السلام عليكم ورحمه الله

انا امراه متزوجه من خمس سنوات

ارجوكم لااحد يحكم علي من عنواني ... اسمعو كلامي وحسو بهمي وحزني

والله انه ماعندي احد افضفض له اللي بصدري غيركم انتم المتنفس الوحيد اللي باقي لي
مثل ماقلت لكم انا امراه متزوجه تزوجت زواج تقليدي من قريبي

ماعمري عرفت الحب ولا جربته

والله والله انه كان عندي جميع مقومات الانحراف لكن ماهتميت كان عندي النت والتليفون الخاص والجوال الخاص حتى الفاتورة تجي دايركت عندي مااحد يهتم يشوفها او يشوف اتصالاتي

المهم اني حافظت على نفسي ماعمري جربت المكالمات مع الجنس الاخر كنت اقول في نفسي لما اسمع زميلاتي ومغامراتهم العاطفيه كنت اقول في داخلي كل هذا يتاجل كل هالمشاعر راح تذوقينها وتشوفينها لما تتزوجين بالحلال كل هذا الحرمان اللي انتي عايشه فيه ربي راح يعوضك بزوج يحبك ويصونك ويملا لك عاطفتك بحب وحنان

...................

وتزوجت ..........

لكن صدمت برجل لايعرف معنى العاطفة من الاساس لايعرف معنى مشاعر وحب واحاسيس (( انا متاكده ان الكل راح يقول انتي اكيد رومانسية وتبين كلام حب وتبين هدايا وان الحيا مش كذا ))
لا يجماعة انا مش هالناحيه اللي اعاني منها اعااني من عدم محبتي له

ابي احس بالحب ابي اعرف كيف مشاعر الحب

مااعطاني فرصه عشان احبة انسان عصبي غير مسئول له سوابق في المكالمات والمغازل واكتشفت هذا الشي بعد زواجي منه من كم شهر لكن كل مره يوعدني ويخلف وكل مره انا انصدم فيه واكرهه اكثر

انا حاليا عايشه معه بس قلبي يتقطع من داخلي لاني ابي اعيش بااستقرار ابي احب هذا الشخص اللي راح اعيش معه طول عمري
كيف اعيش مع شخص وانا مااحبه كيف؟؟؟

قلبي يعتصر من الحرمان اللي انا عايشه فيه

لمااسمع خواتي وهم يتكلمون عن ازواجهم بحب وانهم هيمانين فيهم وانهم يعشقون ازواجهم اموت انا من الهم والحزن .. بالرغم من ان خواتي تزوجو مثلي زواج تقليدي لكن انا ابتليت بشخص لاقلب له

ياناس وش اسوي

خايفه خايفه انهار مع شده الححرمان اللي انا فيه

احيانا اقول جربي وسوي علاقة غراميه في النت يمكن يشبعك يمكن تحسين بالراحه
لكن ارجع اتعوذ من ابليس انا ماسويتها وانا بنت كيف اسويها وانا متزوجه

احيانا اقول اطلب الطلاق هي انسب شي .... لكن ارجع افكر في بنتي

انسان عصبي كاذب خاين غير امين ولاثقة فيه ... ماقدرت احبه ولاابغى احب شخص فيه كل هالصفات وياليته يحترم او يقدر معاناتي معه الا غصب عليك وتحمدين ربك اني متزوجك على حد تعبيره

يااارب فرج همي

قولولي يالمتزوجات والمتزوجين وش اسوي ابي احب ابغى شخص يحبني واحبه كيف ؟؟؟ كيف ؟؟؟ وانا مثل الطير المحبوس في قفص والسجان هو زوجي اللي حرمني حتى من ابسط الحقوق حرمني من الحب بالحلال

وين الاقيه هالحب وانا ماابغى غير الحلال

ساااااااعدوني

اكتب لكم وانا دمعي على خدي تعبت وزاد همي وحزني ونحل جسمي انا مش سعيده معه لكن مالبيد حيله .................. ااااااااااااه ياقلة الحيلة

حبيبتي انا مو متزوجه
وبتزوج زيك زواج تقليدي والله يستر
ابي منك اول شي تغيري من نفسك تسوي الاشياءاللي يحبها
وحاولي تحبببي نفسك فيه يعني كذبي كذبه وصدقيها (عشان بنتك) وربي بيجي اليوم اللي تحبينه
واذا مررررررررره ماينطاق الطلاق انسب لك بس انا رايي انك تحبببي نفسك فيه حاولي تشوفين الاشياء الحلوه فيه
وياااااااااااااااااااااااااااااااااااااااارب يحببك فيه يارب
دعواتك لي تكفين
7
7
7
7

__________________
امانه امانه معاكم تدعون لي ان ربي يملكني قلب زوجي ويحببه فيني ويسخره لي ويتمم زواجي عليى خير

فعلا كذبي كذبه وصدقيها ...

