بسم الله الرحمن الرحيم


يالييييييييت كل شخص يدخل يعطيني رأيه . . . . .

انا اعاني من الارقام المزعجه بجوال زوجي اللي هي نص رنه وفي نفس الوقت يكون الرقم غريب (( ارقام جوال سوا ))


قبل فتره يمكن حوالي شهر وعليها فيه رقم يدق على زوجي كل يوم الساعه خمس وربع الفجر اوكيه ؟؟


وزوجي احلى شي سواه انو اعترفلي وقال فيه رقم مزعجني وكذا وكذا وكذا . .


انا ارتحت قلت ان زوجي من الناحيه هذي صادق معي


والله مرت ايام حتــــــــــــــــــــــــــــــــــى قبل اسبوعين زادت الاتصالات لدرجه ان هالرقم يتصل


وقت دوام زوجي وغير كذا وصلت السالفه لمسجات !!!!! من عند هالرقم (( على فكره زوجي ماقالي عن


المسجات اللي تجيه من هالرقم ))


عاد انا اشتغل احساسي وانا لو قلبي حس بشي يطلع صاااااااااااااااااادق وتبون الصدق


(( ليـــــــــــتنـــــــي عديمه احساس )) عشان ماتنكد


قلبي قال انها وحده حقيره وحيوانه ومش متربيه وطلع صدق لاني اخذت الرقم ودقيت عليه



من التلفون الثابت اول شي قعدت ساكته ماتتكلم الحقيره



انا : الو الو


الحقيره: نعم

انا : سويت نفسي غلطانه واعتذرت منها قلت اسفه انا غلطانه وقفلت

اتصلت الحقيره مره ثانيه ونفس الموال نص رنه على الثابت


دقيت عليها قلت لها اتصلتي؟ قالت : لا ماتصلت ، قلت رقمك ع الكاشف


سكتت وقالت مين انتي؟؟ انا : عطيتها اسم ثاني طبعاً

اخذتنا السواليف لاني ابي اسحب منها كلام


اخر شي قالته لي : انتي من آل الفلان ؟ قلت لا ،، طيب من آل الفلان ؟ قلت لا


وبدت تهرج وتعدد اسماء العوائل اللي موجودين بالمحافظه اللي احنا فيها


عرفت على طول انها من اهــــــل المحافظه وقلت بما اننا تعرفنا

على بعض راح اسمع صوتك مره ثانيه قالت مافيه مشكله خلاص

بعطيك رقمي الثابت عشان الفاتوره قلت انا خلاص . وقفلت .




بعد فتره




سألت زوجي قلت شخبار الرقم اللي يتصل بالفجر قال باقي على ماهو عليه


بس في الحاله هذي ماجاب طاري الاتصالات حقت الدوام والمسجات


ولا قدرت اكتم السالفه بقلبي والله العظيم والله العظيم والله العظيم ان قلبي حسيت


يحترق من القهر



واحنا خلاص بنام فاتحته بالموضوع سألته الى اي مدى وصلت الرسايل اللي تجيك


قال تبين الصدق صاحب الرقم يرسل رسايل حب وغرام


هو مايدري اني عارفه بأنها بنت وقلت له



عن الســــــــــــــالفه كلها من طقطق الى السلام عليكم


قال والله العظيم انا استحيت ولا قدرت اقولك عن الرسايل اللي تجيني لان الرسايل


اللي ترسلها الحقيره مقاطع صوت ومقاطع فيديو عن طريق خدمه الوسائط


وكلها عن . . . . . . (( وانتو عارفين ))


انا بغيت انجن وقعدت ابكي خلاص معدووووووووووووووومه نفسياً


وتصدقون ويمكن لو اقولكم ماراح تصدقون . . . . .










ان زوجي زعلان مني الى الان ويقول انتي تشكين فيني





وهذي مشكلتي واحكيها بقلب محروق ومجروح




حبيت افضفض واطلع النكاده اللي بصدري حقت شهر ونص


واعذروني

__________________

عزيزتي
أنا صارت لي نفس السالفة تقريبا..
بس الفرق إن زوجي كان يكلمها..
وأنا أخذت الرقم واتصلت..
ولما تأكدت إنها وحدةواجهته..
وأنكر وقال هذا رفيجي اللي يتصل من جوالي..

طبعا انا ماصدقته..
لكنه قلب الموضوع علي.. واتهمني بأني أتجسس..
وعصب علي وقال أنتي تتجسسين من وراي وتشكين فيني وانتي وانتي..
لحد ما أنا شكيت في نفسي وقلت أكيد بو الشباب ظلمته..
وطبعا حالتي حالة صياح وأنهار من الدموع..
ولما قال إن رفيجه هو اللي يكلمها.. توهقت ماعرفت شاقول..
واضطريت إني أتأسف وأوعده إني ماأكررها..

وبعد فترة حكرت له بالأسئلة وأعترف..
قلت له أنا كنت متأكدة بس ماكان عندي دليل غير المكالمة اللي سويتها..


أدري من حقك تتضايقين وتتكدرين..
ماعندي لك حل حبيبتي للأسف..
بس أنا عن نفسي كتمتها في قلبي..
ودست على مشاعري وكرامتي اللي أهانها مرتين..
أولا لما كلم وحدة من وراي..
وثانيااما قلب السالفة وطلعني أنا الغلطانة وهو البريء..

