وموموجود أنا مقاتل له اني اتصلت على زوجته وسكت*
المهم بعد حوالي نصف ساعه كلمت الشغالة وقالت لي الحين ايوه فيه موية واتصلت بعدها ما اذكر يمكن نصف ساعه تسال عن الهيل لان زوجي وصل البيت ويبغا قهوه أنا وصفت لها المكان وعرفت*
المهم الوضع الى الحين تمام*
الساعه ثلاث العصر اتصل زوجي معصب وقالي اليوم متصله على ام فلانه ايش بغيتي منها قلت له اتصلت علشان يفتحوا الدنموا فقالي يعني من مين قلت أكيد زوجها قالي ايش رأيك احذفي رقمها من عندك وأعطيك*ًرقم زوجها متى ما بغيتيه اتصلتي عليه قلت له. حرام عليك ايش الكلام دا. وأشي أبغا فيه هوه أنا مالي خص فيه قالي ايوه مالك خص فيه اجل ليش تطلبي منه يفتح لك الدنموا لان المؤذن يقول دخلي عليه في المجلس وهو يضحك ويقول زوجتك اتصلت على زوجي يعني تبغاها تفتح لها الدنموا يعني تطلع الشارع علشانها فزوجي زعل لان في المجلس مهاه رجال ماكان لوحده أنا لما قفل السماعة أرسلت لها ما اقول الا حسبي الله ونعم الوكيل وبس *
المشكله كلنا في عمارة وحدة وما سويت كدا الا أبغا الشغالة تنظف اللكركبه الي سواه في البيت بسبب انه يدور الفحم والشاحن والزيت الي مكبوب في غرفة نومي والمطبخ*
والله تعبت برجع اكمل*
04-09-2012, 04:24 PM
ضوابط المشاركة
العرض العادي
