السلام عليكم جميعا ..
أكتب الموضوع هذا وأنا في أشد الحزن والزعل. موضوعي أحب أطرحه بالذات على الزوجات بالأخص. أنا متزوج وأحب زوجتي مووت .. وهي نفس الشي مع اني أعاني شوي من نقص في حبها لي بس حاط أمل كبير انه يزيد في يوم من الأيام. بس بشكل عام نحب بعض. المهم مره من المرات كنت ابيها تحقق لي شي في رغبتي (شي عادي وحلال) .. وطبعا ماسوت الشي هذا الا بعد مطالبات مني لها لين اقتنعت .. أول مره صار الشي هذا واعجبت فيه وعبرت عن شعوري (بس ماكان بالشكل المطلوب على حسب كلامها). بعدها بفتره سوت الشي هذا بس كنا بنطلع برا البيت ومستعجلين وماعبرت عن شعوري لأني كنت أصلا مو مروق وتعبان من الدوام.. بس عبرت بشكل بسيط ..
بعد فتره طالبتها بالشي هذا وقلت أنا محتاج تحققين اللي في رغبتي .. قالت لا من أول مره ماكان فيه شعور منك .. قلت مايصير الزوجين لازم يحققون رغبات بعض وأنا يوم تسوينها كنت تعبان و مو مروق .. طبعا هي تعصب ويتغير وجهها اذا قلت كنت تعبان وتقول مو عذر. قلت مايصير الواحد منا ييأس من أول شي لأنه على كذا ماتستمر الحياة الزوجيه لو مافيها تنازل وفيها ان الواحد يجرب مره ثانيه ويشبغ رغبات الثاني .. وأقولها ان الزوجين اللي يحبون بعض دايماً مايسوون شي الا يحلي حياتهم .. وخصوصا اشباغ الرغبات من حب وعاطفه وحنان .. ترد علي وتقولي أسوي لك كل شي الا الشي هذا لأن شعورك مبين من أول مره تجاهه .. قلت مستحيل .. كلامك غلط .. صدقيني ان أحب الشي هذا فيك ومستحيل أشوفه الا فيك مو بغيرك .. قالت أنا اتمنى انك تشبع رغبتك بالشي هذا في غيري .. طبعا ردها يزعل .. عصبت وزعلت وقلت ترى مستحيل الحياة الزوجيه تستمر بهالشكل .. لكن الله يسامحك .. ونمت بروحي
لأني كنت زعلان حيل
الحين ابي اعرف .. هل انا الغلطان والا هي غلطانه .. أنا راضي بأي رد سواء مصالحي والا مصالحها ..
ومشكووورين