الخيمة الرمضانية 2016( الأسبوع الثاني )

__________________

الأسبوع الثاني

فكرة النقاش : ستكون عن الخلافات الزوجية والأسرية وتضاعف العنف الأسري سواء اللفظي او الجسدي او المعنوي بين الازواج و بين افراد الأسرة

__________________

ليش الخلافات الزوجية تزيد في شهر رمضان ؟
العصبية و المزاجية تصبح في اوجها حتي الي ما يعصب يصير عصبي ؟

حتي الصغار ما سلموا من عصبية اولياءهم

بعض الناس حالها كقنبلة موفوتة جاهزة للانفجار و بتتعذر بالصيام

__________________

وعليكم السلام ورحمة الله وبركاته
دايما بستغرب حبيبتي هاجر من اللي عم بيصير
مع اني عصبية بالبيت ببعض المرات لظروف ما وما بعمل كنترول على حالي بأوقات معينة
بس بشهر رمضان وقت عصب بلحظتها بستغفر ربي وبتسائل انو ليش بدي عصب ونحنا بشهر رحمة وبنشعر براحة نفسية مش طبيعية
فبستدرك نفسي وبهدأ وبحس هالشهر هو اعادة تهذيب للنفس ومراجعة الحسابات ليغير الشخص من نفسه للأفضل
مع انو المفروض دايما نحاول نطور من انفسنا للاحسن ومش بس بهالشهر
بس اجمالا هالشهر اهدأ بكتير من باقي الاشهر الحمدوالشكر لله
بس العنف الأسري والخلافات الزوجية اللي بتكثر بشهر رمضان لدرجة لا تطاق
يعني معقول الاكل هوي الفيصل بالاخلاق وبحكي عن نفسي اول شي قبل ما احكي على غيري

لو نفهم معنى الصيام الحقيقي لكانت الابتسامة ما تفارق وجوهنا كل النهار والليل

كنت احضر بلبنان بعض المشاهد من بعض الاشخاص وقت الصيام كنت اتمنى يفطروا وبلا ما يقوموا بهالافعال اللي بتروح عليهن كل اجرهم
وخاصة بس يمتد هالشي للعنف اي صورة عم نقدمها لاطفالنا
كيف بدنا نحببهن بالصيام اذا رح ترتبط فيه ذكرى سيئة بعقل الطفل

ما عم نقول يصير الانسان ملاك ولا رح نحكي مثاليات
لانو في ناس بتمر بظروف وضغوطات متعبة بتكون سبب عصبيتهم وطاقتهم مستنزفة وما بيكون هالشي الو علاقة بالصوم
اما الاشخاص اللي ما عندهن سبب لهالشي وبس لانهم وقفوا الاكل لساعات هون مية علامة استفهام على تصرفاتهم

اسأل الله ان يهدينا ويهدي الجميع
ويتقبل صالح اعمالنا واعمالكم

احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

للعصبية في رمضان اسباب كثيرة
بالنسبة للرجال ممكن التدخين عامل مهم في جعلهم عصبيين و قنابل قابلة للانفجار باي لحظة
شي ثاني هو تغير نظام النوم
عادة السهر و قلة النوم تلعب دور في العصبية ،حتى لو اخذ الانسان راحته في النوم نهارا لكن نوم الليل هو الاهم .
مع اني من النوع العصبي الا اني لاحظت على نفسي الهدوء من دخل علينا الشهر الفضيل
و ان شاء الله اكمل كذا لبعد الشهر.

الله المستعان ميمو
انا بعد حضرت لمواقف عصبية لاشخاص قريبين مني و فعلا تساءلت ليش صايمين الله يغفر لهم و يزداد الامر بشاعة لما تكون تصرفاتهم امام اطفالهم او يكون الاطفال نفسهم ضحية لها
هنا فعلا نقول رب صائم ليس له من صومه الا الجوع و العطش

__________________

النوم و المنبهات و الدخان و خلافه كلها اصحابها لا يطاقون في رمضان
نسبة كبيرة من النساء تشتكي تأثير الصوم علي حياتهم بسبب عصبية ازواجهم
و بعض مواضيع المنتدي خير دليل
مع انه من المفروض رمضان مدرسة للتهذيب و الصبر و التحكم في النفس
شاكرة مرورك سنديان 🌷

__________________

إحنا اهدأ فتره هي فترة رمضان نكون هاديين ومانعرف شي اسمه العصبيه ولا نعرف المشاكل الا نادرا في حاجات بسيطه لل تُذْكَر بس اول مايبلش العيد يبلش معاه العصبيه والمشاكل 😁


اخي مدخِّن وطول اليوم برمضان يكون عصبي وعصبيته لا تُطاق ...

ربي يهديه ويهدي الجميع..

اول مايقبل علينا شهر رمضان احس نفسي مولوده من جديد ... ربي يتقبل صيامنا وقيامنا ويغفرلنا

__________________
-

فأجبر خَاطري .. بفيّض نعَمك ❤ ....

المدخنين حالتهم حالة في رمضان الله يكون في عون زوجاتهم و عيالهم و يصبرهم علي اختلاق المشاكل
عجبني حالكم في رمضان سمورة الهدوءو السكينة بخلينا نستشعر روحانية الشهر 🌷

__________________

سمورة الله يديم عليكم الهدوء والسكينة ويبلغكن قيامه وصيامه
حلو الواحد يعيش الروحانية بشهر رمضان بكل تفاصيله
وهيدي نعمة كبيرة من نعم الله انو نستشعر الشهر الفضيل
وبالفعل مشكلة المدخن واضحة بعصبيته الزايدة
بس اللي ما بيدخن وبتسوء اخلاقه بشهر رمضان شو السبب ؟

هل الاكل والشرب هو اللي بيعمل اخلاق وقلتهن بتعدمها ؟

دايما هيدا السؤال اللي بيتكرر معي كتير وما عم افهم نفسية هالفئة
اسأل الله ان يهدينا ويهدي الجميع

رمضان كريم

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه