حالتي صعبة قسم بالله

باختصار : قبل سنة خطبت وكنت متعلق فيها بقوة ، وكانت أكبر مني طبعا ، وكان أهلي رافضين لهذا السبب ، وبعدها صارت مشاكل ولا عقدنا وكنسلنا الموضوع بشكل ودي ، بعد ما عرفنا أننا ما نصلح لبعض ..


أهلي استغلوا هذا الشيء مع أنه ما له علاقة بكونها تكبرني ، بس صاروا يقولون لي ما قلنا لك لا تفكر بوحدة أكبر منك ؟!
مع أنه ما له دخل أصلا ..

أنا مصر إلى بكرة أني ما أتزوج وحدة أصغر مني ، ما أبي إلا وحدة قدي أو أكبر مني ، وأهلي مرا مو عاجبهم هذا الشيء ولا راح يساعدوني فيه ، بس أنا أعرف كيف أتصرف لكن المشكلة الكبرى عندي ، نظرة البنت في الخاطب اللي يكون أصغر منها ، قرأت في هذا المنتدى مواضيع حطمتني صراحة ، وحدة مترددة في خطيبها مو لأنها أكبر منه ، لا لأنها أصغر منه بسنة !!
ووحدة في منتدى ثاني يا حليلها صغيرة عمرها 18 سنة تقول ما أبي أتزوج إلا واحد أكبر مني بست سنوات ، تقول أبي أحس أنه وراي رجال !! قسم بالله حطمتني ههههههه

لا ويقول لي واحد لو أنك جثة مثلي ما يهم صغر سنك ، بس مشكلتك شكلك أصغر من سنك

طيب وش الحل الحين ؟

رجاء ما أبي أناقش في فكرة الزواج بأكبر مني ، لأني حاسبها صح ، ولي سنتين أفكر في هذا الموضوع ، وعارف والله كل المشاكل اللي بتقولون بتصير فيها والكلام المعروف وأنها تكبر بسرعة ومدري ايش ..
رجاء هذا الكلام عارفه ..

اللي أبيه منكم بس تقولون لي كيف نظرة البنت ؟
هل في بنات يقبلون بهذا الشيء ؟

نصحني ولد خالي وأنا بزر في الابتدائي أني ما أصادق إلا أكبر مني ، ومن بعدها أصدقائي كلهم أكبر مني وبعضهم بعشر سنوات وأكثر ، وأحس أني ما أقدر أتعامل مع وحدة صغيرة أبدا ..
وغير كذا أنا إنسان لي طموح علمي واهتمامات علمية كثيرة والصغار شبه مستحيل يكون هذا الشيء متوفر فيهم ..

وووأسباب أخرى !!


آسف على الحوسة في الكتابة ، بس والله أحس أني متحطم بقوة

باختصار أبي حرمة !! حتى لو كانت مطلقة !!

__________________

اخي الكريم مثل مافي الطالح في الصالح ,’~

ولولآ اختلاف الاراء لبارت السلع ,.,~

أكييد في بنات يقبلو بشخص اصغر من بنتهم والبنت بحد ذاتها تكون موافقه واعرف كتير زي كدا,’~
كلو والنصيب عارف كيف ,.,~

والله يرزقك بالزوجه الصالحه التي تعينك على دينك ودنياك =)

__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟

زي ماقالت حبيبتي زهرة .... فيه بنات ترضى وبنات لا ...
بس بسألك أخوي ليش حكمت إن اللي أصغر منك مايتوفر فيها الإهتمام العلمي ؟؟ والكلام اللي قلته ؟؟ يااخوي هالأمور ترتبط بالعقل ماترتبط بالعمر نهائيا ....
طيب خذ لك هالقصة أنا كنت عادي عندي أتزوج كبري بالعمر .... وكانت هذي قاعدة متمسكة فيها عادي أتزوج كبري واللي حولي معارضين ... كان أيام اعتناق هالفكرة عمري 21 22 ..
مرت الأيااااااااااااااااااااام انخطبت بشكل رسمي وصار كل شئ تمام وكان عمري 22والخاطب 26 ..
صار مع احترامي بزر وكل شئ فيه كأنه صغييييييييييييييييير بالعمر وهذا حكم أخواني عنه لأني ماتملكت ...
لا وابشرك فسخ الخطوبة لسبب تافه جدا جدا جدا جدا ..... هذا دليل عقليته الكبيرة خخخخ
قالوا اهلي هذا وهو أكبر منك بأربع سنوات وسوا كذا أجل لو كبرك وش بيسوي من حركات !!
طبعا مااعمم هالقاعدة فيه شباب أعمارهم 22 24 وأفضل من الكبار فهو لايرتبط بالعمر يرتبط بعقل ...
لكن نصيبي طيحني بشخص قليل عقل ...
كوني بنت مااقدر اعرف عقل الخاطب فقررت أتزوج فوق 28 تفاديا لكل المشاكل ....
لكني مؤخرا قلت العقل لايرتبط بعمر محدد ... ومالنا إلا النصيب ...
ولما يااخوي تقول الصغيرات ماعندهم هالإهتمامات العلمية أحس إنك تحكم علينا بحكم غير عادل ...
أصابع يدك مو سوى ... أنا أشوف تصرفات من بعض الثلاثينيات ومن بعض البنات في آواخر العشرين
ماتسويها بنت 17 !!
مو شرط ..
أتمنى لك التوفيق ..

