انا متزوج من سنة تقريبا
انا موظف في بقيق وزوجتي واهلها من الدمام
تقريبا كل نهاية اسبوع نذهب الى الدمام الى اهل زوجتي وفي بعض الاسابيع تقريبا مره بالشهر نذهب الى اهلي يبعدون تقريبا 3 ساعات عن الدمام
زوجتي الحمدلله فيها جانب كبير ايجابي
لكن فيها مشكله توني انتبه لها بعد زواج دام تقريبا سنة
زوجتي لما يكون بينا نقاش حاد او زعلانه اذا انا نمت تسوي حركات لي وانا نائم مره ترمي الوساده علي وجهي ومره تسحب اللحاف عني ومره تشغل افلام من الاب توب والصوت يطلع وحتى مرات كثيره تسوي حركات تبي تستفزني اخرتها امس قالت بروح للمجمع وانا على بالي ان المحل اللي تبيه بوابه 4 ومن اليوم وين بوابه 4 وافر المجمع ويوم جيت بوقف على البوابة قالت لا نبي البوابه 8 وحتى لما جينا للمحل تخيلو دخلنا وفجاة وقعدنا 14 ثانية وقالت ماعجبني شي
الموقف الاساسي اللي خلاني افتح عيوني
بالعاده ننام في بيت اهل زوجتي وحاليا نسيبي بيتزوج قريبا وزوجتي عند اهلها وخالتها جايات وزجتي تريد النوم عند خالتها لان خالتها كلهن مجتمعات وانا سمحت لها بذالك ونامت عند خالتها 4 ايام واليوم الخامس دق علي عمي ابو زوجتي ( عمي انسان غيور ) وقالي بما معناه ان مايصير زوجتك تنام عند خالتها وبيت ابوها موجود وبيت زوجها وقالي هالحكي بيني وبينك المهم اني ثاني يوم كلمت زوجتي وجبتها لبيتي في بقيق وهي ماكان ودها تجي معي لكني جبتها وكانت متضايقه لانها تقول بجهز حق زواج وفجاة قالت اكيد ابوي اتصل عليك المهم قلت لها لا ابوك لااتصل ولا شي (لان حتى عمي مصويني يقول لاتقولها اني كلمتك ) بس انا مشتاق لك وبيتك محتاجك لان صارلها 5 ايام خارج البيت بس بنفس الليله من الزعل شالت كل شناطها وملابسها وجهزت شناطها تقول بكره بروح بيت اهلي قلت خير ان شاء الله ثاني اليوم الصبح البنت هدت وقلت لها بسوي استثناء هالمره علشان خالتك وزواج اخوك بوديك لهم ونبهت عليها من الصباح انه ترتب الشقه وترجع ملابسها اللي بالشناط وتغسل ملابسي رحت للدوام ورجعت لقيت بس ملابسي مغسله وغرفة النوم مرتبه والبيت يبي له تمسيح وبرضو مارجعت ملابسها وهذا ضايقني لكن قالت يبي لهم وقت وترتيب واحنا ورانا مشوار لبقيق المهم مشيتها وانا ماودي لانها ما رتبت شي وديتها عند بيت خالتها وبالطريق تقولي زواج صديقتي منتصف الاسبوع الجاي وبقعد عند بيت خالتي وقلت لها اسف بيتك وانا محتاجين لك وزعلت وقعدت تبكي ومن هالكلام وبديت اسمع كلام كله عناد وعوابه بديت اشوف زوجتي بنظره اني كنت غلطان جدا باسلوبي طيب ومااقصر معها واساعدها باعمال البيت وقلت لها انا ماعمري قلت لك لا حتى اني قلت لها انا عمري كله اقول ماعندك مشكله وابشري الحين يوم قلت زواج صديقتك لا قلبتي علي
باختصار البنت اذا زعلت تقلب علي وعنيده
ابي شوركم والله يجزاكم خير