فاضيه وحبيت اكتب معاناتي او قصتي لم كنت صغيره و للتحرشات اللي صارت معي عشان كل ام تحافظ ع بناتها وتنتبه وما تستهين اذا كان البنت صغيره او مراهقه او كبيره

اقولكم اول قصه صارت معي ما اذكر كم كان عمري بس طفلللله والله العظيم طفله كان ابوي جايب لنا عمال من الجنسيه البنجاليه يعدلو فالبيت فوق السطح ولان ابوي يروح الدوام وما عندي اخوان ذكور ف ما في احد يقابل الهنود ويشوف مطالبهم وامي تقول لي روحي شوفيهم واروح عندهم اشوفهم واشوف ايش معدلين وايش مسوين وايش ناقصهم واقرب لهم الغدا وكذا العامل استغل هالشي لانه يعرف محد يطلع السطح الا انا تحرش فيني وانا ساعتها م اعرف ايش يعني تحرش او ايش يسوي وهذا صح او غلط وليش يسوي كذا يلمس صدري ويتحسسه مع اني كنت صغيره ما فيني اي علامات الانوثه ويعطيني علكه يمكن عشان يفرحني بالعلكه واروحله دايم وخبرت اختي قالتلي لا تروحي مره ثانيه وصرت ما اروح وايد بس لم امي تقول لي اروح وعدت ع خير وخلصو شغلهم
قصتي مع التحرش الثانيه الشاب اللي يبيع فالبقاله لم يكون ما في زباين يخبيني بين الاغراض وثلاجات البررد ويشفشفني وانا ما فاهمه اي شي من اللي يسويه وايش فايدته من يخلص شفشفه اخذ كيس اللي شريته وامشي واحيانا يعطيني فلوس يقول لي قولي انك لقيتيها فالشارع وانا ارفض اني اخذهم لان امي وابوي ما يقبلوني اخذ شي الا برضا منهم قالي انزين قولي لهم من محمد صاحب
البقاله واخذهم وامشي ومر هالشي ع خير والحمدلله

قصتي مع التحرش الثالثه من ولد عمتي متزوج وعنده اولاد وجاي يزورنا ويتغدا عندنا اهوه واولاده ولكنه كان سكران وانا مخلصه متغديه وهوه بعد ورحت اغسل يدي وهوه بعد بيغسل ورحنا نفس المغسله وصار يغسل ايدي وكذا بعدها صار يشفشفني وانا مثل الصنم واقفه ولا ادري بشي ليش يارب كذاا
قصتي مع التحرش الاخيره من ولد عمتي الثاني يوميا ف بيتنا وانا احبه وايد لانه يحبني ويدلعني ويوديني العب وكل اهلي يدرون بحبي له وبحبه لي كأنه ابوي يجيبلي العاب وكل اللي خاطري فيه واهلي يخلوني اطلع معاه بالسياره ويخلونا بروحنا دايم وكان كل مره يرص جسمه فيني ويشفشفني وكنت اتضايق بس ما كنت افهم ولا اعرف ان هذا غلط دريت ان هالشي عيب لم كنت اتابع مسلسل مصري وطلع مشهد شفشفه وامي اخذت الريموت وغيرت قالت عيب فهمت ان هذا اللي يسووه فيني كله عيب وغلط وصرت اتجنب بس م اقدر لاني احبه وصار كذا معي لحد ما كبرت وصرت اشتهي انه يشفشفني ويرص بجسمه علي ويمسك يدي يخليها ع عضوه الذكري وصرت اطنشه ولكن غلط وعيب وحرام وما قدرت امنعه امثل له اني زعلانه ومعصبه واضربه بكل ما فيني من قوه بس ما في شي يرد راسه وخبرت امي واتصلت فيه وهاوشته بس م سوت شي غير بس الله ستر والحين تزوجت والحمدلله والله ستر علي وسلمني من يدين الاشرار الله لا يسامحهم حسبي الله ونعم الوكيل

ف اطلبكم يا امهات لا تغفلون عن بناتكم مثل م امي غفلت عني وخلتني مثل السلعه الرخيصه بين يد هذا وذاك ولا حد فهمني ان هذا غلط وهذا صح
واسمحولي ما عندي اسلوب قصص بس حبيت اوصل قصتي لكل ام تنتبه وتحافظ ع بناتها واولادها لكن ما تحبسهم تخليهم براحتهم يعيشو حياتهم بس تكون كنترول من بعيد عليهم تكون ف كل شي معهم بالصوره تعرف شاللي يصير فالنهايه حبيت اقول الحمدلله
رب العالمين ستر علي وتزوجت وعدت هالمواقف ع خير الحمدلله الحمدلله الحمدلله دائماً وابداً