__________________
الدراسة مقبلة دعواتكم

البنت تنظر للزوج على انه هو المسؤول والولي أكثر منه الشريك ... واذا تبغى أحد مسؤول عنك وتكون تحت حمايته وتلجأ له بالازمات فأتوقع بأنه المفروض يكون اكبر بالعمر بشكل عام وعلى الأغلب لأن الأكبر عمرا راح يكون تطور من ناحية الوظيفة والدخل ومن ناحية الشخصية والتعقل ومن ناحية الاحتواء والقدرة على تحمل المسؤولية وتحمل الأصغر منه اللي هي زوجته ..
بالغالب الأعم إذا تزوجت البنت شاب أصغر منها أو قريب من عمرها فراح تحتاج أنها هي تحتويه أو على الأقل بيكون الأمر مشترك بينهم مرة هي تحتويه ومرة هو ...

__________________

عادي طيب
اعرف كثير تزوجو كبرهم واكبر بسنه
اذا كان عمرك 30
خذ وحدة عمرها 30او 29عشان ترضي اهللك

زهرة الرمان
Beta2
أشكركم على التحطيم
بس أنا أتفق معكم ، وهذي المشكلة ..

أختي بنت أطيب إنسان ، لو عمري 30 كان المشكلة أهون بكثير ؛ لأنه عادة في هذا السن يتقلص الفارق ، فمعقول انه واحد بعمر 30 يتزوج وحدة عمرها 30 ..

المشكلة أنه عمري 24
وشكلي كأني توني طالب بكالوريوس

بس قبل اشوي صار موقف حلو رفع من معنوياتي اشوي ، وأنا طالع من المسجد قابلني واحد صغير سلم علي قال أنا ولد صديقك ، قلت أي واحد ؟ قال : فلان ، صار يقصد واحد عمره أربعين
وأنا من زمان أحاول أكبر نفسي عشان أظفر بأم الستة والعشرين

أختي ذوق أشكرك على المشاركة ، بالنسبة لسؤالك ، غالبا اللي أصغر مني بتكون توها داخلة الجامعة غالبا تكون توها ما تكونت عندها قاعدة فكرية ثابتة ، أتكلم عن الغالب ..
وأتفق معك أنه في صغار عقولهم كبيرة وواعين جدا ..

ومواضيعك مؤثرة جدا ، أسأل الله أن يرزقك الزواج الصالح ..

__________________

:*

سؤال التصويت مو واضح...؟!!


:*

__________________

اخي انت متضايق انه بعض البنات يصنفوا الرجال على حسب اعمارهم
فاللي اصغر منها او بسنها مايرضوا فيهم على اساس انهم لسه مو اكفاء و مو قد المسؤلية
صح؟

بنفس الوقت .. انت اصدرت نفس الحكم على البنات الصغيرات
فقط من خلال العمر حكمت انهم غير مسؤلات و غير مؤهلات

يعني وحدة بوحدة و هذا الشي هو تفكير مجتمع بشكل عام
فلا تعيب على البنات تفكيرهم بهذا الشكل وعدم اقبال الاكثرية على
رجل اصغر منهم في العمر .. فكرك و فكرهم واحد في هذه النقطة

نرجع لسؤالك . صح في بنات تقبل بس الصراحة قليل
فالاغلبية زي ماذكرت حضرتك تظن ان الاصغر سنا غير مناسب
وغير متحمل للمسؤلية
و انه مافي عليه امان بكرة بعد 10 سنين هي راح تكبر وهو يدور الثانية
الخ
عدا عن الخوف من نظرة صاحباتها لها و قريباتها كيف اخذتي صغير ؟

اخيرا يا اخي لا تحط ببالك العمر.. نصيحتي ابحث عن البنت و تفكيرها
اسال اخواتك . والدتك و ابحث عن فتاة تكون عادة متحملة مسؤلية بيت اهلها
بغض النظر عن عمرها كبيرة او صغيرة ..

وربي يوفقك باللي تسرك و تفرح خاطرك

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

الله يجزاك خير على الدعوة ..... طيب اخوي اخطب وحدة عمرها 22 بتكون توها متخرجة من الجامعة !!اخطب 23 24 !! وش المانع ممكن توضيح ؟؟؟
ترى هالموضوع مزعجني بس انا احاول اطنش مابي هموم تضغطني أكثر موب ناقصة بصراحة
بس دامك كتبته قلت أناقشك ربما أفهم قليلا تفكير بعض شبابنا !!!
تبي تظفر ببنت 26 !! اكبر منك بسنتين وش الفرق ؟؟
أدري هذي قناعتك ربي يسعدك ولااناقشك بقناعتك الشخصية بس أبي أفهممممممم
داخ راسي والله من تفكير بعض الشباب
بعضهم مايبي يتزوج وحدة فوق 22 حتى لو هو عمره 30 !!! مايبي كبيرة ..
طيب آمنا وصدقنا .... الشباب اللي تحت 25 يبون كبيرة !!!!
يعني أنا واللي كبري ضعنا بالطوشة لا الكبار يبونا ولا الشباب يبونا هههههه
الله لنا النصيب يجي ...
تقبل هذرتي ...

__________________
الدراسة مقبلة دعواتكم

أخي الكريم/ مبحاث
*نحن عرفنا وجهة نظرك ونحترمها ونقدرها.. ونعرف أيضاً وجهة نظر شريحة كبيرة من البنات وكيف ينظرون للأمر..والأمر واسع.
*وأعلم كيف تنظر والدتك حفظها الله للموضوع.
*وأعلم كيف ينظر والدك ومجموعة كبيرة من الرجال للموضوع.
*وبما أنك مقتنع بفكرتك تماماً – مع أني أعتقد أنك ستغيرها يوماً ما- فابحث مستعيناً بالله عما تريد في محيطك العائلي، ثم اخرج قليلاً إن لم تجد وهكذا.
*وبالمناسبة مثلك كثير، وأعرف أربعة أو خمسة من الرجال لديهم زوجات أكبر منهم سناً.