اتهزأ وأسكت؟

__________________
سبحان الله وبحمده ، سبحان الله العظيم

اهلا غاده
باذن الله ماعندكم مشكله كبيره
الزوج الي يدقق متعب وغالبا نكدي
لكن الحمدلله زوجك فيه صفات كويسه كثيره وقلبه طيب
ماراح اتكلم عن العلاقات الزوجيه لكن فيه شي لفت انتباهي
اسقاطك كل المواقف على نفسك وتاكلين بنفسك
وسؤالك هل تشوفني فاتنه وجميله دليل عدم ثقه
مشكلتك غاده زوجك محور كونك وتعيشين على مدحه ورضاه ووضوحه غيره تعيشين بتوتر والم وشك وريبه وسترس يمنعك من متعه الحياه وهذا غلط

انا فعلاً عندي هذي المشكلة
ومو بس مع زوجي حتى مع صديقاتي او خواتي
عندي رغبة فظيعة لارضاء الاخرين ، ولو احد منهم صدّ او تغير على طول شغلت شريط عقلي واسترجعت الاحداث.
وش سويت وش قلت وش بدر مني 🥲

ومع زوجي زيادة ع كذا هو دقققييق واي كلمة او ايماءة او تعليق ممكن ينفهم غلط !!
وبرضو مو مسألة محور كوني فقط .. انا اكرررره اكرره اكون مستغفلة
وتقدرين تقولين عندي هوس للموضوع هذا
لا تلف وتدور من وراي
تعال صارح وواجه .
واللي زاد الوضع قبل شهر قريب زوجي وصديقه متزوج معنا وفجأة بوم طلع عنده زوجة ثانية وله منها طفلين !!
ومن عرفت وانا متوترة..
انا حرفيا احس بمشاعر زوجته شلون 8 سنوات مستغفلها !

__________________
سبحان الله وبحمده ، سبحان الله العظيم

يا اختي خذي هذي الحكمة تسعة اعشار العقل في التغافل
و المتغافل مو بغبي وانما ذكي لانه ما ينكد حياته بالتدقيق و البحث كانه يعمل في الاستخبارات وكل موقف يطلع كونان يحقق
صاحب زوجي متزوج وزوجي متغير اذا زوجي ايضا متزوج
و طريقة التحقيق و اشترار الماضي و المواقف ما منه فايدة وانما مرررهق للاعصاب و منكد للحياة

والله معاك حق .. وكلامك صحيح
مرهق جدا ومتعب التدقيق وكثرة التفكير والتحليل
واغلب مشاكلنا على هالموضوع .

__________________
سبحان الله وبحمده ، سبحان الله العظيم

انا كنت اتبع طريقة التدقيق
و التحسس من كل تصرف يقوم به الزوج
اذا تاخر عن الموعد اغضب و افسر فعله بقلة الاحترام
اذا تاجل المشوار ازعل و اذا خرجنا اكون ضاربة بوز و ما اتكلم معاه
فاصبحت امراة نكدية
تغيرت بمجاهدة نفسي و ابتسم وان كنت مزعوجة اتجاهل و اتغافل و الله تحسنت حياتنا

زوجك يدقق على التفاصيل وانتي تدققي على ردات فعله وتحللي وتبالغي بالتفكير

قبل شوي صارت انتكاسة فظيعة لي ..
غير فخورة بنفسي ابدًا

زوجي الفترة الاخيرة صار متفتح ، يحضر حفلات غنائية وحضر حفلة غنائية بالرياض اسمها ميدل بيست
وتكلمت معاه وشديت معاه بهالخصوص اني ما اسمح ابدًا بهالطريقة بالحياة لشريك حياتي
وتكلمت عن دوره كأب وكمربي وبلا بلا بلا
صار فيه فجوة دينية بيننا انا متمسكة برضو اهله متمسكين اكثر مني
وهو لا انصاع للتوجه الجديد والانفتاح.
وهالشيء مو معجبني


قبل شوي صور فيديوهات في جواله واعطاني اشوفهم ،
وبالخطأ لفيت ع الصور القديمة بدل من الجديدة

