والله إني قاعدة ارتجف ومب عارفة شاسوي..
أنا الاسبوعين اللي طافوا كنت بديرة هلي أقضي الاجازة ..
اكتب وامسح أفكاري متلخبطة..
من فترة فتحت ايميل زوجي وكان ضايف وحدة باسم شيطونة..
وبعد فترة قلت له ترى انا شفت هذا الاسم في ايميلاتك الاثنين يعني لا تقول بالغلط..
قال ما أدري وضيع السالفة..
وأنا طنشت..
قبل شوي شفت في جواله مسجات من بنتين..
وحدة من البنات مطرشة ايميلها وتقول.. هذا ايميلي بس ترى أنا مب شيطانة..
والثانية بعد كل مسج تحط اسمها بين قوسين ( حلا )..

باموت..
أنا في هالحالات اللي مرت علي واااااايد ..
على طول اتصل به وأقول له أني عرفت وأكون منهارة..
وطبعا هو يقلب علي السالفة .. ليش تفتشين في جوالي..

ما أعرف أشلون أتصرف..
ساااااااااااعدوني..

هو ألحين بالدوام وماراح يطلع إلا بكرة الصبح..

اختى الكريمة بحرينية ولكن

الصبر ثم الصبر لاتستعجلين وفي نفس الوقت حطى عينك بعينه عشان تنزلين لمستواه

لازم يشوف سؤالك له ويشوف تعابير وجهك وبدون رفع صوت منك

رتبي سؤال له المهم لازم تكونى متماسكه وما تنهارى

لازم تكونى عاقله وتحاولى انك توصلي له فكرة ان هذا غلط وحرام

بالايات القرانية والدعاء له بالهداية

هذا الحل يابنتى سهل وممتع جدا لان الاجر لك من الله على صبرك

وصدقينى الخيره فيما اختاره الله

أنا باموت من القهر كل مرة يقول لي هذي آخر مرة..

سمار..
هو عارف إن غلط وحرام..
بس على قولته: أنا ماعملت الغلط الكبير..

أختي الكريمة
لا تستعجلين واتمنى منك تصارحي زوجك وقولي له اتق الله فيني وفي عيالك
هل ترضى أني اسوي هذا الشئ أو بنتك
اتق الله
وعليك بالدعاء له بالهداية

وأسأل الله أن يريح بالك ويفرج لك همك

__________________
جاء في الأثر أيضا خير الناس أنفعهم للناس .


ما أروع الانجاز والعمل المخلص اذا كان خالصا لوجه الله تعالى,, وكم من مؤمن وقاه الله شر صروف الدهر وأتراح الحياة فبارك الله له في عمره وماله وأولاده ووفقه الى كل خير وحبب عباده فيه، بسبب ما يقدمه في حياته[/SIZE][/B]

أشلون أفتح الموضوع من غير ما تصير سالفة كبيرة..
لأني بصراحة مليت من المشاكل..
حتى إني والله أفكر أخليه يلعب ويسوي إللي يبيه بس اكون مرتاحة واعيش من غير هالمشاكل..

شوفوا المسج..

(( حكرتلي توني باقولك مادري ههههه بس اكيد لين قعدنا مع بعض أكثر بتغير اشياء وايد ان شاء الله وانت لا تحاتي ولا تفكر وايد تراني اخاف عليك : ) ))


آآآآآآآآآآآآآآآآآآآآآآآآآه

الله يعينك ويصبرك
وعندي رأي ليه ما تصبرين عليه يمكن يخجل من نفسه أو أهديه شريط بخصوص الخيانة الزوجية يمكن يتعدل

الله يفرج لك همك

__________________
جاء في الأثر أيضا خير الناس أنفعهم للناس .


ما أروع الانجاز والعمل المخلص اذا كان خالصا لوجه الله تعالى,, وكم من مؤمن وقاه الله شر صروف الدهر وأتراح الحياة فبارك الله له في عمره وماله وأولاده ووفقه الى كل خير وحبب عباده فيه، بسبب ما يقدمه في حياته[/SIZE][/B]

صاحب رأي سديد جزاك الله خير..

يعني برايكم أسكت وللا أتكلم وأصارحه ؟؟

أصبري عليه شوي ولا تستعجلين ويخلق الله ما لا تعلمون

تحياتي

__________________
جاء في الأثر أيضا خير الناس أنفعهم للناس .


ما أروع الانجاز والعمل المخلص اذا كان خالصا لوجه الله تعالى,, وكم من مؤمن وقاه الله شر صروف الدهر وأتراح الحياة فبارك الله له في عمره وماله وأولاده ووفقه الى كل خير وحبب عباده فيه، بسبب ما يقدمه في حياته[/SIZE][/B]

الله يعينك عليه

لكن اصبر عليه يمكن الله يهديه إن شاء الله