بالعكس موضوعك رائع وقيم يصحي القلوب الميتة
قبل فترة وحدة طرحة موضوع هنا خالها يمزح معها ويخليها تسوي لة
مساج يوم انكرنا هذا الشي الاكثرية قال عادي ومافيها شي وانتم معقدين
طبعا هذا قمة الجهل ولانحلال

جزاك الله كل خير

__________________
سبحان الله وبحمده سبحان الله العظيم

جزاك الله خيرا فعلا موضوعك مفيد

__________________
ربنا هب لنا من ازواجنا وذرياتنا قرة اعين واجعلنا للمتقين اماما

نسأل الله السلامة لنا و لذرياتنا ..

__________________
أشهد أن لا إله إلا الله و أشهد أن محمدا رسول الله صلى الله عليه و سلم

الحمد لله ربي سترك وحفظك
الله يحفظ ابناءنا من كل شر

الله المستعان..الحمد لله على ستره...فعلا الواقع ان هناك كثير من التساهل وعدم مراقبة اﻷطفال..الله يستر على أطفالنا..ذكرتيني بصدمتي حين أخبرتني ابنة خالي الطفلة الصغيرة الجميلة عن تحرش قريبي بها (هو ابن عمي وابن خالتي في نفس الوقت) وشكله محترم لا يرقى إليك شك ابدا..كان ما يزال اعزب ربما في أواخر العشرينات...كنت وقتها قد انهيت الثانوي لكن انربط على لساني من الصدمة ولم استطع اخبار احد..فقط نصحتها ان تبتعد عنه ..وإلى اﻵن عندما أتذكرها أتألم لشأن طفولتها المجروحة وأرثي لحال خالي الذي كان غافلا عنهم أثناء زيارتهم..اللهم أعنا على الحفاظ على اﻷمانة (كلكم راع وكلكم مسؤل عن رعيته)

ياااارررب لك الحمد والله انك مثلي لكن الحمدلله ما قد تعرضت لتحرش الا لمرة وحدة و ماهو تحرش
امي مهملتني بمعنى الكلمة دايم في البقالة و كان فيه عمال يبنون في الحوش انا المشرفة عليهم ما عندهم احد خصوصا وقت الصبح .. و شيء ما هو طبيعي من إهمال امي لكن الحمدلله

المرة اللي كانت بيصير فيها تحرش
كنت بأول ابتدائي و رحت البقالة معاي 100 ريال وقلت للعامل عندك صرف قال ايه تعالي هنا " مستودع "
قلت امش قدامي و مشى و هو يدخل و يقول تعالي هنا فيه صرف فلوس حسّيت ان فيه شيء غلط مثلا يذبحني << متأثرة بالافلام
مع ان ما علمتني امي عن التحرشات و لا درستني و المدارس غبية ما ينبهون علينا
المهم ربي ستر و أحط رجلي جررري
و بالليل علمت عليه ابوي و اخواني و سنعوه .. ناسين انهم محد فيهم فهمني ان ممكن بيوم اتعرض لكذا




لكل ام و أب اتقوا الله في اطفالكم و تحاوروا معاهم و حسسوهم انهم كبار
بعض الأمهات مدري كيف تفكيرها تقول ما ابيهم يفتحون عيونهم

لا حبيبتي خليهم يفتحون عيونهم و خوفيهم من هالشيء لا سكوتك هذا ممكن يسبب مشاكل نفسية لهم

ذولي امانة برقبتك



و كل الشكر لك صاحبة الموضوع

المسؤوليه كلها على الأم المفروض اطفالها تحت عينها دايما والمفروض ماتحسن الظن بأحد ولاتثق حتى بأقرب الناس ، الموضوع هذا مسبب لي وسواس أسأل الله أن يحفظ ذريتنا وذرية المسلمين.

__________________
الحمدلله حمدا جزيلا ...

@شاطى الراحة الواحد لازم يحاسب ف كذا مواضيع اذا كانت القصد منه تحرش واثاره ام عادي نفس الشي لي صديقه عمها تحرش فيها امها منومه فالمستشفى وابوها فالدوام وابوها وصى عليها عمها يسير عليهم ويطمن وكان حقير واحقر من الحقير بس الله ستر عليها ما سوا شي فيها

@ليديا.. اشكر مرورك الغاليه