السلام عليكم احبتي في الله
نعم احبه اي والله احبه اعشقه والحياة بدونه ظلام وسواد الليل الكالح ..هو زوجي هو قرة عيني هو نبض الروح ودوى قلبي المجروح هو سعادتي وهو حزني هو من ينزل دمعتي وهو وحده الي يقدر يمسحها ..هو وصاني ربي بطاعته وحرم علي حب غيره ,,هو من اتمناه زوجي بالدنيا وهو الي ابيه باخرتي
مهما وصلت من البلاغة وحسن التعبير والله لن استطيع وصف مابداخلي من شوق وحب وعذاب
لكن للاسف رغم هالحب لابد ان يجي شى يكدر علي انا وزوجي لست انسانة كاملة والكمال لوجهه الكريم
لكني زوجة يتمناها اي زوج وبدون فخر على الله اعطي واعطي بلا حدود ولافي يوم انتظرت المقابل
ولكن عندما تجيني حالات الغضب اتحول الي انسانة شرسة ولسان خبيث لا استطيع وقتها ضبط نفسي ولا السيطرة عليها صح ان غضبي مايطول بس اذا جا عمى كل شى,,لي ذكريات جدا جميلة وباماكن كثيرة مع زوجي كل مكان شهد على حبنا وضحكنا وانسجامنا وقت الفرح ,,لكن الطامة الكبرى انه كل ماصارت مشكلة زوجي يوصل الي حل الطلاق وينسى محساني ولا يذكر الا عيوبي ينسى اني انا من هي الي حبت وضحت واعطت ودللت وخضعت وسهرت على راحته ينسى اني كنت احط للقمة بفمه وانا اجوع
ينسى اني عطيته اقوى شعور الثقة بالنفس وسحبتها من نفسي ,,ينسى اني انا بكيت عشان الفرحة تملى عيونه,,,من يوم تزوجته وهو ماله سلاح الا الطلاق وقد صرحت له اكثر من مليون مرة اني اخاف من الطلاق لاجل شى واحد بس لاني احبه وليس خوف من الطلاق نفسه صح اني انا السبب وانا اكبر المشكلة اغلب الاحيان لكن هل هذا يعني ان مصيري يكون دائما الطلاق؟؟؟ وهل هذا جزاتي ؟؟ وهل استحقه فعلا؟؟؟
انا انسانة طيبة لابعد الحدود ولايمكن احس اني زعلت احد مني ولا اراضيه والله يبات الا وهو راضي كل الرضا عني سواء من بعيد ولا من قريب فما بالك زوجي الحبيب قرة عيني ونبض قلبي ودفا برد السنين
نادر جدا مايتاسف ونادر جدا مايجي يراضيني الا انا دائما الي ابادر بالصلح والاصلاح معه
اتقطع اذا بات زعلان علي ولايمكن يهنى لي بال الا لمن يرضى عني ..والمصيبة ياحبتي في الله انه مايرضى بسرعة يبغاله اسبوع عشان يرجع يروق ويرجع لطبيعته
اخر مشكلة وهي تافهة وانا السبب لكن والله ثم والله انه شى خارج عن ارادتي ماحس بنفسي ابد سويت مشكلة من شى ..والشيطان كبرها براسي وكان مصيري انتي طالق ,,,,,,,,,,,,,,,,,,,,,,,,
ياعالم وربي من سمعتها حسيت اني تحت الارض بعالم مو عالمي حسيت انه نزلت علي ساعقة شقت فيني كل شى حسيت ان ابوي وامي ماتوا وقتها حسيت ان عيد ميلاد موتي قرب
ماقدرت وانهرت رمى علي اليمين وطلع من البيت حسيت ان بغابة وان الوحوش راح تفترسني بغياب زوجي عني كذا احساس دمرني دخلت بكل الاحاسيس لا استطيع وصف ماحدث لي بالضبط وقتها مافي عبارة معينة بس دماااااااااااااااااااااااار ,,,دقيت عليه قلت ودني مستشفى بموت جا واخذني وركبني ورى وكانه مايعرفني ابد وصرت محرمة عليه دخلت عند الدكتور ولا دخل معي وتجاهلني بالمستشفى
من صارت الممرضة تقيس ضغطي قلت يارب يكون الضغط مرتفع عندي عشان زوجي يحن قلبه ويخاف علي
قلت ياليت يسون لي تحليل دم ويلقون عندي سكر عشان زوجي يرحمني .....تمنيت المرض عشان حرمته فيني اللهم اني استغفرك واتوب اليك اللهم لا تحرمني عافيتي وانظر من حالي فانت ارحم الراحمين
رجعني من المستشفى الي البيت ولم ينظق بكلمة قلت له انا دايخة ابيك تطلع معي فوق وتوصلني لعند الباب قال ابد وربي مو طالع قلت له مانزل من السيارة لين تطلع معي تركني جوا السيارة وراح بلموزين
وياربي وياقووووووووووو قلبه
ثاني يوم دقيت عليه وجا وطلع البيت وحطلي الاغراض عند باب البيت ,قلت له يابن الحلال اتقي الله تراني زوجتك ادخل جوا نتفاهم ,,دخل بالقوة وربي ماكان عندي حل الا اني القيت نفسي عليه وخليته يعاشرني بالقوة عشان ارجع لذمته لا تواخذوني والله اني مستحية منكم بس الشكوى لله
رجعنا لبعض بس العلاقة لازالت متوثرة وقلت ياترى هالمرة طلقني ورجعته بالقوة وكل مرة انا الي ادعو نفسي للصلح ولا ابي خراب بيتي طيب المرة الجاية وش بيكون مصيري وهل بصير ذليلة له العمر كله ؟
وين عزة نفسي وين الرجل الي يخسر الغالي والنفيس عشان ترجع له زوجته ..صح انه زعلان من نفسه عشان طلقني بس لحد الان لم يعتذر ولا زال الحزن على ملامحه ورغم هذا ماقدرت اشوفه حزين ومسحت على راسه وبست يده ..
احبتي في الله والله مابي منكم سوا الدعاء لي بظهر الغيب والسموحة على الاطالة والله مالي غيركم افضفض له بعد الله ..ادعولي ان الله يرزقني من حبيبي وقرة عيني ذرية على الاقل اذا المني احضن طفلي يعوضني حنانه.
17-10-2010, 02:46 AM
ضوابط المشاركة
العرض العادي
