السلام عليكم
يمكن بعضكم يشوف موضوعي بسيط
ومشكلتي تافهه.. لكنها شاغلتني


سبق وكتبت موضوع عن خدامه اهل زوجي
انسانه مستفزه وتتميلح دائما عند زوجي
لكني متجاهلتها تماما
غبت شهور عن بيتهم
ولما رجعت شفت العجب العجاب
لقيتها صارت تمون عليه بالكلام
لما دخلنا رحب فيه
وانا ماناظرتني كالعاده
ولما جينا نطلع راحت تقول له بدلع:
لا تتأخرون نشتاق لكم (بالانجليزي)
وهو ارتبك وقال ان شاء الله
انا هنا ناظرتها بحزم
وقلت له هذا مو شغلك
ولا تتكلمي مع سير بهالطريقه
ضحكت بدلع وراحت وتركتني

كلمت ام زوجي ثاني يوم
لانها ماكانت موجوده وقت الموقف
عملت نفسها متفاجأه وقالت ماتستحي
وقالت زين كلمتيها شغاله وقحه
وقالت كل ما انزعجتي منها كلميها

قلت هذا حلك يا خاله؟
قالت ادري يا بنتي جريئه
بس ايش اعمل ماتتغير
وانا بحاجتها والا ماكان تحملتها


وعالقهوه لمحت لزوجي مافهم
جبتها له كاش
ورجع ارتبك وجهه وسكت
ماكأنه يسمعني
حتى كلمه وحده للذم ماقال
يعني مو هاين عليه يذمها!
قلت له كان الافضل ماترد عليها
قال خلاص لاتكبرين السالفه
وجلس يخترع لي سوالف ثانيه



انا متضايقه ونافره من بيت اهله
وصايره ما ازوهم الا بالشهر مره
بس زوجي كل يومين عندهم
ومايهون عليه يجرحها بكلمه
والا يوقفها عند حدها
وهذا اللي مقرفني منه!
يقول ماتهمني
طيب ليه وجهك يتلخلط
وصوتها يلعلع وانت تبلم وترتبك
ولا عمرك نقدتها رغم وقاحتها


وبعدين يعني
ايش الحل مع هالبجيحه
صغيره وبيضاء وحلوه وفرفوره.. اوكي
بس جراءه وتميلح كذا عيني عينك
لا كذا اوفر


وام زوجي لو هي مو ارمله
كنت متأكده ماتخليها ببيتها ليله وحده

الشغاله فلبينيه ولا نيباليه؟؟؟

__________________
اللهم اغفر لي ولوالدي واخواني واخواتي الاحياء منهم والاموات .. اللهم نسألك حسن خاتمه يارب .. لاتنسوني من دعواتكم

وش فيك اذا انتي مو مقصرة بشي وواثقة من نفسك ما عليك منها.. الا اذا انتي مقصرة بشي

الشغاله فلبينيه

تبقى تصرفاتها مستفزه ولئيمه
وجربت طرق كثيره بدون حل

من ناحية أنها مستفزة فهي مستفزة

أنت الآن كلمتيه بشكل مباشر و كلمتي خالتك أيضاً و و رديتي على الشغالة في ساعة الموقف

الآن عليك بأن تدعي الله بأن يكفيك و زوجك و أهلك شرها

وفقك الله

__________________
أنا جنتي وبستاني في صدري أين رحت فهي معي لا تفارقني إن حبسي خلوة وقتلي شهادة وإخراجي من بلدى سياحة
إبن تيمية

انا لي مده طويله مطنشه وساكته
لحد ماتمادت الشغاله هنا تكلمت
بس لو زوجي قال لي صح عليك
والا قال انو تفاجأ او انها وقحه
كان بردت ناري وطنشتها
لكن سكوته وانا اتكلم وارتباكه
ومحاولته تصريف الموضوع
هالشي نرفزني عليه هو زياده
كان بامكانه يأيدني ويسكت
مو يقول لاتكبرين السالفه وبس!


ما ادري ايش تفسيركم يا الرجال
لكن تفسيري كأمراه
انها ماتجرأت الا شافت منه ضوء اخضر
ويمكن كاسره عينه بشي معين
عشان كذا تكلمه بجراءه ووقاحه قدامي


يارب تكون مجرد واساوس ابليس
لاني متضايقه جدا

والله انك مشغله نفسك بشي م يسوى وانتي اش عليك يرد ولام يرد عليها لاتصغري عقلك اهم شيء ماقصر عليك وقايم بواجباته وبس ..

__________________
مضى مامضى والله على المقبلات يعين ..! وعسى الله يزينها على القلب لاشانت~

لا ماقصر علي الحمدلله
بس عيونه تلاقط اذا مرت
ويرتبك اذا كلمته
وهي تنبسط وتزيد الدلع الماسخ


اوكي حلو
اذا شايفين هالشي عادي طنشت
لاني اشوفه غير عادي ابدا

عادي حبيبتي لان هالامر حتى لو معجب فيها فرضا ماراح يصير شيء اكبر من هالامر لانها ببيت امه ومستحيل يخلي بها وغير كذا يمنعه دينه والعادات وباذن الله مو صاير اكبر من هالامر وانتي تدلعي ودلعي نفسك هي ماعندها زوود هما كذا بعضهم الله يكفينا شرهم اقولك قصه قريبتي عندها شغاله وجسم مرسوم ومن الخلف ولما جت تسافر وفتشت شنطتها لقيتها الملابس مزوده بسيلكون واسفنجات ليبين الجسم مرسوم متخيله تلبسها كل يوم استغفر الله بس فحركاتهم م تخفى ولاتهم ولاتخليها اخر همك ..موفقه

__________________
مضى مامضى والله على المقبلات يعين ..! وعسى الله يزينها على القلب لاشانت~