انا مثلك زواجي زواج تقليدي ...

حاولت افتش في زوجي عن شيء احبه ... وحبيته ...

انا مثلك ناويه من قبل لا اتزوج اني احبه ...

اول شيء شيلي فكره انك تدورين على حب بالحرام ... بتموتين ... لو سويتيها ... من تأنيب الضمير ... ومن عاقبه ربك

وتذكري من ترك شيئا لله عوضه الله خيرا منه ..

ثانيا حبي نفسك ... وهيمي فيها ... دلعي نفسك ...

وهذه احد الطرق اللي تخلي الرجل يحب زوجته ...

ثالثا .. دوري على الاشياء اللي يحبها زوجك وسويها ... مو عشانه عشانك انتي ... عشان تكملين دور الحب..

صدقيني كل شيء يجي شوي شوي ...

وربي يوفقك

__________________

والله يا أختي ما ألومك على رغبتك في الحب لأن هذا شيء فطري

لكن كذلك أحب أبشرك ببشارة رب العالمين (وبشر الصابرين)

وأبشرك بمعية أرحم الراحمين : ( إِنَّ اللَّهَ مَعَ الصَّابِرِينَ)

وبحب الله للصابرين: (وَاللَّهُ يُحِبُّ الصَّابِرِينَ)

وقليل يا أختي اللي يصبرون مثلك

وصدقيني هذا من ابتلاء الله لك حتى يعرف مدى صبرك وجهادك من أجل ربك

يقول سبحانه: (ولنبلونكم حتى نعلم المجاهدين منكم والصابرين ونبلو أخباركم )

وإنت قطعت شوط طويل وصبرت من أجل الحلال ولم يبقى إلا القليل فلا تتراجعي وأكملي المشوار

والله سيعطيك بمنه وكرمه أفضل مما تتخيلين جزاء صبرك وجهادك من أجل فعل ما أحله ربك سبحانه وتعالى
والله رحيم بك وأرحم بك من أي أحد


ونصيحتي حاليا

قبل ما يطلع الفجر وفي الوقت الذي ينزل الله فيه إلى السماء الدنيا ويقول جل شأنه: (هل من سائل فأعطيه)

في هذا الوقت قومي وادعي الله وابكي واسأليه الفرج

قولي: ( يا رب أريد ما يرضيك لا أريد الحرام)

قولي: (يا رب اكفني بحلالك عن حرامك وأغنني بفضلك عمن سواك)

والله لن يردك ولكن اصبري ولا تتراجعي فيخدعك الشيطان بكذبه وأمانيه الكاذبة


ومن يتأمل في سورة الكهف وفي قصة موسى مع الخضر تحديدا

من أهم ما استُنبط من القصة أنه قد يحدث شيء أنت تراه شر محض لا خير فيه لكن الله يجعل خلف هذا الشر خير عظيم جدا

وهذا ما حدث لموسى عندما قال للخضر: ( قال أخرقتها لتغرق أهلها لقد جئت شيئاً إمراً)
فقال له الخضر في آخر القصة: (أما السفينة فكانت لمساكين يعملون في البحر فأردت أن أعيبها وكان وراءهم ملك يأخذ كل سفينة غصبا )

فهو جعل عيبا في السفينة حتى لا يرغب فيها الملك الغاصب

هذا ما لدي يا أختي حاليا وقد يكون لي عودة

وحاليا لا تجعلي هذا الحب محور حياتك الوحيد وافعلي شيئا آخر يشغلك ويفيدك

ولا تنسي ركعتي السحر والدعاء والبكاء والتضرع لله

فهي والله تخفف الكثير من الهم

وإذا كان همك الوحيد ارضاء الله فالله سيرضيييك لكن لا تضعفي وكوني قوية

سبحان الله أنا أدور الحب في زوجتي ونتي تدورين الحب في زوجك لكن الي اقدر انصحك فيه لاتخلين للشيطان مدخل عليك سدي كل ابواب الطرق بوجهه وحاولي تتقربين لزوجك بالأشيا الي يحبه وبعدي عن الاشياء الي يكرهه لكن اذا كان زوجك راعي خيانات صدقيني مارايح تعيشين معاه بستقرار مهما قلتي وسويتي حياتكم كله رايح تكون بالشك لازم يبتعد عن الاشياء هذي ويتوب ويطلب المغفرة من الله لاتجيه عاقبة من الله تدمر حياته كلها

والله يكون بعونك

__________________

ماتتنميه في زوجك ابدعي انتي فيه عنده وخليك كلك رومانسيه قد تقلب هذه الحركات حياته الى الافضل بأذن الله سبحانه

ولكن ان تبحثين الرومانسية بعيدا عن بيتك انتبهي تخربي بيتك وتفرقي بنتك بعيدا

ابحثي عن الجوانب الايجابية منه وانظري لمن هو دون منك واكثري من الدعاء والاستغفار

__________________
اللَّهُمَّ إِنِّي أَسْأَلُكَ الثَّبَاتَ فِي الأَمْرِ وَأَسْأَلُكَ شُكْرَ نِعْمَتِكَ، وَحُسْنَ عِبَادَتِكَ، وَأَسْأَلُكَ قَلْباً سَلِيماً وَلِسَاناً صَادِقاً

أسأل الله أن يعمر قلبي وقلبك وقلوب جميع المسلمين بحب الله فهو الامل والمبتغى والسعادة

صدقينى هذه مشكلة الطيبون واصحاب القلوبالصافية ليبتليهم الله
نحن مثلك من ناحية الفراغ العاطفى والجفاف
بس شنو بنسوى ننتظر الزواج وان شاء الله خير
تذكرى انك لاتعانى وحدك

__________________

عزيزتي اول شي اوصيج فيه الصبر و أقولج صبراا جميلاا

عندي صديقه مقربه مشكلتها تقريبا تشبه مشلكتج في حد كبير ...

اتق الله و اكثري الاستغفار و قيام الليل ولا تفكرين ابدا بالخيانه .. هذا من ناحيه صيانة النفس عن الحراام و القرب من الله .

اما الشي الثاني وهذي نصيحه مني بعد ما سمعت قصت صديقتي كوني انسانه عطاااء ...بمعنى* كوني له أمة يكن لك عبدا وشيكا * يعني لا تقصرين معاه في اي شي و اتغاااضي عن كل اخطاائه صحيح انها كبيره و صعبه في حقج كامراه لكن صدقيني انتي اعطي قد ما تقدرين و سوي اللي عليج و الباقي على الله .. راح تلاحظين تغير زوجج اتجاهج غصبا عنه راح يتغير لانه بيحس و يقدر تغاضيج عن اشياء كثيره لا تنسين المناسبات الخاصه و خليج انتي المبادره بالشي هذاا .. و ما انصحج اتفكرين بالطلاق ابداااا ...الحب راح ينولد و اتحسين فيه تلقاائي من غير ما تعرفين ...وبعدين انتي اتقولين ما تحسين بالحب لكن صابره للحين انتي معااه >>>هذا بالحد ذاته حب ^_&

ثالثا:قصص الحب و الغرام اللي تسمعيها غضي النظر عنها و انا اقولج اياها مافي بيت خالي من المشاكل و في ناس اتبالغ

بوصف حبها لزوجها و حب زوجها لها ..حاولي انج ابدا ما تقارنين نفسج في غيرج من نااس ...


السموحه على الاطاله خيتو ...مشكلتج حلها بيدج صدقيني

الله يرزقج رااحه البال والسعاده و يهدي زوجج ان شا ءالله

دريماني

.................................................. ..........

اهلين يااختي

الله يسهلك ويسعدك

بس

لاتفكرين ان سبب تعاستي هو الزواج التقليد لا لا

اغلب اهلي تزوجو زواج تقليدي وفيه منهم اللي انسعد وعايش حياته العاطفيه ومستمتع فيها

لانه هذا يتوقف على مدى ارتياح الطرفين للبعض

انا من تزوجت وانا في مشاكل خيانه كذب ومافيه ثقة عصبي جدا يشوف نفسه فوق الكل >>>> وانا طول عمري كنت اكره شيئين الكذب والخيانه وسبحان الله ابتليت بشخص مثله

الله يسعدك يارب