وطلع لي مقاطع كأنه مرقص رايح له بسفره اثناء العمل.
سكرت الجوال وسكتّ .. وبديت اكل بنفسي مستحيل اسكت .. مستحيل ومستحيل اكون طبيعي معليش يروح لمراقص ويجيني انا يالعفيفة الطاهرة النظيفة !!
قلت اكيد مافي انتداب من الاساس رايح للدشرة
وممكن رايح ياخذ مسيار ابو اسبوع ..
والافكار تاخذني وتوديني
قلت مافي زي الصراحة .. مارح اسكت انا

رحت له وقلت ابغى جوالك بشوف شيء
وش تبغين وش بتشوفين قلت بتاكد من شيء !
فتح لي الجوال ووقف ع راسي

رحت ع طول للاستديو وفتحت الفيديوهات .. طلعت فيديوهات مطعم مشهور بمطربته وزوجي يحب يروحله .
لكن طريقة اضاءته تعطي ايحاء انو مكان مو كويس 😁
اعطيته الجوال قلت خلاص تطمنت
قال وش توقعتي يعني .. قلت توقعت رايح لمرقص ورقاصات ..

بس اجواء المدينة اللي رايح لها غالبًا المطاعم يكون فيها مطربة واحيانا راقصة
وانا بصراحة ماعندي مانع بكيفه ذنبه ع جمبه !

قال طيب فيه راقصة بهالمطعم!! قلت الوضع مختلف انك تروح لسهرة عشاء ومطربة وفقرة من الفقرات راقصة هذي ثقافتهم وفنهم وانت مو صغير ولا جاهل تعرف الحلال من الحرام وانت حر !

لكن تروح لمرقص عشان اجواء الرقص وتتفرج وتهز مع الراقصات لا طبعا وما الى ذلك من محرمات
قال شدعوا وش توقعتيني وبلا بلا بلا


انا اقسم بالله كنت اوبن مايندد ، وحتى غيرة ما اغار
لكن الفترة الاخيرة صاير وضعي لا يطاق.
صايرة شكاكة واتمادى بالتفكير 😭 لازم اتعالج
وافكر جديا اروح لاستشارة نفسية .

__________________
سبحان الله وبحمده ، سبحان الله العظيم

يبدو لي مع الانفتاح الي حصل في السعوديه الشعب انقسم قسمين
واثر ذلك على الاسره نفسها
ومنها قصه اخونا فارس
وان كان وضعكم ارحم
حقيقه غاده وش الفرق مطعم اكل بار رقاصه مطربه
وش تفرق انها بخمس نجوم ولا نايت كلب مخصص
الفرق عندك انتي ، مو مهم وش يروح له المهم المكان يكون هو حسب تصنيفي
بديتي تحطي معاييرك للصح والخطا
مع ان لو تفكرين فيها الوضع هو هو
اذا فقدت الثقه في الحياه الزوجيه اصبحت لا تطاق وقريبا تنهدم
نعم لازم مستشار او مستشاره تساعدك بهالفتره

و الله مو مصدقة لما الت اليه الاحوال في بلاد التوحيد حفظها الله و رزق ولاة امورها البطانة الصالحة و هداهم و سدد خطاهم لما يحب ويرضى

كما قالت مبتعثة والله الامر نفسه رقاصة خمس نجوم و لا رقاصة في كباري او مرقص ليلي نفس الشيء الحرام حرام ولكن عندنا يفرق لما يبدا يصل لحدودنا نحن مثلا زوجة لما تحس ان هذا نوع من المعصية هو خيانة لها تبدأ تتاثر اما ان كان حدود الله فهو حر بينه و بين ربه ....
يمكن اظهر متشددة لكن لا افهم طريقة التفكير
كيف واحد يعصي ربنا و يريد حياة سعيدة كيف يرى المعصية و لا ينكرها بالقلب اضعف الايمان و يريد حياة سعيدة والله ما عم افهم
لا يفهم احد اني اقول لها تطلقي او تخانقي وانما تسعى جاهدة في اصلاح نفسها و زوجها ... ليش التساهل في امر الدين .... ان قلت غضبه العير مبرر تساهلي طنشي لكن امور الدين لا ادعيه بالحكمة و الموعظة الحسنة ذكريه بالله و باليوم الاخر و الحب الحقيقي ان نخشى على احبتنا من النار من الضياع
كيقول احد السلف و الله اني لارى اثر المعصية في خلق دابتي و اهلي