السلام عليكم ورحمة الله وبركاته


مره مصدومة من الشيء اللي صارلي ومن مين من صديقة عمر صداقتي معها من ايام المرحلة المتوسطة

قبل ست شهور اتصلت صديقتي فيني وبعد السلامات والاخبار واللازم منه طلبت مني انها تستعير طقم الالماس اللي لبسته انا يوم زواجي تبغى تلبسه في مناسبة تخصها .. طبعاً وافقت انها تستعيره ..

المهم بعدها بكم يوم جت عندي وعطيتها الطقم بحضور امها واختها ..

عدت ثلاث اشهر من وقت مااعطيتها الطقم وكل مااتصل عليها ماترد علي وقبل يومين دقيت ردت بدون نفس علي وقلتلها يافلانه متى راح ترجعيلي الطقم قالت اي طقم ... قلتلها بلاش استهبال انتي عارفه وانا عارفه اي طقم على بالي تمزح معاي..قالت شوفي بافلانه انا مااخذت شيء منك واعلى مافي خيلك اركبيه وقفلت الخط بوجهي انا انصدمت قلت يمكن هذه حركة مزح بايخه منها ... رجعت دقيت مره ثانية ردت امها وجلست تصارخ وتسب فيني وكلام كثير اترفع عن ذكره ..!!! فعرفت انها سرقتني وعلى عينك ياتاجر يعني بحضور امها واختها

انا الان مره مقهوره على سذاجتي وعلى اني فرطت في طقم له مكانه في قلبي لانه اخر هدية لي من والدي قبل مايتوفى رحمه الله ..يعني لو اخذت اي طقم مازعلت عليه كثر هذا الطقم بذات .. وش اقول غير حسبي الله عليهم ... بجد مصدومه ومقهورة من هالتصرف الحقير منها بذات بعد هالعمر يعني لو طلبت مال ماقصرت معها بس ليش تسرقني ليش قلوب الناس صارت بهالوساخة ..؟؟

مدري كيف اتصرف ولا كيف ارجع اللي اخذته مني ياريت تساعدوني بطريقة

وهل لو قدمت بلاغ للسطات يساعدوني ولا القانون لا يحمي المغفلين ..؟؟