السلام عليكم

انا عندي سؤال ما لقيت له جواب من اي احد !!

ليش العروسة ما تخلي خطيبها يشوفها قبل الزفاف بشهر ؟

بصراحه سألت كثيير عن الموضوع هذا لكن للاسف ما لقيت له جواب
احد يجاوبنا عشان نستفيد و نفيد المنتدى و كل المقبلين على الزواج ...

عشان يصيرون معاريس جدد

__________________

من العادات عند بعض العوايل عشان تطلع لها طلعه يوم الفرح

ايش معناته تطلع لها طلعه ؟؟؟

يعني يكون لها رونق خاص وطلة مختلفة .. بالإضافة إلى توليد الاشتياق والحماس والإثارة.

بالمناسبة مب شرط شهر .. قد يكون أقل أو أكثر .. إجمالاً هو يدخل ضمن العرف أو العادة ومب كل الناس ينتهجونه .. بس هي قناعات .. مثل اللي ما ترضا عريسها يشوف فستانها قبل ليلة العرس.

لكن لو استلزم إنه يشوفها خلال هالشهر لشيء ضروري جداً فما راح تنهد الدنيا.

__________________


اللهم طِيبَ الأثر .. وحُسْنَ الرحيل.

ما فيني فيدك اخي الكريم عنا ما في من هالشي
ممكن بترجع للعادات لكل منطقة

افضل شي تسال هالسؤال للعروس وعندها بتلاقي الاجابة الشافية

الله يتمللك على خير
احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

عادات بعضهم تتمسك بها و بعضهم ما تهمها

طبعاً عشان ما يجي الزواج إلا و الكل متولّه ع ما يشوفونها و يكون لها طلة غير عن كل مره

كلام مقنع بصراحه ..
يعني ممكن عشان تغير في نفسها ، تصبغ شعرها
، تعتني ببشرتها ، تسوي دايت .


انا سألت العروسه لكن تحفظت بالجواب
بصراحه ' ما اتوقع بيكون في تغيير

طيب كيف ممكن اكسر حاجز العادات و التقاليد هاذي؟
لان بصراحه الشاب لمى يشوف خطيبته ينسى
امه و ابووه و كل همومه
ولما ياخذ وقت ما يشوفها يحس بنقص
و يرجع يحاول يملي الفراغ ب شخص ثاني
و كل واحد و طريقته .

يا سلام!!!

مثل ما قلنا ما راح تنهد الدنيا لو شافها .. تراها ما بتنهد لو ما شافها.

عقب هالشهر بتكون عروسك وبتدخل بيتك وبتقابلك أربع وعشرين ساعة .. فماله داعي تضخيم الأمور وتحويلها إلى معضلة!


بعدين إنت لما ما تشوفها وتحس بالنقص .. هل هذا عشانها هي ولأنك تفتقدها هي بذاتها .. وإلا نقصك وفراغك هذا يسده أي حد والسلام؟!!

__________________


اللهم طِيبَ الأثر .. وحُسْنَ الرحيل.

مهره شوي شوي علي ههههههههه

انا قلت الشاب مو انا و كلامك مقنع و صحيح
و مستحيل احد يملي فراغ الحب حقي مهما كان

هو مجرد سؤال لتعم الفائدة ..