بحرينيه ولكن .... يابعد عمري

طيب الى متى ندوس على مشاعرنا وكرامتنا

انا خلاص مليت احس اني بنفجر

ياشيخه ربك يعين ونفسي نفسي نفسي اصير بليده وعديمه احساس كمان

عشان اريح راسي

والله ياضيقه بصدري مايعلم فيها الا الله

مشكوره حبيبتي

__________________

يااااااكثر هالاشكال يالغلا بس لو انا منك اطلب زوجي يوووقف هالمهزله عاد وسائط فيديو والله حااااله ولو انا مكانك (( اقولها خلينا نتقابل وربي لأذبحها واخليها تعرف قدر نفسها ))

معليش حبيبتي شااش

اللي انتي تسوينه غلط في غلط

انك تشكين في زوجك هذا اكبر غلط

لو حس انك تشكين فيه وتطاردينه وتراقبين تصرفاته راح يمل منك ويصبح يفر تفكير ثاني

واجهي الامر معه هو لأنك بدونه لا تقدري تسوي شي

يجب ان تكوني معه اولا بأول وخطور بخطوة

فكرك هو مو منزعج من اللي قاعد يصير معاه

لا والله

وربما خاف يجرح شعورد لما اخفى عنك قصة المسجات الغرامية

لاكن حطي في بالك انه اخبرك عن الإتصال وبوضوح ... ويبدو لي انه ماله في ها الخرابيط

والله اعلم

ارجو من الله ان يسعدكي ويهنيك

__________________

ربنا هب لنا من ازواجنا و ذرياتنا قرة اعين و اجعلنا للمتقين اماما

اختي اذا زوجج قال لج ان ما يعرفها حاولي انج تصدقينه هالمره وقولي له اذا صج هو ما يخونج وعشان ما تشكين به ان يروح يشتكي عليها والرقم طبعا عنده طالع عن طريق المسجات والرنات وجوفي ردة فعله يمكن يطلع برئ وهي تبي تخرب بينكم لا تعطينها فرصه ان هي تلذذ في مشاكلكم والله يعينج

لو مكانك استدرجها في الحديث الى ان اعرف شخصيتها و اسمها الحقيقي لان هذه هي الطريقة الوحيدة لايقاف هذي الاشكال , و اتوقع و الله اعلم انها تعرف زوجك و تبي ترمي شباكها عليه باي طريقة. عموماً واضح ان زوجك ماله اي دخل في السالفة فلا تشكي فيه ابداً و تعوذي من ابليس و قصص مثل هذي تصير كثير.

شاااااااااااااااااااااااااااااااااش
والله بزنطك
انتي البلا فيك
لا فيها ولا في زوجك المسكين
تصدقين ودي ازنطك من جد
المفروض انك اقنعتي زوجك انه يغير الشريحه
وتنتهي السالفه
والمفروض انك ما تاخذين الرقم وتتصلين وتدقين معاها سوالف
تراها مكشوفه حركتك عند الحقيره
والمفروض انك ما تشكين ولو لثانيه وحده في زوجك
لانه من الاساس علمك
اجل كيف تشكين؟
ولا فيه اي داعي انك تحرقين اعصابك ولا شي
اتفقي انتي وزوجك يا اما يغير شريحته
او يقفلها مؤقتا ويمشي حاله بشريحه ثانيه....وماهو من غلا الشرايح
وانتي شيلي من راسك الشكوك والقهر
والله ما يحتاج ربع تفكيرك
حبيبتي الى الان تجي رسايل حب وجنس على جوال زوجي من ناس متخصصه في هدم البيوت والله عااااااااااااااادي عندي
لاني عارفه زوجي ايش
وعارفه ان الشيطان مترصد يدخل من هذا المدخل
وعارفه انهم ناس لعابين طاحوا على رقم حبي وحابين يجيبون رجوله لهم يعني انهم يعرفونه ومعجبين فيه
اعرف هالحركات ومكشوفين
وتراهم مرضى نفسيين
بس ادعي عليهم بالكفايه
اللهم اكفنيهم بما شئت

وخليكي رايقه وهاديه وثقي بزوجك ولا تشكين فيه ابد وتأسفي منه وقولي له الشيطان شاطر
بس استغربي منه ليش ما حاول يغير الشريحه ويبتعد عن وجع الراس
وهي اذا قدرتي تاخذين رقمها الثابت خذيه وياليت اهلها يدرون بالسالفه
واضح انها تعاني من فراااااااااااااغ المسكينه
ابرجع لك بعدين الحين مشغوله بس خفت عليك والله لا يصير فيك شي قلت اكتب اللي اقدر عليه

__________________
[/IMG]

يا شااااش بدل ما تتنكدي شوفي زوجك ليش كلم وحدة تانية غيرك او ليش اداها وجه وليش خبى عليكي حكايه المسجات حولي تتكلمي معاه بهداوه افهمي وجهة نظره في هادا الموضوع وان شاء الله تكون هادي علاقه عابره ازوجك

تسلمون على الردود بس ماقدر اعلق على ردودكم لان عن جد ماقدرت

اوقف من البكى ،،، لي رجعه

__________________