انا مررررررة انصدمت من خطيبي تخيلو راتبه 7 الاف ولة سنه شغال وزواجي في نص القعدة تخيلو استاجر قاعه ب14 الف شامل انا مرررة اتضايقت انا ماني مادية ابغى في قاعه فخمه بس الي طلبته قاعه معقولة بحدود بس انا دحين مو هامتني القاعه بس خايفة انو يكوووون بخيل حاسة نفسي كرهته مررة من اول جالسة ابكي وحاسة بضيق مايعلم في الا الله خايفة من بخلى لانه طول فترة الملكه ماجاب لي هدية الامرة وحدة وحاسة نفسي ماني مرتاحه بالزواج ولافرحانه طول اليوم جالسة ابكي مخنوقه وحاسة نفسي ماني مقتنعه فيه بس الي خلاني اكمل معاه هو دينه وطيبته بس غير كذا اشعر بعدم الراحة واشعر بضيقة وخوف شديد

::
الله يهديكِ
أنت شايفة أن قاعة بـ 14 ألف شيء بسيط عند رجل ماله غير سنة يشتغل
وراتبه متواضع ..؟!

ياعزيزتي الشكليات والمظاهر ماهي مهمه عند سعادتك مع هالإنسان وتوفيقك
معاه
ووالقاعة إلي بـ 14 ألف كافية وزيادة

أما حكاية أنه بخيل لا ماهو بخيل وكثر الله خيره
وترى كثرة الهدايا أيام الملكة مو دليل كرم

ياعمري أرتفعي بتفكيرك فكري في أمور أهم
أبسطها أنكم تبدأون حياتكم بدون ديون ووجع رأس

::
الله يهديك ويوفقك

ابغاكم تقولو الصراحه مابغاكم تجااااااملوني الله يسعدكم والله انا حيل متضايقة والقاعه هذا سعرها شامل مو بس ايجار

والله مو مهم القاعة اعرف لك ناس تزوجوا زواج عائلي وقاعاتهم عاديه لكن بعد الزواج ماقصروا مع زوجاتهم
يعنننننننني

اهم شيء هو بعد الزواج ايش

انتي ادعي ربك وقولي اللهم اجعله غني يغنيني وكريم يكرمني وطيب يطيب قوله وفعله

والله يستجيب لك

بعدين احمدي ربك راتبه زين ماشاء الله

والله يختاي عااااااااااااادي انا اختي لما تزوجت تخيلي ابوي حتى دافع معاهم في القاعة قالو النص بالنص احنا مانقدر ع التكاليف
وزوجها ماشاء الله تبارك الله الان مايقصر معاها بشيء
الله يغنينا ويغنيكم ان شاء الله من فضله

اين هي المشكله سامحك الله

من المفترض انك تحمدين ربك على هذه النعمه التى رزقك الله بها
وتذمرك وسخطك على اتفه الاسباب سيغضب ربك سبحانه
عزيزتي الزواج ليس مظاهر وشكليات وقاعه وهدايه بل الزواج هي حياة كامله
انتي لاتعلمي الضغوطات التي يواجهها الزوج في وقت زواجه من مهر وشبكه وتأثيث وشقه وهذا الامور تحتاج الي تفكير وجمع مال فعليك ان تراعي ضروف زرجك في هذه الفتره
ولا ارى استأجار قاعه ب14 الف قليله بال معقوله جداً
وفقك الله ..

__________________

مادري ليه احس بغصة في قلبي زواجات اقاربي واهلي كانت في احسن القصور رغم انو رواتبهم اقل من خطيبي الا انا في ارخص قاعه يارب رضيني بما كتبته لي واسعدني وابعد الهم عني

احمدي الله
وياكثر الي زواجات فخمه واخر شي طلاق

الله يوفقك ولا تتشرطين كثير
وياليت قبل زواجك تقرين عن الحياه الزوجيه


الله يتمم لكم علي خير

__________________

بصمت بالعشره ان معظم البنات جاحدات للنعمه الا من رحم الله

عشان قاعه بـ 14 الف تبكي و محروقه و حاسه انك كارهة الدنيا و ندمانه انك وافقتي

دنيا عجيبه ..!!

اسمحي لي اقول لك

دام هذي اولها انتبهي على نفسك لأنك بكذا فتحتي باب للمقارنه ما راح ينقفل

كبري عقلك و ارضي بقسمتك و احمدي ربك على النعمه و لأن شكرتم لأزيدنكم

14 ألف شويه في نظرك !!

تعالي نحسبها راتبه 7 آلاف المسكين

وله سنه يشتغل قولي يجمع من راتبه 5 آلاف اذا كان يوفر كثير

5*12 = 60 ألف

كم مهرك

مو أقل من 40

40+ القاعه 14 + السكن مو أقل من 20 كم يساوي = 74 ألف على الأقل بدون السياره والمصاريف الثانيه

يعني أكثر من اللي جمعه خلال سنه

أكيد أنه متسلف وعليه دين


باللهي عليك هذا بخيل ؟؟

استغفري ربك بس

واحمدي الله على النعمه

هذا بدال ما تعينينه على حياته جالسه تقولين بخيل !